Meatco a landa oongombe okuza kuGeingob

OMUTOOLINKUNDANA GWOMENI



OVENDUKA

Ehangano lyoMeatco olwa landa oongombe dhili o 60 okuza kOmupresidende Hage Geingob, okupitila moshikondo shawo shoProduction and Value Addition Department.

Pahapu dhaMeatco, Geingob okuli omunafaalama na oha landitha oongombe dhe shito kehangano lyaMeatco.

Aanafaalama AaNamibia oya pulwa ya landithe iimuna yawo kuMeatco opo ya vule okuyambulapo eliko lyoshilongo nokutotapo woo oompito dhiilonga.

“Ohatu tomo iimuna mbyoka yili monkalo ombwaanawa,” Meatco a holola.

Meatco okwa holola kutya oya totopo ekwatathano ewanawa nomupresidende onkene oye na einekelo kutya oshikando tashi landula uuna a hala okulanditha iimuna ye, Meatco oye ta kala ehogololo lye yotango molwaashoka okwa hala okuyambidhidha oshikondo shetumo lyonyama yongombe momalanditho gopondje.

“Otatu ka kala mekwatathano nelelo lyofaalama nokugandja omayele gopautekinika mpoka tatu vulu opo tukwashilipaleke eyambulepo lyofaalama nokukaleka pamuthika omuwanawa oongombe mofaalama ndjoka.

Geingob okuli omunafaalama gwopangeshefa monooli yoshilongo.

Meatco ota tsu omukumo aanafaalama ayehe yopangeshefa ya ninge ekwatathano noombelewa dhe opo ya vule okukala taya landitha iimuna yawo kehangano ndyoka.