Iipotha yaLidker ya kuthwa mo
Iipotha yeyonagulo yeliko mbyoka ya li ya tulilwamo elenga enene mOndonga, Wilbard Lidker oya kuthwa mo mOmpangulilo yaTsumeb.
Omukalelipo gwopaveta gwaLidker, Maronel du Plessis okwa lombwele, Namibian Sun, kutya oshipotha shoka osha kuthwa mo molwaashoka nakutulamo oshipotha okwa holola kutya ina hala okutsikila we noshipotha shoka.
Lidker okwa li a tulilwamo oshipotha sheyonagulo lyeliko pamwe neyopondje lyOmpango yOmiyonena dhOmomagumbo.
Likder okwa li ta tamanekelwa onkambadhala yokutomeka omulilo ondunda yomukadhona gwe nale, momukunda Omutsegwonime moshitopolwa shaShikoto momvula yo 2016.
“Nakutulamo oshipotha okwa lombwele ompangu kutya ina hala we okutsikila noshipotha na okwa hala oku shi kutha mo molwaashoka okwa dhiminapo Lidker,” Du Plessis a popi.
Lidker ina tulwa miipandeko nopethimbo oshipotha she sha holoka mompangu mEtitatu lyoshiwike sha piti, mangestrata Bernhard Tjatjara okwa ekelehi oshipotha shoka.
Momasiku o 16 gaJanuari omvula ya piti, omukwaniilwa gwaNdonga, Immanuel Kauluma Elifas, okwa kutha miilonga Lidker onga elenga enene lyUukwanambwa, molwaashoka aniwa okwa ya pondje oompango dhelelo lyoshilongo.
Okwa pingenewa po kuEster Gwashamba Nepando.
Lidker okwa lombwele, Namibian Sun, kutya ina pulwa opo a ye a ka yelithile oshipotha she shoka komukwaniilwa. Okwa tsikile natango kutya ina pewa omatompelo kutya okwa kuthilwa shike miilonga.
“Nonando ope na ngoka uulikwa pehala lyandje, ngame ondi li pamushangwa gwopapangelo onga omuleli gwopamuthigululwakalo, na otandi tsikile niilonga yandje. Onda li nda tegelela owala okumanitha iinyangadhalwa yoshipotha shandje. Ngashiingeyi oshipotha shoka osha kuthwa mo otandi shuna komukwaniilwa opo ndi ke mu lombwele kutya oshipotha shandje osha pwa.”
Nakutulamo oshipotha ondi wete kutya opwa li pu na aantu mboka taye mu kondjitha.
“Omolwa onkalo ndjoka osha etitha ndi kale inandi tulwa miipandeko. Ngele andola opwa li uumbangi wa gwana andola opolisi oya tula ndje miipandeko, ihe shoka inashi ningwa.”
Lidker oku li elenga etiyali lya kuthwa miilonga kOmukwaniilwa Elifas sha landula ekutho miilonga lyelenga lyOniimwandi, Boas Mweendeleli, oomvula oonshona sha piti.
Mboka ya li ye li ompinge nekutho miilonga lye omwa kwatelwa omulanduli gwomukwaniilwa, Fillemon Shuumbwa Nangolo, amushanga Joseph Asino oshowo omunashipundi gwelelo ndyoka, Peter Kauluma.
Konima omukwaniilwa natango okwa kutha miilonga Asino, Kauluma, John Walenga, oshowo ngoloneya nale gwoshitopolwa shaShikoto, Vilho Kamanya, Kashona kaMalulu, Tonata Ngulu oshowo Fillemon Nambili.
Omukwaniilwa okwa kutha woo onkondo euliko lyaNangolo onga omulanduli gwe.
ILENI NANDJATO
Omukalelipo gwopaveta gwaLidker, Maronel du Plessis okwa lombwele, Namibian Sun, kutya oshipotha shoka osha kuthwa mo molwaashoka nakutulamo oshipotha okwa holola kutya ina hala okutsikila we noshipotha shoka.
Lidker okwa li a tulilwamo oshipotha sheyonagulo lyeliko pamwe neyopondje lyOmpango yOmiyonena dhOmomagumbo.
Likder okwa li ta tamanekelwa onkambadhala yokutomeka omulilo ondunda yomukadhona gwe nale, momukunda Omutsegwonime moshitopolwa shaShikoto momvula yo 2016.
“Nakutulamo oshipotha okwa lombwele ompangu kutya ina hala we okutsikila noshipotha na okwa hala oku shi kutha mo molwaashoka okwa dhiminapo Lidker,” Du Plessis a popi.
Lidker ina tulwa miipandeko nopethimbo oshipotha she sha holoka mompangu mEtitatu lyoshiwike sha piti, mangestrata Bernhard Tjatjara okwa ekelehi oshipotha shoka.
Momasiku o 16 gaJanuari omvula ya piti, omukwaniilwa gwaNdonga, Immanuel Kauluma Elifas, okwa kutha miilonga Lidker onga elenga enene lyUukwanambwa, molwaashoka aniwa okwa ya pondje oompango dhelelo lyoshilongo.
Okwa pingenewa po kuEster Gwashamba Nepando.
Lidker okwa lombwele, Namibian Sun, kutya ina pulwa opo a ye a ka yelithile oshipotha she shoka komukwaniilwa. Okwa tsikile natango kutya ina pewa omatompelo kutya okwa kuthilwa shike miilonga.
“Nonando ope na ngoka uulikwa pehala lyandje, ngame ondi li pamushangwa gwopapangelo onga omuleli gwopamuthigululwakalo, na otandi tsikile niilonga yandje. Onda li nda tegelela owala okumanitha iinyangadhalwa yoshipotha shandje. Ngashiingeyi oshipotha shoka osha kuthwa mo otandi shuna komukwaniilwa opo ndi ke mu lombwele kutya oshipotha shandje osha pwa.”
Nakutulamo oshipotha ondi wete kutya opwa li pu na aantu mboka taye mu kondjitha.
“Omolwa onkalo ndjoka osha etitha ndi kale inandi tulwa miipandeko. Ngele andola opwa li uumbangi wa gwana andola opolisi oya tula ndje miipandeko, ihe shoka inashi ningwa.”
Lidker oku li elenga etiyali lya kuthwa miilonga kOmukwaniilwa Elifas sha landula ekutho miilonga lyelenga lyOniimwandi, Boas Mweendeleli, oomvula oonshona sha piti.
Mboka ya li ye li ompinge nekutho miilonga lye omwa kwatelwa omulanduli gwomukwaniilwa, Fillemon Shuumbwa Nangolo, amushanga Joseph Asino oshowo omunashipundi gwelelo ndyoka, Peter Kauluma.
Konima omukwaniilwa natango okwa kutha miilonga Asino, Kauluma, John Walenga, oshowo ngoloneya nale gwoshitopolwa shaShikoto, Vilho Kamanya, Kashona kaMalulu, Tonata Ngulu oshowo Fillemon Nambili.
Omukwaniilwa okwa kutha woo onkondo euliko lyaNangolo onga omulanduli gwe.
ILENI NANDJATO
Comments
Namibian Sun
No comments have been left on this article