Kape na oombumbo dhagandjwa pokongressa-Geingob

JEMIMA BEUKES OVENDUKAOmupresidende Hage Geingob okwa tindi nomuthindo kutya kape na omukuthimbinga mokongresa yongundu yaSwapo yomomvula yo 2017 ya futwa opo a hogolole omuhogololwa gwontumba, ta popi kutya shoka oshi li etukano kwaamboka ye mu hogolola, oshowo aaleli yopombanda yane mwakwatelwa elelo lyongundumutima.Okwa popi kutya, ye ina yakula nando iimaliwa okuza kwaangoka a li nale omunashipundi gwoFishcor na okuli omutamanekwa moshipotha shuulingilingi shoFishrot.“Otandi kala elayi ngiini konima sho nda kala nokukalamwenyo okuwanawa nokwiihumbata nawa opo ndi ku hanagulepo sho ndi na owala oomvula ooshona okuya. Mboka (Al Jazeera) inaya popya kombinga yandje moshinyolwa shawo shoFishrot,” Geingob a popi.Geingob okwa popi natango komalundilo kutya oshitopolwa shoomiliyona 27.5 shoka sha futwa momayalulo gombaanga yahahende gwe gwopaumwene, Sisa Namandje, ngoka a li woo omunambelewa omuyaluli gomawi gaahogololi pethimbo lyokongresa ndjoka mo 2017, oya longithwa okufuta aakuthimbinga.“Oshi li etukano enene kaakuthimbinga omathele mboka ya hogolola aahogololwa yomahogololo gawo na otaya lundilwa kutya oya futwa opo ya hogolole aahogololwa yontumba. Shoka kashi shi omukalo gwaSwapo.”‘Otu na okupopila Swapo’Amushanga-ndjai gwongundu yoSwapo, Sophia Shaningwa okwa gandja uusama koshilyo shongundu yoSwapo nale na okwa li omuhogololwa presidende iithikamena, Omundohotola Panduleni Itula, sho e mu hindi opo a popye kutya ‘Swapo oku na iimaliwa ayihe.’Okwa popi kutya ongundu oyi na okwiigamena okuza komaponokelo kehe tayi ningilwa.Okwa popi kutya Itula okwa ningile ongundu omatilitho gopaveta, naashoka osho sha etitha a yamukule kutya Swapo oku na iimaliwa ayihe okwiigamena.“Inandi tya otu na iimaliwa yoFishrot. Katu na iimaliwa yoFishrot.”Shaningwa okwa pula oshigwana shaNambia opo shi ka konaakone oolopota dhawo dhiiyemo.Geingob okwa popi kutya omapopyo taga ningwa kutya okomisi yoAnti-Corruption Commission (ACC) oya pewa iimaliwa iishona opo ku yiwe moshipala iilonga yawo, oshi li omalundilo omanene.“Shoka kashi li pauyuuki, otwa totopo iiputudhilo mbyoka. Otu hole aantu yetu noshilongo shetu, na otwa hala okumona oshilongo she tashi pula komeho na osha nyanyukwa.”Geingob okwa pula woo oongundu dhopolotika naahogololwa yiithikamena opo ya holole aagandji yawo yooshali.Momasiku 18 gaNovemba mo 2019, ECN okwa tula miilonga ompango ndjoka tayi pula oongundu dhopolotika oshowo aahogololwa yiithikamena opo ya holole ongushu yomaliko gawo, aagandji yawo yooshali yopondje yoshilongo nomeni lyoshilongo.Geingob okwa gandja uusama koonkundathana itadhi pu kutya odho tadhi katekitha etulo miilonga lyoveta ndjoka yOmahogololo yo 2014.Kwiikwatelelwa koveta ndjoka, oongundu dhopolotika adhihe nenge aahogololwa yithikamena mboka ya mono ooshali dhomwaalu gwontumba oya pewa sigo omasiku 30 opo ya kale ya ninga omatseyitho miikundaneki yopaali moshilongo kombinga yooshali ndhoka ya pewa oshowo ongushu yooshali ndhoka, oonakugandja ooshali, kutya ooshali ndhoka otadhi ka longithwa shike, nomatompelo ge gandjo lyooshali ndhoka.Geingob okwa popi kutya Swapo otaka ulika elelo ngaashi amushanga gwiiyemo niikwaliko opo a taaambe nokushangitha omagano ngoka taga pewa ongundu.Shoka otashi ka etitha e yo komeho nawa lyiilonga yawo mokuungaunga netaambo lyooshali.jemima@namibiansun.com

Kape na oombumbo dhagandjwa pokongressa-Geingob

Comments

Namibian Sun 2025-07-01

Please login to leave a comment

Kape na oombumbo dhagandjwa pokongressa-Geingob

Comments

Namibian Sun 2025-07-01

Please login to leave a comment

Login