Immanuel a yamukula Kuugongelwa-Amadhila
Omuhogololwa iithikamena momahogololo guukansela mOndangwa Urban, Angelina Immanuel, okwa yamukula omuprima Saara Kuugongelwa-Amadhila ta popi kutya omuntu ngoka iihole owala yemwene nonando okwa li a pewa opoosa onene mepangelo nokuyambukapo a ninge Omuprima ihe ina tunga po oompito dhaanyasha.
15 May 2019 | Politics
Immanuel okwa yamukula Kuugongelwa-Amadhila, omolwa omapopyo ngoka a ningi poshigongi shomahwahwameko shongundu yoSwapo shoka sha ningwa mehuliloshiwike lya piti mOndangwa.
Immanuel okwa popi kutya Kuugongelwa-Amadhila kali iilongela opoosa yuukomeho woNational Planning Commission momvula yo 1995, konima sho a li uulikwa onga omunambelewa kOmupresidende Sam Nujoma sha landula emanitho lyeilongo lye moAmerika.
Kuugongelwa-Amadhila ngoka a li e na oomvula 27, pethimbo ndyoka , e thike pamwe naImmanuel ngashiingeyi okwa ulikwa a ninge Ominista yemona momvula yo 2003.
“Tango onda hala okuhololela paufupi omuprima kutya kehe epupi oli na elalakano lyawo. Epupi lyaakokele oli na elalakano lyemangululo lyoshilongo nepupi lyetu oli na elalakano lyemangululo paliko.”
“Uule woomvula 24 dha piti, omusimanekwa Kuugongelwa-Amadhila okwa pewa osindo yi na oondya dhopootika na okwa ulikwa a ninge omukomeho gwonational planning.
“Kape na sha shilwe sha shewa kombinga ye, kashi shi kutya okwa li omunamagano nenge ha longo nuudhiginini nenge e na ondjelo ombwaanawa unene. Opwa li yakwawo yalwe ye na uukwatya wu vule mboka we, na oye li momwenyo taya vulu okushi kalela po. Shoka sha ningwa po osho owala kutya okwa pewa ompito,” Immanuel a popi.
Okwa tsikile kutya omuprima ina tota po oompito dhasha dhaanyasha.
“Otashi ulike kutya owa dhimbwa olweendo lwoye nenge otwa puka. Ope na oshitya shomelaka lyOshiingilisa shoka tashi holola omuntu goludhi ndoka. Pitikandje ndi shi popye nesimaneko, omusimanekwa omuprima owiihole owala ngoye mwene….Okwe ya mOndangwa mehuliloshiwike lya piti opo a holole olwaala lwe lyoshili.”
“Okwe ya niimaliwa yomalweendo yepangelo nomauwanawa agehe, aapolisi, omahauto oshowo omahooli niimaliwa mbyoka ngele oya yalulwa otayi kala poshimaliwa shomayovi gontumba. Iimaliwa ayihe mbyoka oya longithwa opo ndi mbandapalekwe ngame omunamimvo 27 ngoka nda tokola okukutha ombinga methigathano lyuuleli, ngaashi tashi uthwa kOmpango yOmalelo gOondoolopa, Ompango yOmahogololo oshowo Ekotampango lyaNamibia,” Immanuel a popi.
Pethimbo lyoshigongi shoSwapo, Kuugongelwa-Amadhila okwa pula aahogololi opo kaya hogolole Immanuel, ta popi kutya ke li kongundu yontumba yopolotika, na ota uvanekele aahogololi egulu kombanda yevi.
Okwa pula woo Immanuel opo a hulithe o okulongitha omalwaala niilimbo yongundu yoSwapo, pethimbo ta ningi omahwahwameko ge.
“Omuprima minista gwandje okwa pukithandje niilyo yilwe yoSwapo mbyoka ya kutha ombinga momahogololo ga piti onga aahogololwa yiithikamena, moka yamwe ya sindana… Oshili tashi lulumike ooshoka kutya omukiintu ngoka ta ponokele omukiintu omunyasha. Aalumentu oye tu tala taya yolo, na ope na etompelo sho ye ku tumu opo wu ponokelendje.”
Omuulikwahogololwa gwoSwapo ngoka e li methigathano naImmanuel, Leonard Negonga, omunamimvo 60, omunangeshefa.
Oshifokundaneki shoNamiboian Sun inashi vula okumona, Kuugongelwa-Amadhila opo a tye sha.
Immanuel okwa popi kutya omuprima ke shi onkalo yohiila nenge uupyakadhi wokumona omeya nenge okandjugo oshowo ehala lyokukala.
