Iyambo a gu etelele pefumbiko lyaNghidinwa
30 January 2018 | Local News
Omupeha Presidende Nickey Iyambo okwa gu po mOlyomakaya, sho a gombokelwa pethimbo lyoshituthifumbiko shominista nale, Rosalia Nghidinwa moNkurenkuru moshitopolwa shaKavango West, na okwa li a falwa koshipangelo meendelelo.
Omunamimvo 81, Iyambo okwa li a kuutumba pooha nOmukokli Presidende Sam Nujoma, na okwa gu po oominute owala oonshona omanga oshiketha shaNghidinwa inash ikulukila mevi.
Iyambo okwa li kwa tegelelwa a katule ongala keyendo lyanakusa ihe ina galukila we pomayendo.
Omupeha presidende okwa li a lesha oshipopiwa shomupresidende gwoshilongo, Hage Geingob ngoka e li kOmutumba gwoAfrican Union koEthiopia.
Sho oshiningwanima shoka sha lopotwa komapandja gomakwatathano gopainternet, aakwashigwana oyendji oya pula Iyambo opo a ze koshipundi shuuleli nokukavululukwa omolwa uunkundi we.
Sho a ningilwa omapulaapulo, Ominista yIipambele yOmupresidende, Frans Kapofi, okwa popi kutya Iyambo oku li nawa noshigwana inashi pumbwa okukala momalimbililo.
MuSepetemba gwo 2016, Iyambo natango okwa li a gu etelele poshituthi mOshomeya na okwa li kwa lopotwa kutya omolwaashoka ina lya sha esiku ndyoka.
KENYA KAMBOWE
Omunamimvo 81, Iyambo okwa li a kuutumba pooha nOmukokli Presidende Sam Nujoma, na okwa gu po oominute owala oonshona omanga oshiketha shaNghidinwa inash ikulukila mevi.
Iyambo okwa li kwa tegelelwa a katule ongala keyendo lyanakusa ihe ina galukila we pomayendo.
Omupeha presidende okwa li a lesha oshipopiwa shomupresidende gwoshilongo, Hage Geingob ngoka e li kOmutumba gwoAfrican Union koEthiopia.
Sho oshiningwanima shoka sha lopotwa komapandja gomakwatathano gopainternet, aakwashigwana oyendji oya pula Iyambo opo a ze koshipundi shuuleli nokukavululukwa omolwa uunkundi we.
Sho a ningilwa omapulaapulo, Ominista yIipambele yOmupresidende, Frans Kapofi, okwa popi kutya Iyambo oku li nawa noshigwana inashi pumbwa okukala momalimbililo.
MuSepetemba gwo 2016, Iyambo natango okwa li a gu etelele poshituthi mOshomeya na okwa li kwa lopotwa kutya omolwaashoka ina lya sha esiku ndyoka.
KENYA KAMBOWE
Classifieds