Hitman molugodhi nelelo lyaNdangwa

ILENI NANDJATOONDANGWAOmudhengingonyo nale gwoWorld Boxing Association (WBA) a simana Paulus 'The Hitman' Moses okuli molugodhi italu hulu nelelo lyondoolopa yaNdangwa, ndyoka tali popi kutya okwa tungu egumbo lye popepi nokapale koodhila mondoolopa ndjoka, shaaheli paveta, omanga Hitman ta popi kutya elelo lyondoolopa olya hala okukutha po oshitopolwa she shevi shoka a mono okupitila melelo lyopamuthigululwakalo.Moses okwa popi kutya okwa mono oshitopolwa shoka shevi momvula yo 2000 konima sho yinakulu a hulitha nevi olya lundululilwa medhina lye momvula yo 2005 omanga ina tameke okutunga egumbo lye.“Ondi na oondokumende dhuumwene wevi okuza kelelo lyaNdonga oshowo uuthemba wuumwene wevi okuza kuuministeli womavi. Omanga evi ndyoka inali ningwa oshitopolwa shondoolopa opo nale ndi li,” Moses a popi.“Momvula yo 2005 onda ningi eindilo lyomeya okuza kelelo lyondoolopa na olya zimina nomeya oga kwatakanithwa na onda tameke okutunga egumbo lyandje.”Moses okwa popi kutya okwa uvu owala kelelo lyondoolopa momvula yo 2015 sho egumbo lye li li pokupya okutungwa. Oya manitha oshikumungu shoka, ihe oshiwike sha piti elelo olye mu indike okutula odhalate pevi lye.“Oya yi moshipala aantu yandje mboka ya li taya tulako odhalate na oya kutha po odhalate yandje nopala. “Kandi li ompinge neyambulepo lyondoolopa ihe elelo lyondoolopa nali simaneke ndje onga mwene gwevi.”Okwa tsikile kutya aanambelewa yondoolopa otaye mu lombwele kutya evi ndyoka oli li meni lyoongamba nakehe shoka ta ningi po oku na okutseyithila elelo lyondoolopa. Okwa popi kutya okwa li owala ta tula egumbo lye meni lyodhalate opo a gamene egumbo lye okuza koongombe dhoka hadhi endaenda momudhingoloko ngoka. Elelo lyondoolopa aniwa olye mu shainitha ombaapila kutya ngele ehala ndyoka olya yambulwapo monakuyiwa itali futilwa.Omunambelewa omukuluntu gwelelo lyaNdangwa, Ismael Namgongo okwa koleke iikolokosha pokati kelelo naMoses ihe okwa tindi okugandja uuyelele owundji koshikumungu shoka. Namgongo okwa popi kutya oya tokola okukutha ko odhalate ndjoka molwaashoka Moses okwa ndopa okuya tseyithila, na okwa popi kutya shoka ta vulu okuninga okuya kombelewa yawo opo ya ka popye, ota vulu okukwathela.

Hitman molugodhi nelelo lyaNdangwa

Comments

Namibian Sun 2025-07-10

Please login to leave a comment

Hitman molugodhi nelelo lyaNdangwa

Comments

Namibian Sun 2025-07-10

Please login to leave a comment

Login