Namvet ta pangele okuya kompangu

Ehangano lyoNamibia War Veterans Trust (Namvet) olya popi kutya otali ka ya kompangu moonkambadhala dhokukondjitha opo aakwiita nale yoSWATF/Koevoet ya dhidhilikwe onga oonakulwa aakulu.Omupopiliko gwoNamvet, Jabulani Ndeunyema, okwa popi kutya mekwathelo lyookume kawo mboka unene ye li aakwiita nale yoSWATF/Koevoet –oya mona hahende oshowo iimaliwa opo ya vule okushangitha oshipotha shawo. Ongundu onshona yaakwiita nale mboka oya gandja omukandayenyeto gwawo kuLydia Kandetu, moka taya pula opo ya dhidhilikwe onga oonakulwa aakulu nokupewa omauwanawa ngoka taga pewa oonaakulwa aakulu muuyuni. Shoka osha landula olopota ndjoka ya pitithwa komunashipundi gwokomitiye yoparliamentary standing committee on constitutional and legal affairs, Sebastiaan Karupu, ndjoka ya manithwa muKotomba gwomvula ya piti, kutya aakwiita nale yoSWATF/Koevoet itaya vulu okutulwa momushlondondo gwoonakulwa aakulu ngaashi tashi uthwa mOmpango yoNamibia War Veterans Act yomomvula yo2008, ndjoka ya utha kutya aakwiita owala yoPLAN oyo ya talika ko onga oonakulwa aakulu. Namvet okwa pula wo opo opaliamende yi pitithe ompango ndjoka tayi dhidhilike aakwiita ayehe mboka ya kutha ombinga imita pokati komvula yo 1966 oshowo 1989, opo ya tulwe mongundu yoonakulwa aakulu. Olopota yaKarupu oya gandja omayele kutya aakwiita nale yoSWATF/Koevoet naya konge omayambidhidho gopankalathano kiikondo yimwe, ngaashi omayambidhidho guunamiti, openzela yaakokele nomayambidhdho galwe gopaiyemo. Ndeunyema okwa popi kutya oya hala okugandja omagwedhelepo omape kokomitiye yaKarupu moshiwike twa taalela. “Okutala kolopota ndjoka, otashi ulike kutya kaya uviteko omaindilo getu. Onga OmuNamibia onda ya nale kiipangelo yepangelo mbyoka ya tungwa kepangelo lyaSouth Afrika. Opo ya tye kutya nandi ishangithe ndi mone omayambidhidho gomakwatho gopankalathano ngoka ga tulwa miilonga kepangelo lyokatongotongo otashi limbilike. Kashi shi iilonga yaSwapo a lombwelendje ngaaka; ondishi shi,” Ndeunyema a popi. Okwa popi Swapo ina simaneka uuthemba womuntu molwaashoka oya kala taya keme omaindilo gawo uule woomvula adhihe dha pit, ihe inaya hala okuuvako omaindilo gawo. Okwa popi kutya oya li ye wete omakemo gawo taga ka yamukulwa sho ya tsakanene nOmupresidende Hage Geingob momvulayo 2016. Okwa popi kutya ngele omupopi mOmutumba gwoPashigwana, Peter Katjavivi, ineya yamukula, nena otaya ka pula aakwiita nale yoSWATF/Koevoet pamwe naanona yawo opo ya ninge ehololomadhilaadhilo enene mOvenduka.

Namvet ta pangele okuya kompangu

Comments

Namibian Sun 2025-07-02

Please login to leave a comment

Namvet ta pangele okuya kompangu

Comments

Namibian Sun 2025-07-02

Please login to leave a comment

Login