Kandjii-Murangi a hala omalunduluko melongo lyopombanda
05 February 2019 | Education
ILENI NANDJATO
Ominista yelongo lyopombanda, Itah Kandjii-Murangi oya pula iiputudhilo yopaungomba opo yi kale tayi tula miilonga omailongo ngoka taga vulu okweeta omalunduuko moonkalamwenyo nokuyambulapo eliko.
Kandjii-Murangi okwa popi ngaaka pethimbo lyomutumba ngoka a ningi naanambelewa oomenindjela yiiputudhilo yopaungomba momasiku 24 gaJanuari.
Okwa pula aanambelewa mboka ya ninge omapekaapeko nokukonga kutya oshike tashi longo nawa pomidhingoloko mpoka pe na iiputudhilo yawo. Okwa holola woo omaiyuvo ge gonayi omolwa iiputudhilo mbyoka inayi hala okushangitha aailongi molwaashoka kaye na iimaliwa yomaishangitho.
Okwa popi kutya shoka inashi pumbiwa molwaashoka iiputudhilo ayihe mbyoka ohayi pewa omakwatho giimaliwa kepangelo, nonkalo yanayipala yeliko ndjoka ya taalela oshilongo oya taalela woo aavali, onkene okushunitha ko aailongi molwaashoka kaye na iimaliwa yomaishangitho kashi li mondjila.
Okwa holola woo omaiyuvo omolwa omwaalu omunene gwaailongi mboka taya thigi po iiputudhilo, ta pula iiputudhilo yi tule miilonga omikalo ndhoka tadhi vulu okulongithwa mokuya moshipala onkalo ndjoka.
Minista okwa popi kutya okwa pumbwa okutulwa miilonga omailongo ngoka taga gandja oompito dha mbwalangandja mokwiimonena iilonga kaailongi nenge ya vule okwiilongela yoyene.
Okwa tsikile kutya okuya moshipala omaupyakadhi gamwe po ge na sha noonzo dhopauntu muuministeli welongo lyopombanda, Namibia Training Authority (NTA) noNamibian University of Science and Technology (NUST) oya tula miilonga oprograma ya nuninwa okuyambulapo aadheuli.
Okwa tsikile kutya oshilongo itashi vulu okukala owala tashi longitha aadheuli ya dheulwa miilongo yopondje na osha pumbwa okutula miilonga oprograma dhasho dhomadheulo kwiikwatelelwa koompumbwe dhoshilongo.
Kandjii-Murangi okwa popi woo kombinga yomadheulo miilonga gaailongi, ta popi kutya iiputudhilo yimwe ohayi tumu aadheulwa komadheulo uule woomwedhi ndatu nenge ne omanga ikwawo hayi tumu aadheuli uule womwedhi hamano.
Okwa pula iiputudhilo yi kale mekwatathano naakuthimbinga melongo ndyoka opo ya pule kombinga yompumbwe ndjoka yi li monkalo yiilonga. Ta popi kutya andola aatungi otaya vulu okupewa omadheulo mopoloyeka yomass housing project.
Ominista yelongo lyopombanda, Itah Kandjii-Murangi oya pula iiputudhilo yopaungomba opo yi kale tayi tula miilonga omailongo ngoka taga vulu okweeta omalunduuko moonkalamwenyo nokuyambulapo eliko.
Kandjii-Murangi okwa popi ngaaka pethimbo lyomutumba ngoka a ningi naanambelewa oomenindjela yiiputudhilo yopaungomba momasiku 24 gaJanuari.
Okwa pula aanambelewa mboka ya ninge omapekaapeko nokukonga kutya oshike tashi longo nawa pomidhingoloko mpoka pe na iiputudhilo yawo. Okwa holola woo omaiyuvo ge gonayi omolwa iiputudhilo mbyoka inayi hala okushangitha aailongi molwaashoka kaye na iimaliwa yomaishangitho.
Okwa popi kutya shoka inashi pumbiwa molwaashoka iiputudhilo ayihe mbyoka ohayi pewa omakwatho giimaliwa kepangelo, nonkalo yanayipala yeliko ndjoka ya taalela oshilongo oya taalela woo aavali, onkene okushunitha ko aailongi molwaashoka kaye na iimaliwa yomaishangitho kashi li mondjila.
Okwa holola woo omaiyuvo omolwa omwaalu omunene gwaailongi mboka taya thigi po iiputudhilo, ta pula iiputudhilo yi tule miilonga omikalo ndhoka tadhi vulu okulongithwa mokuya moshipala onkalo ndjoka.
Minista okwa popi kutya okwa pumbwa okutulwa miilonga omailongo ngoka taga gandja oompito dha mbwalangandja mokwiimonena iilonga kaailongi nenge ya vule okwiilongela yoyene.
Okwa tsikile kutya okuya moshipala omaupyakadhi gamwe po ge na sha noonzo dhopauntu muuministeli welongo lyopombanda, Namibia Training Authority (NTA) noNamibian University of Science and Technology (NUST) oya tula miilonga oprograma ya nuninwa okuyambulapo aadheuli.
Okwa tsikile kutya oshilongo itashi vulu okukala owala tashi longitha aadheuli ya dheulwa miilongo yopondje na osha pumbwa okutula miilonga oprograma dhasho dhomadheulo kwiikwatelelwa koompumbwe dhoshilongo.
Kandjii-Murangi okwa popi woo kombinga yomadheulo miilonga gaailongi, ta popi kutya iiputudhilo yimwe ohayi tumu aadheulwa komadheulo uule woomwedhi ndatu nenge ne omanga ikwawo hayi tumu aadheuli uule womwedhi hamano.
Okwa pula iiputudhilo yi kale mekwatathano naakuthimbinga melongo ndyoka opo ya pule kombinga yompumbwe ndjoka yi li monkalo yiilonga. Ta popi kutya andola aatungi otaya vulu okupewa omadheulo mopoloyeka yomass housing project.
Classifieds