Kansela a popile efuto lyomboloha yaIri Ivari

TUYEIMO HAIDULAOSHAKATIUumwayinagona uwali waMarthinu mboka tawu tamanekwa pamwe naTsamseb owa futilwa mo mondjeedhililo kaavali yawo na inashi kala shi li nawa sho ye a kala mondjeedhililo omolwa onkalo yoluhepo sho kape na ngoka te mu futilemo.Marthinu okwa futile Tsamseb oshimaliwa shooN$2 000 konima yiiwike ya thika pu itano sho ye nayakwawo yaali ya tulwa miipandeko muJanuari taya tamanekelwa oshipotha shekwatonkonga lyomukiintu gwoomvula 18.Konima sho mboka ya pewa omboloha yakwawo yaali oya futilwa koofamili dhawo.“Uunona mboka uwali kamwe oka valwa komumwamemekadhona omanga okakwawo ka valwa komumwamememati,” Marthinu a holola nokugwedha po kutya Tsamseb okwa ethiwa a kale modholongo omanga yakwawo ya mangululwa.Tsamseb, ngoka e na oomvula dhili pokati ko18 no 21 sha landula omakonaakono ngoka a li a ningilwa nale, okwa kala mondjedhililo molwaashoka ofamili ye itayi vulu okufuta oshimaliwa shooN$2000, shoka ya pewa onga omboloha.Momaandaha, Marthinu okwa futu omboloha yaTsamseb, ngoka a tameke otundi poskola yedhina Ondera Primary School moshitopolwa shaShikoto. Okwa tamekithwa oskola omvula ya piti kuuministeli wuukashike kookantu ihe onkambadhala dhokumuzula odha ponyo. Ita popile ekwatonkongaTsamseb, Moses Marthinu oshowo yakwawo yaali mboka itaya vulu okutumbulwa komadhina molwaashoka oye na oomvula ooshona otaya tamanekelwa ekwatokonga lya ningwa mesiku lyOmvula ompe momudhingoloko gwaDamara moshivelo.Aanona mboka yoomvula ooshona oya mangululilwa mesiloshisho lyaakuluntu yawo, ngaashi Ompango yoChild Justice Bill yomo 2018, tayi pitika.Marthinu okwa popi kutya shimwe shoka shemuthiminike opo a fute omboloha yaTsamseb oshoka kutya aakwashigwana mboka taye mu indile oomboka ye mu hogolola woo.“Osha tashi ulike tandi popile ekwatonkonga ihe hasho. Onda futu omboloha ndjoka a pewa kompangu. Okuli moomvula dhokuya koskola na ota kala natango tayi koompangu. Aavali itaya vulu okufuta oshimaliwa shoka na oya pula ndje ndi ya yambidhihe.”Sho a pulwa ngele okwa yi tuu a ka tsakanene nanakuninga oshihakanwa, Marthinu okwa zimine ta popi kutya okwa kala nokutalela po nakuninga oshihakanwa opo a tale ngele okuli nawa, nokumutsa omukumo kutya akshi shi epuko lye sho a ningi oshihakanwa onkene ina pumbwa okukala tiipe uusama. Okwe mu pula woo opo a talelepo ombelewa ye kehe ethimbo ta pumbwa ekwatho.Kansela okwa yelitha kutya ye keshi omunawino mehungomwenyo, nanakuninga oshihakanwa ota kala nokuningilwa ehungomwenyo muuministeli wuuthikepamwe.Okwa tsikile kutya AaNamibia inaya dhimbwa kutya ngashiingeyi Iri Ivari op e na mboka ya tala kuye unene aanyasha nokumu pa ehungomwenyo ta pumbwa oshi li omukalo guli mondjila.Okwa popi kutya okwa popi naye sho e ke mu tala kondjeedhililo nokumu yelithila kutya oshimbuluma shoka ta tamanekelwa oshinene na ota vulu okulundulula onkalamwenyo ye nokuyanda okulongitha iikolitha.Omupipiliko gwOpolisi, Omupeha Komufala, Kauna Shikwambi, okwa li a popi kutya opolisi oyali ya tulamo oshipotha shoka molwaashoka nakuninga oshihakanwa okwa tindi okutulamo oshipotha.Oshipotha osha undulilwwa komasiku 16 gaMaalitsa.– tuyeimo@namibiansun.com

Kansela a popile efuto lyomboloha yaIri Ivari

Comments

Namibian Sun 2025-07-03

Please login to leave a comment

Kansela a popile efuto lyomboloha yaIri Ivari

Comments

Namibian Sun 2025-07-03

Please login to leave a comment

Login