Namibia ta nduluka ngashiingeyi iihauto
Omupresidende Hage Geingob okwa patulula pambelewa ongalashe yokulonga iihauto yaFrance yehangano lyoPSA nokuningila omalolelo oshihauto shotango shoPeugeot 5008 shoka sha longelwa tango mongalashe ndjoka.
Omupresidende okwa popi kutya shoka oshi li epondolo unene moshikondo shomapungulo moshilongo.
“Ohauto yandje yotango ndjoka nda landa moZambia sho oshilongo sha manguluka, oya li oPeugeot ya kulupa,” Geingob a poi.
Monena oomodela ndatu dhiihauto mbyoka yoSUV otadhi longwa mOmbaye niitungithi yiihauto mbyoka ohayi kuthwa pondje yoshilongo.
Iihauto mbyoka tayi longwa mongalashe ndjoka oya kwatela mo oomodela dhoPeugeot ngaashi - 3008 oshowo 5008, Opel Grandland, Emre Karaer, omupeha presidende gwoPeugeot mosub-Saharan Africa a popi.
“Otwa nyanyukwa noonkondo kookume yetu miilonga ngaashi Namibia Development Corporation, sho opoloyeka ndjika ya ningi yoshili.
Pahapu dhaKaraer, iihauto yi li 15 monena oya longwa nale mongalashe ndjoka oomodela ndatu dha yooloka. Okwa hololwa kutya ondjodhi yawo okulonga iihauto yi li po 5 000 okuya momvula yo 2020.
Ehangano lyoPSA group olya hala okukala tali landitha iihauto mUumbugantu waAfrika mbyoka ya longwa mOmbaye.
Omunambelewa ngoka okwa popi kutya iihauto mbyoka taya longo ohayi ningilwa omakonaakono nootutsa dha kwata miiti opo ku kashilipalekwe egameno lya kwata miiti nongushu yopamuthika gwopombanda. PSA group ehangano lyokulonga iihauto lyaFrance na olimwe lyomomahangano ga tulwa ponomola yotango muuyuni ngele tashi ya kokulonga iiyenditho.
Shoka otashi tsu kumwe noohapu shaKaraer sho a popi kutya omumvo gwoshimaliwa gwa piti oya nduluka iihauto yi li pomiliyona 2.2 nokumona iiyemo yooeuros oobiliyona 38.6.
Ongalashe ndjoka yokunduluka iiyenditho mOmbaye oya tota po oompito dhiilonga dha thika po 50, nomwaalu ngoka otagu etitha oonkondo, pahapu dhomukaelipo gwaFrance moNamibia, Claire Bodonyi.
Okwa popi kutya oya tokola okuhogolola Namibia omolwa uukume wongushu, nongalashe ndjoka oya kalelapo epungulo lyoomiliyona 190.
Omupresidende Geingob kwa pandula woo ominista yemona, Calle Schlettwein, omolwa omalongekidho ngoka a ningi opo opoloyeka yepungulo ndyoka yi tulwe miilonga.
Okwa popi kutya oku na einekelo kutya okunana omapungulo moshikondo shokulonga iihauto oshimwe shomapungulo gongushu ngoka taga yambulapo eliko lyoshilongo.
Geingob okwa popi kutya ondjila yokutsitha ondjodhi yopoloyeka ndjoka oyali yuudha omaupyakadhi ogendji na kasha li oshilonga oshipu, na okwa nyanyukwa sho ondjodhi ndjoka ya ningi yoshili, na otashi ulike epondolo lyaNamibia, sho iilonga oyindji nayo yali yi na ondjodhi yokukala nongalashe ndjoka.
ERWIN LEUSCHNER
“Ohauto yandje yotango ndjoka nda landa moZambia sho oshilongo sha manguluka, oya li oPeugeot ya kulupa,” Geingob a poi.
Monena oomodela ndatu dhiihauto mbyoka yoSUV otadhi longwa mOmbaye niitungithi yiihauto mbyoka ohayi kuthwa pondje yoshilongo.
Iihauto mbyoka tayi longwa mongalashe ndjoka oya kwatela mo oomodela dhoPeugeot ngaashi - 3008 oshowo 5008, Opel Grandland, Emre Karaer, omupeha presidende gwoPeugeot mosub-Saharan Africa a popi.
“Otwa nyanyukwa noonkondo kookume yetu miilonga ngaashi Namibia Development Corporation, sho opoloyeka ndjika ya ningi yoshili.
Pahapu dhaKaraer, iihauto yi li 15 monena oya longwa nale mongalashe ndjoka oomodela ndatu dha yooloka. Okwa hololwa kutya ondjodhi yawo okulonga iihauto yi li po 5 000 okuya momvula yo 2020.
Ehangano lyoPSA group olya hala okukala tali landitha iihauto mUumbugantu waAfrika mbyoka ya longwa mOmbaye.
Omunambelewa ngoka okwa popi kutya iihauto mbyoka taya longo ohayi ningilwa omakonaakono nootutsa dha kwata miiti opo ku kashilipalekwe egameno lya kwata miiti nongushu yopamuthika gwopombanda. PSA group ehangano lyokulonga iihauto lyaFrance na olimwe lyomomahangano ga tulwa ponomola yotango muuyuni ngele tashi ya kokulonga iiyenditho.
Shoka otashi tsu kumwe noohapu shaKaraer sho a popi kutya omumvo gwoshimaliwa gwa piti oya nduluka iihauto yi li pomiliyona 2.2 nokumona iiyemo yooeuros oobiliyona 38.6.
Ongalashe ndjoka yokunduluka iiyenditho mOmbaye oya tota po oompito dhiilonga dha thika po 50, nomwaalu ngoka otagu etitha oonkondo, pahapu dhomukaelipo gwaFrance moNamibia, Claire Bodonyi.
Okwa popi kutya oya tokola okuhogolola Namibia omolwa uukume wongushu, nongalashe ndjoka oya kalelapo epungulo lyoomiliyona 190.
Omupresidende Geingob kwa pandula woo ominista yemona, Calle Schlettwein, omolwa omalongekidho ngoka a ningi opo opoloyeka yepungulo ndyoka yi tulwe miilonga.
Okwa popi kutya oku na einekelo kutya okunana omapungulo moshikondo shokulonga iihauto oshimwe shomapungulo gongushu ngoka taga yambulapo eliko lyoshilongo.
Geingob okwa popi kutya ondjila yokutsitha ondjodhi yopoloyeka ndjoka oyali yuudha omaupyakadhi ogendji na kasha li oshilonga oshipu, na okwa nyanyukwa sho ondjodhi ndjoka ya ningi yoshili, na otashi ulike epondolo lyaNamibia, sho iilonga oyindji nayo yali yi na ondjodhi yokukala nongalashe ndjoka.
ERWIN LEUSCHNER
Comments
Namibian Sun
No comments have been left on this article