Inaku ningwa omalunduluko melelo lyaMuthiya
09 December 2019 | Local News
ILENI NANDJATO
Ookansela melelo lyondoolopa yaMuthiya, inaya lundululwa poompito dhawo mpoka ya kala sha landula omahogololo gokomvula gokuhogolola aaleli ngoka ya ningi oshiwike shika, nonando ope na iipotha yuulingilingi mbyoka tayi konaakonwa kOkomisi yOkukondjitha Uulingilingi, ano Anti-Corruption Commission.
Katrina Uusiku ota tsikile nokukala mayola gwondoolopa nomupeha gwe oHisikiel Nanyeni, omanga Beata Nashongo ta tsikile nokukala omunashipundi gwokomitiye yelelo.
Enos Shipahu oshowo Joseph Kankunka otaya tsikile nkukala iilyo yokomitiye yelelo omanga Susana Uukongo oshowo Toivo Nghilalulwa taya tsikile nokukala iilyo ya gwedhwapo.
Ondoolopa ndjoka kayi na omunambelewa omukuluntu sho elelo lya tokola opo kali lelepeke okondalaka yiilonga yaangoka a li nale omunambelewa omukuluntu, sho okondalaka ye ya hulu muAguste.
Oya pewa omayele kompangu yaaniilonga mOndangwa oshowo kuminista Peya Mushelenga opo ya landule omilandu dhomondjila ngele inaya hala we okulelepeka okondalaka yaSamuel Mbango.
Mbango okwa hololwa a lopotele Mushelenga uulingilingi mboka tawu longwa melelo ndyoka, kuyamwe yomookansela.
Kansela nale gwelelo lyondoolopa ndjoka, Moses Amukoto, okwa popi miipathi yomupresidende Hage Geingob kutya mayola Uusiku ota longo uulingilingi melelo ndyoka.
Aanambelewa yelelo lyaNiipa nayo oya shuna poompito dhawo.
Mannetjies Kambonde oshowo Lovisa Ndeapo Iikali oya hogolululwa onga mayola nomupeha gwe mEtiyali.
Eliaser Nghipangelwa naye okwa hogolululwa onga mayola gwondoolopa yaHelao Nafidi, omanga omahogololo gomondoolopa yaShakati ga kalekwa mEtiyali, ondoolopa yaNgwediva otayi ningi omahogololo gawo oshiwike shika omanga Ondangwa tayi ningi moshiwike twa taalela.
Ookansela melelo lyondoolopa yaMuthiya, inaya lundululwa poompito dhawo mpoka ya kala sha landula omahogololo gokomvula gokuhogolola aaleli ngoka ya ningi oshiwike shika, nonando ope na iipotha yuulingilingi mbyoka tayi konaakonwa kOkomisi yOkukondjitha Uulingilingi, ano Anti-Corruption Commission.
Katrina Uusiku ota tsikile nokukala mayola gwondoolopa nomupeha gwe oHisikiel Nanyeni, omanga Beata Nashongo ta tsikile nokukala omunashipundi gwokomitiye yelelo.
Enos Shipahu oshowo Joseph Kankunka otaya tsikile nkukala iilyo yokomitiye yelelo omanga Susana Uukongo oshowo Toivo Nghilalulwa taya tsikile nokukala iilyo ya gwedhwapo.
Ondoolopa ndjoka kayi na omunambelewa omukuluntu sho elelo lya tokola opo kali lelepeke okondalaka yiilonga yaangoka a li nale omunambelewa omukuluntu, sho okondalaka ye ya hulu muAguste.
Oya pewa omayele kompangu yaaniilonga mOndangwa oshowo kuminista Peya Mushelenga opo ya landule omilandu dhomondjila ngele inaya hala we okulelepeka okondalaka yaSamuel Mbango.
Mbango okwa hololwa a lopotele Mushelenga uulingilingi mboka tawu longwa melelo ndyoka, kuyamwe yomookansela.
Kansela nale gwelelo lyondoolopa ndjoka, Moses Amukoto, okwa popi miipathi yomupresidende Hage Geingob kutya mayola Uusiku ota longo uulingilingi melelo ndyoka.
Aanambelewa yelelo lyaNiipa nayo oya shuna poompito dhawo.
Mannetjies Kambonde oshowo Lovisa Ndeapo Iikali oya hogolululwa onga mayola nomupeha gwe mEtiyali.
Eliaser Nghipangelwa naye okwa hogolululwa onga mayola gwondoolopa yaHelao Nafidi, omanga omahogololo gomondoolopa yaShakati ga kalekwa mEtiyali, ondoolopa yaNgwediva otayi ningi omahogololo gawo oshiwike shika omanga Ondangwa tayi ningi moshiwike twa taalela.
Classifieds