Iipotha yaShanghala nayakwawo ya gwedhwa
Iipotha ya gwedhwapo oya gwedhwa kiipotha mbyoka tayi tamanekelwa aalumentu yahamano mboka taku popiwa kutya oya taamba oombumbo moshikondo shoohi.
Omulumentu omutihamano moshipotha shoka, Ricardo Gustavo, ina kwatelwamo miipotha iipe mbyoka ya gwedhwako, pethimbo aalumentu mboka ya holoka mompangulilo yaMangetrata gwaVenduka, mEtitatu.
Yalwe yatano mwakwatelwa Sacky Shanghala oshowo Bernhardt Esau, oya holoka mompangu,okupulakena kiipotha iipe mbyoka ya gwedhwa kiipotha mbyoka taya tamanekelwa nale, mwakwatelwa eholek lyoonzo dhiimaliwa lyaa ningwa okupitila momahangano lyedhina Salex oshowo DHC Inc.
Otaku popiwa kutya oomiliyona 75 dhehangano lyoFishcor odha pitithwamo mehangano palongitho lyomahangano ngoka gaali.
Mesiku moka omo woo omunambelewa Omukuluntu gwehangano lyoFishcor, Mike Nghipunya, a holoka mompangu oshikando shotango, konima sho a tulwa miipandeko oshiwike shika.
Shanghala okwa taalela iipotha iipe ya gwedhwapo yonkambadhala yokuholeka uumbangi nokuya moshipala iilonga yoshikondo shuuyuki.
Ye pamwe naEsau, James Hatuikulipi oshowo Nghipunya otaya tamanekelwa woo natango okulongitha iimaliwa yepangelo mokwiiyambapaleka. Pius Mwatelulo oshowo Tamson 'Fitty' Hatuikulipi otaya tamanekelwa okuholeka iimbuluma mbyoka.
James okwa taalela iipotha ya gwedhwapo yonkambadhala yokufuta oombumbo omunambelewa omukonaaakoni gwoAnti-Corruption Commission (ACC). Okwa li ta gandja oshimaliwa shooN$250 000 mepingakanitho lyuukalata we woombaanga mboka wa kwatwako koACC onga oshitopolwa shomakonaakono.
Oshipotha shoka oshuundulilwa komasiku 23 gaApilili negandjo lyomboloha olya indikwa.
Mboka otaya kala modholongo yaVenduka. Oohahende dhaatamanekwa odha pula oshipotha shawo shi pulakenwe natango esiku tali landula omanga hahende gwaNghipunya a pula oshipotha she shipulakenwe momasiku 23 gaApilili.
OGONE TLHAGE
Omulumentu omutihamano moshipotha shoka, Ricardo Gustavo, ina kwatelwamo miipotha iipe mbyoka ya gwedhwako, pethimbo aalumentu mboka ya holoka mompangulilo yaMangetrata gwaVenduka, mEtitatu.
Yalwe yatano mwakwatelwa Sacky Shanghala oshowo Bernhardt Esau, oya holoka mompangu,okupulakena kiipotha iipe mbyoka ya gwedhwa kiipotha mbyoka taya tamanekelwa nale, mwakwatelwa eholek lyoonzo dhiimaliwa lyaa ningwa okupitila momahangano lyedhina Salex oshowo DHC Inc.
Otaku popiwa kutya oomiliyona 75 dhehangano lyoFishcor odha pitithwamo mehangano palongitho lyomahangano ngoka gaali.
Mesiku moka omo woo omunambelewa Omukuluntu gwehangano lyoFishcor, Mike Nghipunya, a holoka mompangu oshikando shotango, konima sho a tulwa miipandeko oshiwike shika.
Shanghala okwa taalela iipotha iipe ya gwedhwapo yonkambadhala yokuholeka uumbangi nokuya moshipala iilonga yoshikondo shuuyuki.
Ye pamwe naEsau, James Hatuikulipi oshowo Nghipunya otaya tamanekelwa woo natango okulongitha iimaliwa yepangelo mokwiiyambapaleka. Pius Mwatelulo oshowo Tamson 'Fitty' Hatuikulipi otaya tamanekelwa okuholeka iimbuluma mbyoka.
James okwa taalela iipotha ya gwedhwapo yonkambadhala yokufuta oombumbo omunambelewa omukonaaakoni gwoAnti-Corruption Commission (ACC). Okwa li ta gandja oshimaliwa shooN$250 000 mepingakanitho lyuukalata we woombaanga mboka wa kwatwako koACC onga oshitopolwa shomakonaakono.
Oshipotha shoka oshuundulilwa komasiku 23 gaApilili negandjo lyomboloha olya indikwa.
Mboka otaya kala modholongo yaVenduka. Oohahende dhaatamanekwa odha pula oshipotha shawo shi pulakenwe natango esiku tali landula omanga hahende gwaNghipunya a pula oshipotha she shipulakenwe momasiku 23 gaApilili.
OGONE TLHAGE
Comments
Namibian Sun
No comments have been left on this article