Iikunino yiinamwenyo itayi tulululwa aantu - Shifeta
Ominista yomidhingoloko Pohamba Shifeta oya popi kutya itayi ka pitika omwaalu guunene wiikunino yiinamwenyo gushunithwe pevi opo mu vule okutululwa aakwashigwana.
Shifeta okwa popi ngaaka ta yamukula momathaneko ngoka ga ningwa, opo omwaalu gwuunene woshikunino shEtosha gushunithwe pevi momuvule okutulululwa aantu mehala ndyoka.
Omathaneko ngoka oga ningwa onga omagwedhelepo pethimbo lyoonkundathana kombinga dhevi ndhoka dha ningwa noshigwana muJuli nuumvo, miitopolwa ya yooloka. Ondokumnde yomagwedhelepo ngoka oya ngongwa po pethimbo mpoka oshilongo sha taalela eningo lyomutumba gwevi omutiyali gwopashigwana, ngoka tagu ningwa nuumvo kuyele muKotomba.
Ondokumende ndjoka oya kundathanwa oshiwike sha piti, pethimbo lyomutumba gwaakalelipo yiitopolwa, Omuprima Minista Saara Kuugongelwa-Amadhila oshowo oominista dhiikondo yil mwakwatelwa Ominista yOmavi, Utoni Nujoma oshowo Ominista yEmona, Calle Schlettwein.
Shifeta, ngoka a li ta popi pethimbo lyoshituthi shoka sha ningilwa moWaterberg National Park mehuliloshiwike, okwa popi kutya ita pitika iikunino yiinamwenyo yi ningwe po omahala gokukala aantu. Shifeta okwa tsikile kutya okwa kala nokuningwa omaindilo okuza moshigwana opo omahala ngoka ga ningwe po omashona, go ga vule okutulululwa aantu. Okwa tsikile kutya momahala gamwe, aakwashigwana oya tameka okuteta oondhalate dhiikunino mbyoka nokuyunga oontanda momahala ngoka. Okwa lopotwa omalukalwa ga ningwa momahala giinamwenyo ngaashi unene moshitopolwa shaZambezi, moka aakwashigwana ya tembukile pomahala ngoka niimuna yawo omolwa oomboola ndhoka dhi li mo, nokweettha iikolokosha pokati kaantu niiyamakuti. “Oye tu lombwele kutya oya mono omapitiko okuza kaaleli yopamuthigululwakalo.” Shifeta okwa tsu omuthindo kutya aaleli yopamuthigululwakalo kaye na uuthemba wokugandja po omahala giikunino yiiyamakuti, ngoka geli momake gepangelo.
“Oya landitha po nale evi kutse. Aaleli yopamuthigululwakalo kaye na uuthemba opo ya gandje po evi ndyoka. Itandi shi pitika, itandi pitika iikunino yetu yiinamwenyo yi ningwe po iishona.” Omahala ogendji oga tothwamo nokuninga iikunino yiinamwenyo konima sho oshilongo sha manguluka ngaashi Bwabwata, Mangetti oshowo Mudumu ngoka ga totwa po konima sho evi lya landwa ko okuza komalelo gopamuthigululwakalo.
Ondokumende ndjoka ya ngongwa oya pula woo omahala giikunino yiinamwenyo ga ningwe po omashona kokugandjwe po evi ndyoka kaakwashigwana mboka ya kala inaya talika monakuziwa ngaashi Aayelele.
Oonkundathana ndhoka nonando odhi li paumwene otadhi yamukula keindilo lyOmpangu yoPombanda ndyoka lya ningwa muMei gwomvula yo 2017 kaakwashigwana yomuhoko gwAaHai//Om San mboka taya popi kutya oshitopolwa shimwe po shEtosha oshawo oshowo oofaalama dhi li 11 momudhingoloko gwaMangetti. Otaya kalelwapo paveta kuAndrew Corbett (SC) oshowo Natasha Bassingsthwaite kelombwelo lyoLegal Assistance Centre. Shifeta okwa popi kutya uuministeli otawu tsikile nokuninga elongo lyoshigwana oshowo ooprograma dha nuninwa okuuvithako oshigwana noshindji osha pumbwa okuningwa natango. “Omahala getu giiyamakuti ngaashi Etosha oga dhingolokwa kaakwashigwana oshowo aanafaalama, onkene otwa pumbwa okuninga omahwahwameko gelongo opo tuuvitheko aantu kombinga yesimano lyiiyamakuti nekalepo lyomahala giikunino yiiyamakuti.”
