'Kansela okwa dhenge ndje sigo nda kolola ombinzi'
Aanapolotika oyendji oya holoka pompangulilo yamangestrata moRundu mokuyambidhidha kansela ngoka a holoka mompangu ta tamanekelwa oshipotha shedhengo lyomukiintu.
KENYA KAMBOWE
RUNDU
Kristine Tjarura Likakatere (63), okwa dhengwa aniwa kumumwayinagona, ngoka e li kansela gwoshikandjohogololo shaRundu Rural, Michael Shikongo, ta popi kutya okwa dhengwa noongonyo oshowo omankawa moshipala sigo a kolola ombinzi.
Shoka osha ningwa sha landula oontamanana dhi na sha noshitopolwa shevi, pauyelele wa monika koNamibian Sun.
Shikongo okwa holoka mompangu oshikando shotango moRundu mEtiyali, konima sho a tulwa miipandeko mOmaandaha, omolwa oshiningwanima sha ningilwa momukunda Tyeye. Okwa pewa omboloha yoshimaliwa shooN$3 000 noshipotha she oshuundulilwa komasiku 18 gaKotomba. Okwa holoka komeho yamangestrata Sonia Samupofu.
Epangelo inali pataneka egandjo lyomboloha kuShikongo ngoka a kalelwapo kuThomas Appolus gwehangano lyiikwaveta lyaThomas Appolus Incorporated.
Mompangulilo omwa kala ookume ke papolotika ngaashi Ngoloneya gwoshitopolwa shaKavango East, Bonifatius Wakudumo, omukwatakanithi gwongundu yoSwapo moKavango East, Ottilie Shinduvi, Kansela gwoshikandjohogololo shaNkurenkuru, Damian Nakambare oshowo amushanga gwewawa lyaanyasha moshitopolwa shaKavango East, Anselm Marungu.
Shikongo okwa hololwa a yakelwa mompangulilo nomweelo ogwa kala gweedhilwa sigo epulakeno lyoshipotha she lya manithwa.
Omanga ina patulula oshipotha nakuningwa oshihakanwa okwa popi noshifokundaneki shoNamibian Sun oshiwike sha piti, ta hokolola shoka sha ningwa po.
Likakatere okwa hokolola ehokololo lye poshipangelo shaRundu omanga ta mono epango, konima yomasiku gaali sho a dhengwa.
Oshipala she osha li sha zinda na ita vulu okupopya nawa.
Likakatere okwa popi kutya ontamanana odha zilile poshitopolwa shevi shoka gumwe gomaakwanezimo lye ta popi kutya oshe. Okwa popi kutya ehala ndyoka oye e li wapaleke nokuli ninga epya.
Okwa tsikile kutya kali ta pataneke uumwene wevi ndyoka, ihe okwa li ta pula a futwe oshimaliwa shooN$9 000 omolwa iilonga mbyoka alonga pepya mpoka.
Likakatere okwa popi kutya omukwanezimo ngoka ina futa nopehala okwa yi kukansela ngoka a tseyika nedhina Sitaura opo iidhopemo moshikumungu shoka. Okwa popi kutya Shikongo okwe mu pula mEtitatu lya piti, na okwe mu dhenge.
Okwa popi kutya Shikongo okwe ya puyo omanga yali taya tamanana na okwe mudhenge sigo a kolola ombinzi.
Okwa popi kutya okwa kongo owala ekwatho mEtitano sho eetwa moRundu na opo a vulu okupatululilwa Shikongo oshipotha.
RUNDU
Kristine Tjarura Likakatere (63), okwa dhengwa aniwa kumumwayinagona, ngoka e li kansela gwoshikandjohogololo shaRundu Rural, Michael Shikongo, ta popi kutya okwa dhengwa noongonyo oshowo omankawa moshipala sigo a kolola ombinzi.
Shoka osha ningwa sha landula oontamanana dhi na sha noshitopolwa shevi, pauyelele wa monika koNamibian Sun.
Shikongo okwa holoka mompangu oshikando shotango moRundu mEtiyali, konima sho a tulwa miipandeko mOmaandaha, omolwa oshiningwanima sha ningilwa momukunda Tyeye. Okwa pewa omboloha yoshimaliwa shooN$3 000 noshipotha she oshuundulilwa komasiku 18 gaKotomba. Okwa holoka komeho yamangestrata Sonia Samupofu.
Epangelo inali pataneka egandjo lyomboloha kuShikongo ngoka a kalelwapo kuThomas Appolus gwehangano lyiikwaveta lyaThomas Appolus Incorporated.
Mompangulilo omwa kala ookume ke papolotika ngaashi Ngoloneya gwoshitopolwa shaKavango East, Bonifatius Wakudumo, omukwatakanithi gwongundu yoSwapo moKavango East, Ottilie Shinduvi, Kansela gwoshikandjohogololo shaNkurenkuru, Damian Nakambare oshowo amushanga gwewawa lyaanyasha moshitopolwa shaKavango East, Anselm Marungu.
Shikongo okwa hololwa a yakelwa mompangulilo nomweelo ogwa kala gweedhilwa sigo epulakeno lyoshipotha she lya manithwa.
Omanga ina patulula oshipotha nakuningwa oshihakanwa okwa popi noshifokundaneki shoNamibian Sun oshiwike sha piti, ta hokolola shoka sha ningwa po.
Likakatere okwa hokolola ehokololo lye poshipangelo shaRundu omanga ta mono epango, konima yomasiku gaali sho a dhengwa.
Oshipala she osha li sha zinda na ita vulu okupopya nawa.
Likakatere okwa popi kutya ontamanana odha zilile poshitopolwa shevi shoka gumwe gomaakwanezimo lye ta popi kutya oshe. Okwa popi kutya ehala ndyoka oye e li wapaleke nokuli ninga epya.
Okwa tsikile kutya kali ta pataneke uumwene wevi ndyoka, ihe okwa li ta pula a futwe oshimaliwa shooN$9 000 omolwa iilonga mbyoka alonga pepya mpoka.
Likakatere okwa popi kutya omukwanezimo ngoka ina futa nopehala okwa yi kukansela ngoka a tseyika nedhina Sitaura opo iidhopemo moshikumungu shoka. Okwa popi kutya Shikongo okwe mu pula mEtitatu lya piti, na okwe mu dhenge.
Okwa popi kutya Shikongo okwe ya puyo omanga yali taya tamanana na okwe mudhenge sigo a kolola ombinzi.
Okwa popi kutya okwa kongo owala ekwatho mEtitano sho eetwa moRundu na opo a vulu okupatululilwa Shikongo oshipotha.
Comments
Namibian Sun
No comments have been left on this article