“Otu na okwiipula kutya omolwashike, omuprima e na omukumo omunene momunangeshefa Negonga? Ota vulu oku tu lombwela, molwaashoka okwa li ominista yemona; aantu ngaashi ooNegonga oya ningi ngiini aakengelei muule wesiku limwe? Okwa ningi ngiini omunashimaliwa omanga a kala omuniilonga gowala muuministeli wuundjolowele?”
ILENI NANDJATO
Immanuel okwa popi kutya Kuugongelwa-Amadhila kali iilongela opoosa yuukomeho woNational Planning Commission momvula yo 1995, konima sho a li uulikwa onga omunambelewa kOmupresidende Sam Nujoma sha landula emanitho lyeilongo lye moAmerika.
Kuugongelwa-Amadhila ngoka a li e na oomvula 27, pethimbo ndyoka , e thike pamwe naImmanuel ngashiingeyi okwa ulikwa a ninge Ominista yemona momvula yo 2003.
“Tango onda hala okuhololela paufupi omuprima kutya kehe epupi oli na elalakano lyawo. Epupi lyaakokele oli na elalakano lyemangululo lyoshilongo nepupi lyetu oli na elalakano lyemangululo paliko.”
“Uule woomvula 24 dha piti, omusimanekwa Kuugongelwa-Amadhila okwa pewa osindo yi na oondya dhopootika na okwa ulikwa a ninge omukomeho gwonational planning.
“Kape na sha shilwe sha shewa kombinga ye, kashi shi kutya okwa li omunamagano nenge ha longo nuudhiginini nenge e na ondjelo ombwaanawa unene. Opwa li yakwawo yalwe ye na uukwatya wu vule mboka we, na oye li momwenyo taya vulu okushi kalela po. Shoka sha ningwa po osho owala kutya okwa pewa ompito,” Immanuel a popi.
Okwa tsikile kutya omuprima ina tota po oompito dhasha dhaanyasha.
“Otashi ulike kutya owa dhimbwa olweendo lwoye nenge otwa puka. Ope na oshitya shomelaka lyOshiingilisa shoka tashi holola omuntu goludhi ndoka. Pitikandje ndi shi popye nesimaneko, omusimanekwa omuprima owiihole owala ngoye mwene….Okwe ya mOndangwa mehuliloshiwike lya piti opo a holole olwaala lwe lyoshili.”
“Okwe ya niimaliwa yomalweendo yepangelo nomauwanawa agehe, aapolisi, omahauto oshowo omahooli niimaliwa mbyoka ngele oya yalulwa otayi kala poshimaliwa shomayovi gontumba. Iimaliwa ayihe mbyoka oya longithwa opo ndi mbandapalekwe ngame omunamimvo 27 ngoka nda tokola okukutha ombinga methigathano lyuuleli, ngaashi tashi uthwa kOmpango yOmalelo gOondoolopa, Ompango yOmahogololo oshowo Ekotampango lyaNamibia,” Immanuel a popi.
Pethimbo lyoshigongi shoSwapo, Kuugongelwa-Amadhila okwa pula aahogololi opo kaya hogolole Immanuel, ta popi kutya ke li kongundu yontumba yopolotika, na ota uvanekele aahogololi egulu kombanda yevi.
Okwa pula woo Immanuel opo a hulithe o okulongitha omalwaala niilimbo yongundu yoSwapo, pethimbo ta ningi omahwahwameko ge.
“Omuprima minista gwandje okwa pukithandje niilyo yilwe yoSwapo mbyoka ya kutha ombinga momahogololo ga piti onga aahogololwa yiithikamena, moka yamwe ya sindana… Oshili tashi lulumike ooshoka kutya omukiintu ngoka ta ponokele omukiintu omunyasha. Aalumentu oye tu tala taya yolo, na ope na etompelo sho ye ku tumu opo wu ponokelendje.”
Omuulikwahogololwa gwoSwapo ngoka e li methigathano naImmanuel, Leonard Negonga, omunamimvo 60, omunangeshefa.
Oshifokundaneki shoNamiboian Sun inashi vula okumona, Kuugongelwa-Amadhila opo a tye sha.
Immanuel okwa popi kutya omuprima ke shi onkalo yohiila nenge uupyakadhi wokumona omeya nenge okandjugo oshowo ehala lyokukala.
“Otu na okwiipula kutya omolwashike, omuprima e na omukumo omunene momunangeshefa Negonga? Ota vulu oku tu lombwela, molwaashoka okwa li ominista yemona; aantu ngaashi ooNegonga oya ningi ngiini aakengelei muule wesiku limwe? Okwa ningi ngiini omunashimaliwa omanga a kala omuniilonga gowala muuministeli wuundjolowele?”
ILENI NANDJATO
Classifieds