Mwoombola a zi mokalungu
Amushanga nale moshikondo shuundjolowele woshigwana okwa popi kutya omananathano nokwaahauvathana hoka kwa kala pokati ke nomuhona gwe nale, okwa hwahwamekwa konkalo yokutinda omalombwelo gokulonga iilonga yuulingilingi okuza komukomeho gwe miilonga.
OMUTOOLINKUNDANA GWOMENI
Amushanga nale gwUuministeli wUundjolowele okwa undile Ominista Bernhard Haufiku kutya otayi gama ombinga nomahangano gamwe po opo gapewe ootendela kuuministeli, itaku alndulwa omilandu.
Andreas Mwoombola okwa popi kutya omuhona gwe nale ota longo uulingilingi mokugandja ootendela komahangano gamwe.
Mwoombola okwa lundululilwa kOmbelewa yOmuprima oshiwike sha piti, sha landula omananathano gawo miilonga ngoka geli pokati ka naHaufiku, nomananathano ngoka gopaumwene oga etitha omukundu muuministeli ngele tashi ya kegandjo lyomayakulo kaayakulwa yepangelo.
Mwoombola, ngoka a kala a mwena konima nkene oshikumungu shoka she ya polweela moshigwana okwa popi kutya Haufiku ote mu lundile nokunyateka edhina lye.
Okwa popi kutya minista okwa kala nokukaleka ootendela dhoka dha li nale miilonga okupitila momatumwalaka gokoWhatsApp pwaahena omatompelo gasha, kutya omolwashike ta kutha oonkondo ootendela ndhoka.
Aniwa okwe mu pe woo omalombwelo opo ku gandjwe ootendela komahangano gamwe po inaku landulwa omilandu, nokupogola ompango yoPublic Procurement Act No.15 yomo 2015.
Okwa tsikile kutya okwa kala nokutinda omalombwelo ngoka poompito dha yooloka naashoka osho sha etitha omananathano gawo miilonga, nuutondwe okuza kuHaufiku.
Haufiku okwa tindi okuyamukula komalundilo gaMwoombola ta popi kutya oshikumungu shoka otashi ungaungiwa nasho kOmbelewa yOmuprima.
Mwoombola natango okwa tsikile kutya omuhona gwe okwa kala nokumugandagula nokomeho yaaniilonga pamwe naye nokumwiihumbatela momukalo gwaana esimaneko.
“Minista okwa kala ha gandagulandje komeho yaalelwa yandje. Okwa toto po omuthigululwakalo gwokugandagulandje nomukalo ngoka kagu li mondjila.”
Okwa tsikile kutya onkambadhla dha ningwa komupeha minista , Juliet Kavetuna opo kweetwepo ombili pokati kawo inadhi pondola sha na odha hulile muunyengwi.
“Okwa ningwa omutumba momasiku 15 gaMei mo 2017 ihe omutumba ngoka inagu e ta iiyimati iiwanawa molwaashoka omusimanekwa ina hala okukandulapo uupyakadhi mboka pauyuuki nopaumwene. Pehala okwa ningilendje omatilitho gokutidha ndje muuministeli ngele inandi ikutha miilonga, shoka nda tindi okuninga.”
Mwoombola okwali a kuthwa miilonga pakathimbo muJuli omolwa omakonaakono giipotha yuulingilingi ga ningwa, na okwa shunwa miilonga konima yomwedhi gumwe ihe amushanga gwokabinete George Simataa okwa koleke kutya omakonaakono ngoka otaga tsikile.
Haufiku monakuziwa okwa li a popi kutya okwa gandja omaumbangi miipotha mbyoka tayi tamanekelwa Mwoombola, kOkakomisi kOkukondjitha Uulingilingi ihe inashi yela natango ngele omakonaakono oga manithwa tuu kokakomisi hoka.
Mwoombola okwa popi kutya Haufiku oye a li e mu kongo opo a wayimine uuministeli mboka mo 2015, na okwa thigi po iilonga ye hayi futu nawa mehangano lyopaumwene.
