Landithenipo iimuna yeni, aanafaalama ya lombwelwa
Omolwa omuloka ngoka inagu dhidhilikwa natango monooli nonkalo yombepo ya pupyala noonkondo, naashoka etitha omalimbililo mokati kaanafaalama.
10 January 2022 | Local News
TUYEIMO HAIDULA
OSHAKATI
Aaniimuna monooli yoshilongo oya kunkililwa opo ya longe nuudhiginini nokuninga oompangela dhokushonopaleka omwaalu gwiimuna yawo, opo ya adhike yiilongekidha ngele okwa kala inaku lokwa nawa na okwa holoka ishewe oshikukuta.
Omayele ngoka oga gandjwa kukansela gwoshikandjohogoolo Okatyali moshitopolwa shaShana, Joseph Mupetami, ngoka a popi kutya oshikukuta sha dhidhilikwa oomvula dha piti osha etitha eteyo lyankundipala nekanitho lyiimuna oyindji. Shoka osha etitha ompumbwe yoondya nokweetitha aakwashigwana yomwaalu omunene yakale yiikolelella moondya okuza kepangelo.
Kakele koshikukuta aanafaalama oya kanitha woo iimuna yawo okuza komukithi gwekondo nelaka ngoka gali gwa tukuka miitopolwa ya yooloka omvula ya piti.
Mupetami okwa popi oya limbililwa molwaashoka onkalo yombepo itayi ulike omulilo omwaanawa.
“Otwa limbililwa molwaashoka iimuna otayi ende iinano iile ko kakuna omvula na oku na omutenya omunene,” Mupetami a popi.
Mupetami okwa popi kutya nonando ongaaka inaya yakula onkundana yoshimuna sha si natango.
Kuyele muDesemba gwomvula ya piti, iitopolwa yimwe po ya mono omuloka guli nawa ihe shoka osha landulwa konkalo yombepo ya pupyala noonkondo ndjoka ya etitha iishana yipwine omeya meendelelo.
Mupetami okwa kunkilile aaniimuna yakwawo opo ya ninge oompangela ya kale yiilongekidha ngele oshikukuta osha galuka.
Ombelewa yokutengeneka onkalo yombepo yoNamibia Meteorological Service oya holola kutya omahala ngaashi Eenhana, Omuthiya oshowo iitopolwa ngaashi Kavango, Zambezi oshowo Otjozondjupa otayi mono omuloka omwaanawa oshiwike shika.
Kansela Mupetami natango okwa popi kutya iitopolwa yomonooli itayi vulu we okuhumbata omwaalu omunene gwiimuna onkene aanafaalama naya landithepo iimuna mbyoka ya kulupa nokulanda iimuna iishona.
OSHAKATI
Aaniimuna monooli yoshilongo oya kunkililwa opo ya longe nuudhiginini nokuninga oompangela dhokushonopaleka omwaalu gwiimuna yawo, opo ya adhike yiilongekidha ngele okwa kala inaku lokwa nawa na okwa holoka ishewe oshikukuta.
Omayele ngoka oga gandjwa kukansela gwoshikandjohogoolo Okatyali moshitopolwa shaShana, Joseph Mupetami, ngoka a popi kutya oshikukuta sha dhidhilikwa oomvula dha piti osha etitha eteyo lyankundipala nekanitho lyiimuna oyindji. Shoka osha etitha ompumbwe yoondya nokweetitha aakwashigwana yomwaalu omunene yakale yiikolelella moondya okuza kepangelo.
Kakele koshikukuta aanafaalama oya kanitha woo iimuna yawo okuza komukithi gwekondo nelaka ngoka gali gwa tukuka miitopolwa ya yooloka omvula ya piti.
Mupetami okwa popi oya limbililwa molwaashoka onkalo yombepo itayi ulike omulilo omwaanawa.
“Otwa limbililwa molwaashoka iimuna otayi ende iinano iile ko kakuna omvula na oku na omutenya omunene,” Mupetami a popi.
Mupetami okwa popi kutya nonando ongaaka inaya yakula onkundana yoshimuna sha si natango.
Kuyele muDesemba gwomvula ya piti, iitopolwa yimwe po ya mono omuloka guli nawa ihe shoka osha landulwa konkalo yombepo ya pupyala noonkondo ndjoka ya etitha iishana yipwine omeya meendelelo.
Mupetami okwa kunkilile aaniimuna yakwawo opo ya ninge oompangela ya kale yiilongekidha ngele oshikukuta osha galuka.
Ombelewa yokutengeneka onkalo yombepo yoNamibia Meteorological Service oya holola kutya omahala ngaashi Eenhana, Omuthiya oshowo iitopolwa ngaashi Kavango, Zambezi oshowo Otjozondjupa otayi mono omuloka omwaanawa oshiwike shika.
Kansela Mupetami natango okwa popi kutya iitopolwa yomonooli itayi vulu we okuhumbata omwaalu omunene gwiimuna onkene aanafaalama naya landithepo iimuna mbyoka ya kulupa nokulanda iimuna iishona.
Classifieds