Ndeitunga a kunkilile oongundu dhopolotika
Omukomeho gwopolisi yaNamibia okwa holola okuuva nayi okwe omolwa omapumathano pokati koongundu dhopolotika pethimbo yomahwahwameko gomahogololo, ta popi kutya omaipumo mumwe ngoka otaga vulu okweetitha iiponga.
28 October 2020 | Local News
KENYA KAMBOWE
RUNDU
Sebastian Ndeitunga okwa kunkilile kutya oongundu dhopolotika nadhi yande okutukathana, opo ku yandwe omapangulo uuna kwa tulwa mo iipotha.
Ndeitunga okwa popi ngaaka sha landula omaipumo mumwe pokati kaayambidhidhi yongundu yoSwapo oshowo aayambidhidhi yoRundu Urban Community Association (RUCA) molukanda Tumweneni moRundu, mehuliloshiwike lya piti.
Omaipumomumwe ga faathana oga lopotwa woo mOpuwo oshiwike sha piti, moka Swapo iipumu mumwe natango naayambidhidhi yoIndependent Patriots for Change (IPC) oshiwike sha piti.
Ndeitunga okwa popi kutya omaipumo mumwe ngoka otaga vulu okweetitha omalugodhi nomayehameko.
Omukomeho gwopolisi okwa pula omatompelo gomatukathano.
Ta pula kutya omolwashike aahogololi yahala aaleli mboka taya tukana.
Okwa popi kutya moshilongo kape na ngoka e na uuthemba wo kutuka mukwawo. Omahwahwameko gomahogololo ngoka taga ningwa momamwedhi twa taalela oga kwatelwa komeho komaponokelathano gopaumwene nonando inaku lopotwa omayehameko.
Ndeitunga okwa kolele kutya okwa yakula omanyenyeto kombinga yaashoka sha holoka moRundu mehuliloshiwike.
Okwa popi kutya nonando aakwashigwana otaya tyapula uuthemba wawo yopakotampango, kape na ngoka e na uuthemba wokutukana.
Okwa tsu omuthindo kutya ope na omulandu gwomaihumbato gwoongundu dhopolotika oshowo ompangu ndjoka tayi indike omaihumbato geli ngaaka pethimbo lyomahogololo.
“Tseyitha owala oprograma yongundu yoye naashoka to ka ninga ngele owa hogololwa, ihe ngele oto tuku yakweni olye ta taambako omuleli ngoka ta tuku aahogololi. Oshiholelwa shini to gandja onga omuleli ngoka ha tukana,” Ndeitunga a pula.
Ndeitunga okwa tsu omuthindo kutya kape na ngoka e na uuthemba moshilongo muka shokutuka aantu, na oshili oshimbuluma.
Okwa popi kutya okwa tegelela aakwashigwana ya kale ya koka papolotika nokuyanda omaihumbato omawinayi.
“Inatu hala opolisi yi kale ya ndumbalelwa kiipotha ethimbo kehe. Aantu naya ihumbate owala nawa yo taya yanda okuya moshipala uuthemba nemanguluko lya yakwawo,” Ndeitunga a popi.
[email protected]
RUNDU
Sebastian Ndeitunga okwa kunkilile kutya oongundu dhopolotika nadhi yande okutukathana, opo ku yandwe omapangulo uuna kwa tulwa mo iipotha.
Ndeitunga okwa popi ngaaka sha landula omaipumo mumwe pokati kaayambidhidhi yongundu yoSwapo oshowo aayambidhidhi yoRundu Urban Community Association (RUCA) molukanda Tumweneni moRundu, mehuliloshiwike lya piti.
Omaipumomumwe ga faathana oga lopotwa woo mOpuwo oshiwike sha piti, moka Swapo iipumu mumwe natango naayambidhidhi yoIndependent Patriots for Change (IPC) oshiwike sha piti.
Ndeitunga okwa popi kutya omaipumo mumwe ngoka otaga vulu okweetitha omalugodhi nomayehameko.
Omukomeho gwopolisi okwa pula omatompelo gomatukathano.
Ta pula kutya omolwashike aahogololi yahala aaleli mboka taya tukana.
Okwa popi kutya moshilongo kape na ngoka e na uuthemba wo kutuka mukwawo. Omahwahwameko gomahogololo ngoka taga ningwa momamwedhi twa taalela oga kwatelwa komeho komaponokelathano gopaumwene nonando inaku lopotwa omayehameko.
Ndeitunga okwa kolele kutya okwa yakula omanyenyeto kombinga yaashoka sha holoka moRundu mehuliloshiwike.
Okwa popi kutya nonando aakwashigwana otaya tyapula uuthemba wawo yopakotampango, kape na ngoka e na uuthemba wokutukana.
Okwa tsu omuthindo kutya ope na omulandu gwomaihumbato gwoongundu dhopolotika oshowo ompangu ndjoka tayi indike omaihumbato geli ngaaka pethimbo lyomahogololo.
“Tseyitha owala oprograma yongundu yoye naashoka to ka ninga ngele owa hogololwa, ihe ngele oto tuku yakweni olye ta taambako omuleli ngoka ta tuku aahogololi. Oshiholelwa shini to gandja onga omuleli ngoka ha tukana,” Ndeitunga a pula.
Ndeitunga okwa tsu omuthindo kutya kape na ngoka e na uuthemba moshilongo muka shokutuka aantu, na oshili oshimbuluma.
Okwa popi kutya okwa tegelela aakwashigwana ya kale ya koka papolotika nokuyanda omaihumbato omawinayi.
“Inatu hala opolisi yi kale ya ndumbalelwa kiipotha ethimbo kehe. Aantu naya ihumbate owala nawa yo taya yanda okuya moshipala uuthemba nemanguluko lya yakwawo,” Ndeitunga a popi.
[email protected]
Classifieds