“ Omalalakano gandje oga li gokugandja omayakulo guundjolowele gongushu na otaga vulika kukehe gumwe moNamibia. Onda kala ndi na omukumo miilonga yandje moshikondo shoka ndi na ontseyo musho.”
caption
Amushanga nale gwUuministeli wUundjolowele okwa undile Ominista Bernhard Haufiku kutya otayi gama ombinga nomahangano gamwe po opo gapewe ootendela kuuministeli, itaku alndulwa omilandu.
Andreas Mwoombola okwa popi kutya omuhona gwe nale ota longo uulingilingi mokugandja ootendela komahangano gamwe.
Mwoombola okwa lundululilwa kOmbelewa yOmuprima oshiwike sha piti, sha landula omananathano gawo miilonga ngoka geli pokati ka naHaufiku, nomananathano ngoka gopaumwene oga etitha omukundu muuministeli ngele tashi ya kegandjo lyomayakulo kaayakulwa yepangelo.
Mwoombola, ngoka a kala a mwena konima nkene oshikumungu shoka she ya polweela moshigwana okwa popi kutya Haufiku ote mu lundile nokunyateka edhina lye.
Okwa popi kutya minista okwa kala nokukaleka ootendela dhoka dha li nale miilonga okupitila momatumwalaka gokoWhatsApp pwaahena omatompelo gasha, kutya omolwashike ta kutha oonkondo ootendela ndhoka.
Aniwa okwe mu pe woo omalombwelo opo ku gandjwe ootendela komahangano gamwe po inaku landulwa omilandu, nokupogola ompango yoPublic Procurement Act No.15 yomo 2015.
Okwa tsikile kutya okwa kala nokutinda omalombwelo ngoka poompito dha yooloka naashoka osho sha etitha omananathano gawo miilonga, nuutondwe okuza kuHaufiku.
Haufiku okwa tindi okuyamukula komalundilo gaMwoombola ta popi kutya oshikumungu shoka otashi ungaungiwa nasho kOmbelewa yOmuprima.
Mwoombola natango okwa tsikile kutya omuhona gwe okwa kala nokumugandagula nokomeho yaaniilonga pamwe naye nokumwiihumbatela momukalo gwaana esimaneko.
“Minista okwa kala ha gandagulandje komeho yaalelwa yandje. Okwa toto po omuthigululwakalo gwokugandagulandje nomukalo ngoka kagu li mondjila.”
Okwa tsikile kutya onkambadhla dha ningwa komupeha minista , Juliet Kavetuna opo kweetwepo ombili pokati kawo inadhi pondola sha na odha hulile muunyengwi.
“Okwa ningwa omutumba momasiku 15 gaMei mo 2017 ihe omutumba ngoka inagu e ta iiyimati iiwanawa molwaashoka omusimanekwa ina hala okukandulapo uupyakadhi mboka pauyuuki nopaumwene. Pehala okwa ningilendje omatilitho gokutidha ndje muuministeli ngele inandi ikutha miilonga, shoka nda tindi okuninga.”
Mwoombola okwali a kuthwa miilonga pakathimbo muJuli omolwa omakonaakono giipotha yuulingilingi ga ningwa, na okwa shunwa miilonga konima yomwedhi gumwe ihe amushanga gwokabinete George Simataa okwa koleke kutya omakonaakono ngoka otaga tsikile.
Haufiku monakuziwa okwa li a popi kutya okwa gandja omaumbangi miipotha mbyoka tayi tamanekelwa Mwoombola, kOkakomisi kOkukondjitha Uulingilingi ihe inashi yela natango ngele omakonaakono oga manithwa tuu kokakomisi hoka.
Mwoombola okwa popi kutya Haufiku oye a li e mu kongo opo a wayimine uuministeli mboka mo 2015, na okwa thigi po iilonga ye hayi futu nawa mehangano lyopaumwene.
“ Omalalakano gandje oga li gokugandja omayakulo guundjolowele gongushu na otaga vulika kukehe gumwe moNamibia. Onda kala ndi na omukumo miilonga yandje moshikondo shoka ndi na ontseyo musho.”
caption
Comments
Namibian Sun
No comments have been left on this article