Nakukwatwa koCovid-19 e li pamwe nokanona ke
OGONE TLHAGE
OVENDUKA
Omukiintu ngoka eshiwike koshifokundaneki shoNamibian Sun, okwa popi kutya oha zi pamwe nokanona ke okashona, hoka ke li moshiponga shokukwatwa kombuto ndjoka. Okwa popi kutya nonando okwa monika ombuto mEtine lyoshiwike sha piti, ina tembudhilwa natango kendiki lyokwiikalekela hoka taku tulwa aapangwa yombuto ndjoka.
“Mondunda moka ndili ngashiingeyi oyi li konima yegumbo lyomumati gwandje moSea Point,” omukiintu ngoka a popi.
“Ohandi hiila momudhingoloko ngoka ihe onda tembukile kondunda ndjoka molwaashoka ohandi longitha okaiyogelo naantu oyendji pehala mpoka handi hiila na inandi hala okutaandelitha ombuto konima sho nda nongele kutya onda kwatwa.”
Konima sho a pulwa kutya okwa mono ngiini kutya okwa kwatwa.
Okwa yamukula kutya okwa tameke ta ehama ombunda neloloko.
“Onda yi koshipangelp na oya mono kutya uupyu wandje owuli pombanda na oya popi kutya nandi shune kegumb opo ndi konaakonwe esiku tali landula. Sho nda konaakonwa onda kunkililwa kutya inandi kala pamwe naantu. Onda konaakonwa mEtine na onda lombwelwa opo ndi ye kegumbo e tandi ikalele. Ondi na okanona koomwedhi omugoyi oshowo koomvula ndatu. Aanambelewa yuundjolowele oya lombwelendje kutya nandi kiikalele, olye ta sile oshisho aanona yandje ngele ondiikalele? Inaya konaakonwa ihe ondi na okwiikalela. Kape na ngoka e ya na kehe gumwe ota pendje owala ehokololo lya yooloka. Oya pumbwa okukonaakona aanona yandje, ondi li ongame awike.”
Ke na shoka ta vulu okuninga
Nonando okwa ningwa omadhengo goongodhi ogendji opo aanambelewa yepangelo ya topole omukiintu ngoka nokanona ke oonkambadhala dhe odha gwile momakutsi ga thita.
“Kape na omunambelewa gwepangelo e ya kungame. Oya lombwelendje kutya otaye ya ihe kehe ethimbo otandi popi owala uupyakadhi wandje. Onde ya dhengele ndi ya pule kutya otaya kutha po okanona kandje uunake.”
Kansela gwoshikandjohogololo, Walvis Bay Urban, Knowledge Ipinge okwa popi kutya ke na shoka ta vulu okuninga nokuyambidhidha omukiintu ngoka, molwaashoka epangelo olya pumbwa okwiidhopa moshinima shoka okupitila muuministeli wuundjolowele ngaashi omilandu tadhi ti.
Omukomeho muuministeli wuundjolowele, Ben Nangombe okwa tindi omapopyo kutya gumwe gwomaapangwa ina tembulilwa natango kendiki lyepangelo lyokwiikalela.
Oonkambadhala odha ningwa okumona omukomeho gwuundjolowele mErongo, Anna Jonas, ihe ongodhi ye inayi yamukulwa.
OVENDUKA
Omukiintu ngoka eshiwike koshifokundaneki shoNamibian Sun, okwa popi kutya oha zi pamwe nokanona ke okashona, hoka ke li moshiponga shokukwatwa kombuto ndjoka. Okwa popi kutya nonando okwa monika ombuto mEtine lyoshiwike sha piti, ina tembudhilwa natango kendiki lyokwiikalekela hoka taku tulwa aapangwa yombuto ndjoka.
“Mondunda moka ndili ngashiingeyi oyi li konima yegumbo lyomumati gwandje moSea Point,” omukiintu ngoka a popi.
“Ohandi hiila momudhingoloko ngoka ihe onda tembukile kondunda ndjoka molwaashoka ohandi longitha okaiyogelo naantu oyendji pehala mpoka handi hiila na inandi hala okutaandelitha ombuto konima sho nda nongele kutya onda kwatwa.”
Konima sho a pulwa kutya okwa mono ngiini kutya okwa kwatwa.
Okwa yamukula kutya okwa tameke ta ehama ombunda neloloko.
“Onda yi koshipangelp na oya mono kutya uupyu wandje owuli pombanda na oya popi kutya nandi shune kegumb opo ndi konaakonwe esiku tali landula. Sho nda konaakonwa onda kunkililwa kutya inandi kala pamwe naantu. Onda konaakonwa mEtine na onda lombwelwa opo ndi ye kegumbo e tandi ikalele. Ondi na okanona koomwedhi omugoyi oshowo koomvula ndatu. Aanambelewa yuundjolowele oya lombwelendje kutya nandi kiikalele, olye ta sile oshisho aanona yandje ngele ondiikalele? Inaya konaakonwa ihe ondi na okwiikalela. Kape na ngoka e ya na kehe gumwe ota pendje owala ehokololo lya yooloka. Oya pumbwa okukonaakona aanona yandje, ondi li ongame awike.”
Ke na shoka ta vulu okuninga
Nonando okwa ningwa omadhengo goongodhi ogendji opo aanambelewa yepangelo ya topole omukiintu ngoka nokanona ke oonkambadhala dhe odha gwile momakutsi ga thita.
“Kape na omunambelewa gwepangelo e ya kungame. Oya lombwelendje kutya otaye ya ihe kehe ethimbo otandi popi owala uupyakadhi wandje. Onde ya dhengele ndi ya pule kutya otaya kutha po okanona kandje uunake.”
Kansela gwoshikandjohogololo, Walvis Bay Urban, Knowledge Ipinge okwa popi kutya ke na shoka ta vulu okuninga nokuyambidhidha omukiintu ngoka, molwaashoka epangelo olya pumbwa okwiidhopa moshinima shoka okupitila muuministeli wuundjolowele ngaashi omilandu tadhi ti.
Omukomeho muuministeli wuundjolowele, Ben Nangombe okwa tindi omapopyo kutya gumwe gwomaapangwa ina tembulilwa natango kendiki lyepangelo lyokwiikalela.
Oonkambadhala odha ningwa okumona omukomeho gwuundjolowele mErongo, Anna Jonas, ihe ongodhi ye inayi yamukulwa.
Comments
Namibian Sun
No comments have been left on this article