Itandi popile omiyonena tadhi longwa kaapolisi- Ndeitunga

ELLANIE SMITOVENDUKAIipotha ya thika pe 116 oya tulilwamo aanambelewa yopolisi sho ya ndopa okulandula ompango nokulongitha pambambo oonkondo moshikakomvula sho 2019/20.Shoka osha etitha aanambelelwa ye li po 56 ya kuthwe miilonga konima sho iipotha yawo ya manithwa. Aanambelewa ye li po 41 oya kuthwa miilonga pakathimbo omanga iipotha yawo tayi ungaungiwa nayo kompangu.Omukomeho gwOpolisi Omukonaakoni-Ndjai, Sebastian Ndeitunga, okwa holola uuyelele mboka oshiwike sha piti, pethimbo a tindi omapopyo kutya otiidhimbike omamonitho giihuna ngoka taga ningilwa aakwashigwana kiilyo yetanga lye.Ndeitunga okwa popi kutya omapopyo gemonitho lyiihuna aakwashigwana okuza kopolisi otaga dhana onkandangala unene miikundaneki nokomapandja gomakwatathano gopamalungula hoka taku ulikwa woo uuvideo waanambelewa mboka taya monitha iihuna oshigwana. Ndeitunga okwa popi kutya aanambelewa yamwe otaya yi pondje oompango dhoka ya li ya pumbwa okudhindila miilonga ihe itashi ti oye li pombanda yoveta.Okwa popi kutya aanambelewa mboka otaya konaakonnwa nokugwedha po kutya okupitila momakonaakono golela opo owala oshili tashi vulu okuhololwa ko taku katukwa oonkantu dhomondjila.Uuna omakonaakono ga manithwa, epeko ohali tumwa kOmupanguli-Ndjai opo a vule okuninga etokolo.“Ngele Omupanguli-Ndjai okwa tokola okupangula nena oshikumungu shoka ohashi yi mompangu nopolisi kayi na we okondolola mwaashoka tashi holola mompangu.”Monkalo moka Ompanguli-Ndjai a tindi okupangula, nena ohaku ningwa omulandu gweutho miilonga.Nditunga okwa dhenge omuthindo kutya oshigwana nashi nongele kutya uuna okwa ningwa omanyenyeto nenge iipota ya patululilwa aanambelewa yopolisi ohaku ningwa omutumba gwomautho nenge ku ningwe omakonaakono gomiyonena opo ku talike mboka ya kutha ombinga momuyonena ngoka. Mpoka tashi pumbiwa iikondo yilwe yepangelo yomakonaakono ohayi kutha ombinga ngaashi ombele tayi ithanwa Office of the Ombudsman.Ndeitunga okwa tsikile kutya ita popile omiyonena tadhi ningilwa aakwashigwana kaanambelewa yopolisi.Okwa tsikile kutya oshigwana nashi tseye kutya aanambelewa ethimbo limwe ohaya longo naantu ye li kohi yodhungo, inaya hala okulongela kumwe nopolisi nenge taya ponokele nokuli aanambelewa omanga ye li miilonga.

Itandi popile omiyonena tadhi longwa kaapolisi- Ndeitunga

Comments

Namibian Sun 2025-07-02

Please login to leave a comment

Itandi popile omiyonena tadhi longwa kaapolisi- Ndeitunga

Comments

Namibian Sun 2025-07-02

Please login to leave a comment

Login