Kwa ningwa etokolo metungo lyoshipangelo monooli
Omupresidende Hage Geingob okwa hololwa a gandja uusama kominista yUundjolowele, Bernhard Haufiku omolwa omukalo ngoka a ungaunga noompangela dhokutunga oshipangelo.
Geingob okwa shangele Haufiku omukanda momasiku 9 gaFebruali nuumvo, omasiku owala gaali sho oshifokundaneki shoNamibian Sun, sha pititha oshinyolwa moka Haufiku a popi kutya otayi metalelepo moonoli opo ya ka konaakone omahala ngoka ga gandjwa opo ku vule okutungwa oshipangelo shoka.
Geingob okwa pula kutya omolwashike Haufiku a hala oku ka tala omahala ngoka omanga kwa ningwa nale etokolo kokabinete kutya oshipangelo shoka otashi tungwa mOndangwa.
Okomitye tayi ithanwa Cabinet Committee on Overall Policy and Priorities (CCOPP) oya ningi nale etokolo opo oshipangeo shoka shi tungwe mondoolopa yaNdangwa.
Omwedhi gwa piti, Haufiku okwa shangele omukanda ngoloneya gwaShana, Clemens Kashuupulwa, te mu hiya pamwe nomalelo gondoolopa yaNdangwa oshowo Ongwediva, opo ye mu wayimine metalelepo ndyoka ta ningi momasiku 22 no 23 gaFebruali.
Omahala ngoka inaga talelwa po nonando Haufiku okwa li monooli onguloshi yOlyomakaya opo a kale pomutumba gwoNamibian Surgical Society, ngoka gwa ningilwa mOndangwa.
Okwa popi kutya okuuva nayi sho oshikumungu shoka sha ningwa po opolotika na oku na einekelo kutya otaku ka adhika mbala ekandulepo lyuupyapadhi moshikumungu shoka.
Metine nEtitano lya piti, Haufiku okwa li kwa tegelewa a ka kwatele komeho osheendo shaanambelewa mboka taya ka konaakona omahala ngoka ga tothwa mo kutya opo taku ka tungwa oshipangelo shoka.
Omahala ngoka taga ka konaakonwa andola ogeli mondoolopa yaNdangwa naNgwediva.
Nonando ongaaka Haufiku okwa kalele etalelepo ndyoka konima sho a nongele kutya okwa ningwa omutumba nokomitiye ndjoka ya kwatelwa komeho kuGeingob, kombinga yoshikumungu shoshipangelo shoka naHaufiku ka li a hiwa opo a ka kuthe ombinga momutumba ngoka.
Sha landula omutumba ngoka a ningi nomalelo guundjolowele oshowo omalelo gopolitika miitopolwa ngaashi Oshana, Oshikoto, Omusati nOshikoto okwa tokolwa opo oshipangelo shina oombete dhi li pe 1 000 shi tungwe mondoolopa yaNdangwa nenge mOngwediva.
Momasiku 30 gaJuni omvula ya piti, Haufiku okwa pula elelo lyaNdangwa naNgwediva opo ga hogolole omahala mpoka tapu vulu okutungwa oshipangelo shoka.
Mayola gwaNdangwa, Ismael Namgongo, sho a ningwa omapulo, okwa kolele kutya okwa yakula omukanda okuza komutse gwoshilongo, ngoka tagu mu tseyithile kutya okwa tokolwa opo oshipangelo shoka shi tungwe mOndangwa.
Mayola okwa popi kutya uuyuuki owa longwa mpoka, molwaashoka okwa longithwa nale iimaliwa oyindji mokuhogolola ehala ndyoka tali tungwa oshipangelo.
Omunashipundi gwelelo lyaShana, Gerson Kapenda, okwa popi kutya inaya tseyithilwa kombinga yetokolo lyahugunina moshikumungu shoka. Mayola gwaNgwediva, Angelina Angula naye okwa popi kutya inaya tseyithilwa.
ILENI NANJDATO
Geingob okwa pula kutya omolwashike Haufiku a hala oku ka tala omahala ngoka omanga kwa ningwa nale etokolo kokabinete kutya oshipangelo shoka otashi tungwa mOndangwa.
Okomitye tayi ithanwa Cabinet Committee on Overall Policy and Priorities (CCOPP) oya ningi nale etokolo opo oshipangeo shoka shi tungwe mondoolopa yaNdangwa.
Omwedhi gwa piti, Haufiku okwa shangele omukanda ngoloneya gwaShana, Clemens Kashuupulwa, te mu hiya pamwe nomalelo gondoolopa yaNdangwa oshowo Ongwediva, opo ye mu wayimine metalelepo ndyoka ta ningi momasiku 22 no 23 gaFebruali.
Omahala ngoka inaga talelwa po nonando Haufiku okwa li monooli onguloshi yOlyomakaya opo a kale pomutumba gwoNamibian Surgical Society, ngoka gwa ningilwa mOndangwa.
Okwa popi kutya okuuva nayi sho oshikumungu shoka sha ningwa po opolotika na oku na einekelo kutya otaku ka adhika mbala ekandulepo lyuupyapadhi moshikumungu shoka.
Metine nEtitano lya piti, Haufiku okwa li kwa tegelewa a ka kwatele komeho osheendo shaanambelewa mboka taya ka konaakona omahala ngoka ga tothwa mo kutya opo taku ka tungwa oshipangelo shoka.
Omahala ngoka taga ka konaakonwa andola ogeli mondoolopa yaNdangwa naNgwediva.
Nonando ongaaka Haufiku okwa kalele etalelepo ndyoka konima sho a nongele kutya okwa ningwa omutumba nokomitiye ndjoka ya kwatelwa komeho kuGeingob, kombinga yoshikumungu shoshipangelo shoka naHaufiku ka li a hiwa opo a ka kuthe ombinga momutumba ngoka.
Sha landula omutumba ngoka a ningi nomalelo guundjolowele oshowo omalelo gopolitika miitopolwa ngaashi Oshana, Oshikoto, Omusati nOshikoto okwa tokolwa opo oshipangelo shina oombete dhi li pe 1 000 shi tungwe mondoolopa yaNdangwa nenge mOngwediva.
Momasiku 30 gaJuni omvula ya piti, Haufiku okwa pula elelo lyaNdangwa naNgwediva opo ga hogolole omahala mpoka tapu vulu okutungwa oshipangelo shoka.
Mayola gwaNdangwa, Ismael Namgongo, sho a ningwa omapulo, okwa kolele kutya okwa yakula omukanda okuza komutse gwoshilongo, ngoka tagu mu tseyithile kutya okwa tokolwa opo oshipangelo shoka shi tungwe mOndangwa.
Mayola okwa popi kutya uuyuuki owa longwa mpoka, molwaashoka okwa longithwa nale iimaliwa oyindji mokuhogolola ehala ndyoka tali tungwa oshipangelo.
Omunashipundi gwelelo lyaShana, Gerson Kapenda, okwa popi kutya inaya tseyithilwa kombinga yetokolo lyahugunina moshikumungu shoka. Mayola gwaNgwediva, Angelina Angula naye okwa popi kutya inaya tseyithilwa.
ILENI NANJDATO
Comments
Namibian Sun
No comments have been left on this article