Ina mu tuma aanona ya ka lande iikolitha
25 November 2021 | Local News
TUYEIMO HAIDULA
OSHAKATI
Aavali mboka haya tumu aanona yawo opo ya kalande iikolitha otaya ka tulilwamo iipotha yomamomitho giihuna uunona, pauyelele uupe wa gandjwa koshikondo shuuthikepamwe, ekondjitho lyoluhepo nonkalonawa.
Mboka taya ka monika ondjo otaya ka pangulwa kwiikwatelelwa kompango yoChild Care Protection Act of 2015, omunambelewa omupopiliko gwuuministeli mboka Lucas Haufiku a kunkilile ngaaka. Namibia iha landitha iikolitha kaanona yoomvula dhili pevi lyo18.
Omalunduliko ngoka onga ningwa opo ku vule okuhwepopalekwa oonkalamwenyo dhaanona.
Haufiku okwa popi kutya aalandithi inaya pitikwa okulanditha omalovu kaanona naavali mboka taya ka monika taya tumu aanona yawo ya ka lande omalovu otaya ka pangulwa.
Olopota ya pitithwa mo2019 oLegal Assistance Centre, oya holola kutya elongitho lyiikolitha mokati kaanona aashona nenge aanyasha yoomvula 13 okuya po 30 oli li omukundu omunene moNamibia, noopresenda dhaanyasha mboka odhili po 53.5.
Omakonaakono ga ningwa kuuministeli wuundjolowele oga holola kutya oopresenda 29 dhaanona yoomvula yoomvula 13 sigo 16 otaya longitha iikolitha, oopresenda 28.4 yaanyasha ohaya longitha iikolitha lumwe moshiwike omanga oopresenda 6.8 haya longitha iikolitha kehe esiku.
Haufiku okwa popi kutya ope na ompumbwe okutulapo omilandu dha yela dhoka tadhi indike onkalo ndjoka momahala gesiloshisho lyaanona.
OSHAKATI
Aavali mboka haya tumu aanona yawo opo ya kalande iikolitha otaya ka tulilwamo iipotha yomamomitho giihuna uunona, pauyelele uupe wa gandjwa koshikondo shuuthikepamwe, ekondjitho lyoluhepo nonkalonawa.
Mboka taya ka monika ondjo otaya ka pangulwa kwiikwatelelwa kompango yoChild Care Protection Act of 2015, omunambelewa omupopiliko gwuuministeli mboka Lucas Haufiku a kunkilile ngaaka. Namibia iha landitha iikolitha kaanona yoomvula dhili pevi lyo18.
Omalunduliko ngoka onga ningwa opo ku vule okuhwepopalekwa oonkalamwenyo dhaanona.
Haufiku okwa popi kutya aalandithi inaya pitikwa okulanditha omalovu kaanona naavali mboka taya ka monika taya tumu aanona yawo ya ka lande omalovu otaya ka pangulwa.
Olopota ya pitithwa mo2019 oLegal Assistance Centre, oya holola kutya elongitho lyiikolitha mokati kaanona aashona nenge aanyasha yoomvula 13 okuya po 30 oli li omukundu omunene moNamibia, noopresenda dhaanyasha mboka odhili po 53.5.
Omakonaakono ga ningwa kuuministeli wuundjolowele oga holola kutya oopresenda 29 dhaanona yoomvula yoomvula 13 sigo 16 otaya longitha iikolitha, oopresenda 28.4 yaanyasha ohaya longitha iikolitha lumwe moshiwike omanga oopresenda 6.8 haya longitha iikolitha kehe esiku.
Haufiku okwa popi kutya ope na ompumbwe okutulapo omilandu dha yela dhoka tadhi indike onkalo ndjoka momahala gesiloshisho lyaanona.
Classifieds