Iigongi yomupresidende kayi shi omahwahwameko gomahogololo
Omupopiliko gwomupresidende, Alfredo Hengari okwa tindi omapopyo ngoka taga ningwa kutya iigongi mbyoka tayi ningwa kOmupresidende Hage Geingob noshigwana, oyi li omahwahwameko gomahogololo taga ningwa palongitho lyiimaliwa yoshigwana.
Omupeha omupresidende gwongundu yoPopular Democratic Movement (PDM), Jennifer van den Heever okwa popi oshiwike sha piti kutya iigongi mbyoka, oyi li omahwahwameko gomahogololo gongundu yoSwapo.
Okwa popi ta nyana omukalo moka tamu ningwa iigongi mbyoka sho kwa lopotwa kutya iilyo yoongundu dhompilameno otayi tindilwa mo miigongi moka.
Van den Heever okwa popi kutya, Geingob ota longitha iigongi mbyoka mokuhwahwameka iiyetwapo yongundu ye, ta popi kutya PDM oyali ya pula Omuprima Saara Kuugongelwa-Amadhila a yoolole pokati kiiyemo yepangelo niiyemo yongundu.
Okwa popi kutya pehala Geingob a ye pamwe naamboka aluhe ya gama kuye nokwiitaala kehe shoka ta popi, okwa pumbwa a ye moonkundathana noongundu dhompilameno dho dhi mu pe uuyelele kombinga yiikumungu yopashigwana.
Iikumungu yimwe po mbyoka a tothamo ongaashi elongo lyoshigwana, uundjolowele, evi, egwo pevi lyeliko lyoshilongo oshowo okwaahena iilonga unene mokati kaanyasha.
Hengari okwa popi kutya kape na ngoka a tindilwa okukutha ombinga miigongi mbyoka omolwa ekwatathano lye lyopolotika, naamboka taya popi ngaaka otaya taandelitha iifundja.
CATHERINE SASMAN
Omupeha omupresidende gwongundu yoPopular Democratic Movement (PDM), Jennifer van den Heever okwa popi oshiwike sha piti kutya iigongi mbyoka, oyi li omahwahwameko gomahogololo gongundu yoSwapo.
Okwa popi ta nyana omukalo moka tamu ningwa iigongi mbyoka sho kwa lopotwa kutya iilyo yoongundu dhompilameno otayi tindilwa mo miigongi moka.
Van den Heever okwa popi kutya, Geingob ota longitha iigongi mbyoka mokuhwahwameka iiyetwapo yongundu ye, ta popi kutya PDM oyali ya pula Omuprima Saara Kuugongelwa-Amadhila a yoolole pokati kiiyemo yepangelo niiyemo yongundu.
Okwa popi kutya pehala Geingob a ye pamwe naamboka aluhe ya gama kuye nokwiitaala kehe shoka ta popi, okwa pumbwa a ye moonkundathana noongundu dhompilameno dho dhi mu pe uuyelele kombinga yiikumungu yopashigwana.
Iikumungu yimwe po mbyoka a tothamo ongaashi elongo lyoshigwana, uundjolowele, evi, egwo pevi lyeliko lyoshilongo oshowo okwaahena iilonga unene mokati kaanyasha.
Hengari okwa popi kutya kape na ngoka a tindilwa okukutha ombinga miigongi mbyoka omolwa ekwatathano lye lyopolotika, naamboka taya popi ngaaka otaya taandelitha iifundja.
CATHERINE SASMAN
Comments
Namibian Sun
No comments have been left on this article