'Kalunga oye awike te mu pangula'
Omuprofeti Jackson Babi omunamimvo omi 30, okwa kala ehuliloshiwike mondjeedhililo omolwa oshipotha shokukala nooniga dhoompanda mbali, oshilwitho niikuti shoka ta tamanekelwa.
FRANCOISE STEYNBERG
OVENDUKA
Babi gwongeleka yoHouse of Joy Ministries, pamwe nomutamanekwa naye, Friza Dumeni otaya tamanekelwa iipotha mbyoka omolwa ooniga dhoompanda oshilwitho niikuti mbyoka ya adhika megumbo lyomusita ngoka moKleine Kuppe oshiwike sha piti, neindilo lyomboloha ndyoka lya ningilwa mOmpangulilo yaVenduka mEtitano lya piti, olya undulilwa kOmaandaha.
Nonando ope na omusholondondo omule gwiipotha oyindji mbyoka tayi katekwa omolwa ombuto yocorona, omukalelipo gwaBabi naDumeni gwopaveta, Kadhila Amoomo okwa kambadhala kehe shoka ta vulu moonkondo dhe, opo mangestrata Jo-Rina Jagger undulile epwaakeno lyomboloha lyaatamanekewa mboka yaali popepi.
Pondje yompangulilo, aalanduli yomuprofeti ngoka mboka inaya pitikwa okuya mompangu omolwa omilandu dhocororna, oya talele pomakende omusita gwawo sho a holoka lyotango mompangu, naakiintu yamwe oya lili.
“Nonando”okwa monika ondjo mompangu, Kalunga oye owala ta vulu okumu pangula,” omulanduli gumwe omukiintu a popi, ta lombwele oshikundaneki oshimwayina shoNamibian Sun, oRepublikein.
Mboka yaali oya tulwa miipandeko mEtitau lya piti, na oyeli oshitopokwa shaafekelelwa yahetatu mboka ya tulwa miipandeko omolwa oshipotha shoka.
Yaali yomaakelelwa mboka gumwe okuli omunambelewa gwopolisi koshikondo shegameno lyaanenentu omanga gumwe a li nale oshilyo shEtango lyEgameno.
Oshipotha osha zilile koompanda mbali dhoka dha adhika dha dhipagwa mofaalama tayi adhika momudhingoloko gwaGobabis moshitopolwa shaMaheke, Etiyali lya piti.
Esiku olyotuundyoka, aafekelwa yane oya tulwa miipandeko sho ya kambadhala okulanditha ooniga dhoompanda mbali kaanambelelwa yopolisi yomeholamo.
Aafekelewa yane mboka inaya vula okutumbulwa komadhina oya holola mompangulilo mondoolopa ndjoka mEtine.
Oshipotha shoka oshi li ponkatu yotango na otashi vulika natango ku ka tulwe aantu yamwe miipandeko, pahapu dhomunambelewa omupopiliko gwUuministeli wOmidhingoloko, Romeo Muyunda. Aafekelwa yalwe yaali oya li ye na okuholoka mompangulilo yaGobabis mEtitano, ihe pahapu dhomukomeho gwoBlue Rhino task team, Komufala, Barry de Klerk, inaya holola mompangu.
Kepandja lyoFacebook lyongeleka yoHouse of Joy Ministries, oshipotha shoka osha hokololwa nokufaafanithwa nehokololo lyomOmbiimbeli, Daniel mekololo lyoonime.
“Tu galikaneneni Tate gwetu oshowo ongeleka pethimbo ndika. Ikalekeni kokule nokupulakena omahokololo inaga kolekwa,” omushangwa gwa holola.
[email protected]
OVENDUKA
Babi gwongeleka yoHouse of Joy Ministries, pamwe nomutamanekwa naye, Friza Dumeni otaya tamanekelwa iipotha mbyoka omolwa ooniga dhoompanda oshilwitho niikuti mbyoka ya adhika megumbo lyomusita ngoka moKleine Kuppe oshiwike sha piti, neindilo lyomboloha ndyoka lya ningilwa mOmpangulilo yaVenduka mEtitano lya piti, olya undulilwa kOmaandaha.
Nonando ope na omusholondondo omule gwiipotha oyindji mbyoka tayi katekwa omolwa ombuto yocorona, omukalelipo gwaBabi naDumeni gwopaveta, Kadhila Amoomo okwa kambadhala kehe shoka ta vulu moonkondo dhe, opo mangestrata Jo-Rina Jagger undulile epwaakeno lyomboloha lyaatamanekewa mboka yaali popepi.
Pondje yompangulilo, aalanduli yomuprofeti ngoka mboka inaya pitikwa okuya mompangu omolwa omilandu dhocororna, oya talele pomakende omusita gwawo sho a holoka lyotango mompangu, naakiintu yamwe oya lili.
“Nonando”okwa monika ondjo mompangu, Kalunga oye owala ta vulu okumu pangula,” omulanduli gumwe omukiintu a popi, ta lombwele oshikundaneki oshimwayina shoNamibian Sun, oRepublikein.
Mboka yaali oya tulwa miipandeko mEtitau lya piti, na oyeli oshitopokwa shaafekelelwa yahetatu mboka ya tulwa miipandeko omolwa oshipotha shoka.
Yaali yomaakelelwa mboka gumwe okuli omunambelewa gwopolisi koshikondo shegameno lyaanenentu omanga gumwe a li nale oshilyo shEtango lyEgameno.
Oshipotha osha zilile koompanda mbali dhoka dha adhika dha dhipagwa mofaalama tayi adhika momudhingoloko gwaGobabis moshitopolwa shaMaheke, Etiyali lya piti.
Esiku olyotuundyoka, aafekelwa yane oya tulwa miipandeko sho ya kambadhala okulanditha ooniga dhoompanda mbali kaanambelelwa yopolisi yomeholamo.
Aafekelewa yane mboka inaya vula okutumbulwa komadhina oya holola mompangulilo mondoolopa ndjoka mEtine.
Oshipotha shoka oshi li ponkatu yotango na otashi vulika natango ku ka tulwe aantu yamwe miipandeko, pahapu dhomunambelewa omupopiliko gwUuministeli wOmidhingoloko, Romeo Muyunda. Aafekelwa yalwe yaali oya li ye na okuholoka mompangulilo yaGobabis mEtitano, ihe pahapu dhomukomeho gwoBlue Rhino task team, Komufala, Barry de Klerk, inaya holola mompangu.
Kepandja lyoFacebook lyongeleka yoHouse of Joy Ministries, oshipotha shoka osha hokololwa nokufaafanithwa nehokololo lyomOmbiimbeli, Daniel mekololo lyoonime.
“Tu galikaneneni Tate gwetu oshowo ongeleka pethimbo ndika. Ikalekeni kokule nokupulakena omahokololo inaga kolekwa,” omushangwa gwa holola.
[email protected]
Comments
Namibian Sun
No comments have been left on this article