Okwa popi kutya oshigwana nasho oshi na oshinakugwanithwa okupitila maaleli yawo ngaashi omalelo gopamuthigululwakalo mekondjitho lyomiyonena tadhi ningilwa iiyamakuti.
ELLANIE SMIT
Omathaneko ngoka oga ningwa onga omagwedhelepo pethimbo lyoonkundathana kombinga dhevi ndhoka dha ningwa noshigwana muJuli nuumvo, miitopolwa ya yooloka. Ondokumnde yomagwedhelepo ngoka oya ngongwa po pethimbo mpoka oshilongo sha taalela eningo lyomutumba gwevi omutiyali gwopashigwana, ngoka tagu ningwa nuumvo kuyele muKotomba.
Ondokumende ndjoka oya kundathanwa oshiwike sha piti, pethimbo lyomutumba gwaakalelipo yiitopolwa, Omuprima Minista Saara Kuugongelwa-Amadhila oshowo oominista dhiikondo yil mwakwatelwa Ominista yOmavi, Utoni Nujoma oshowo Ominista yEmona, Calle Schlettwein.
Shifeta, ngoka a li ta popi pethimbo lyoshituthi shoka sha ningilwa moWaterberg National Park mehuliloshiwike, okwa popi kutya ita pitika iikunino yiinamwenyo yi ningwe po omahala gokukala aantu. Shifeta okwa tsikile kutya okwa kala nokuningwa omaindilo okuza moshigwana opo omahala ngoka ga ningwe po omashona, go ga vule okutulululwa aantu. Okwa tsikile kutya momahala gamwe, aakwashigwana oya tameka okuteta oondhalate dhiikunino mbyoka nokuyunga oontanda momahala ngoka. Okwa lopotwa omalukalwa ga ningwa momahala giinamwenyo ngaashi unene moshitopolwa shaZambezi, moka aakwashigwana ya tembukile pomahala ngoka niimuna yawo omolwa oomboola ndhoka dhi li mo, nokweettha iikolokosha pokati kaantu niiyamakuti. “Oye tu lombwele kutya oya mono omapitiko okuza kaaleli yopamuthigululwakalo.” Shifeta okwa tsu omuthindo kutya aaleli yopamuthigululwakalo kaye na uuthemba wokugandja po omahala giikunino yiiyamakuti, ngoka geli momake gepangelo.
“Oya landitha po nale evi kutse. Aaleli yopamuthigululwakalo kaye na uuthemba opo ya gandje po evi ndyoka. Itandi shi pitika, itandi pitika iikunino yetu yiinamwenyo yi ningwe po iishona.” Omahala ogendji oga tothwamo nokuninga iikunino yiinamwenyo konima sho oshilongo sha manguluka ngaashi Bwabwata, Mangetti oshowo Mudumu ngoka ga totwa po konima sho evi lya landwa ko okuza komalelo gopamuthigululwakalo.
Ondokumende ndjoka ya ngongwa oya pula woo omahala giikunino yiinamwenyo ga ningwe po omashona kokugandjwe po evi ndyoka kaakwashigwana mboka ya kala inaya talika monakuziwa ngaashi Aayelele.
Oonkundathana ndhoka nonando odhi li paumwene otadhi yamukula keindilo lyOmpangu yoPombanda ndyoka lya ningwa muMei gwomvula yo 2017 kaakwashigwana yomuhoko gwAaHai//Om San mboka taya popi kutya oshitopolwa shimwe po shEtosha oshawo oshowo oofaalama dhi li 11 momudhingoloko gwaMangetti. Otaya kalelwapo paveta kuAndrew Corbett (SC) oshowo Natasha Bassingsthwaite kelombwelo lyoLegal Assistance Centre. Shifeta okwa popi kutya uuministeli otawu tsikile nokuninga elongo lyoshigwana oshowo ooprograma dha nuninwa okuuvithako oshigwana noshindji osha pumbwa okuningwa natango. “Omahala getu giiyamakuti ngaashi Etosha oga dhingolokwa kaakwashigwana oshowo aanafaalama, onkene otwa pumbwa okuninga omahwahwameko gelongo opo tuuvitheko aantu kombinga yesimano lyiiyamakuti nekalepo lyomahala giikunino yiiyamakuti.”
Okwa popi kutya oshigwana nasho oshi na oshinakugwanithwa okupitila maaleli yawo ngaashi omalelo gopamuthigululwakalo mekondjitho lyomiyonena tadhi ningilwa iiyamakuti.
ELLANIE SMIT
Comments
Namibian Sun
No comments have been left on this article