Haufiku okwa hala iimaliwa yoshipangelo shaKahao
01 March 2018 | Local News
Ominista yUundjolowele nOnkalonawa, otayi ningi oompangela dhokulikola iimaliwa yoomiliyona 16 dhomoomiliyona 17 ndhoka, dha futwa ehangano lyomatungo lyoProperty Decorative Developer opo ku wapaleke oshipangelo shaKahao.
Opoloyeka ndjoka inayi manithwa sho omutungi a thigi po iilonga oomvula heyali dha piti, pwaahena omatompelo gasha, naHaufiku okwa popi kutya iimaliwa mbyoka oya futwa ehangano ndyoka, omanga inali tameka niilonga.
Mo2015, omukomeho guunamiti moshipangelo shoka, Dr Mary Nandjebo okwa popi kutya konyala oomiliyona 17 osha futwa nale ehangano lyoProperty Decorative Developer. Haufiku okwa lombwele oNamibian Sun kutya iimaliwa mbyoka oya futwa ehangano ndyoka omanga iilonga inayi tameka niilonga mbyoka ya longwa kayi shi yongushu yoomiliyona 17, onkene otaya ka pula ko oomiliyona 16.
Haufiku okwa popi kutya emanitho lyiilonga yoshipangelo shoka, otali pangelwa li ningwe mo 2018/2019 ihe uuministeli owu na tango okukala wa likola iimaliwa mbyoka ya futwa omutungi ngoka ina mana iilonga.
Haufiku okwa popi kutya uuministeli wiilonga owa kala tawu kondolola etungo lyopoloyeka ndjoka, na ke shi kutya osha ende ngini, opo omutungi a futwe omanga ina tameka iilonga. Okwa lopotwa mo 2012 kutya uuministeli owa kutha ko iilonga mbyoka kehangano lyomatungo lyoProperty Decorative Developer na okwa ulikwa omutungi omupe.
Opoloyeka yetungo lyoshipangelo shoka oya kwatela mo iinima ngaashi ondunda yomiti, omathano, oklinika yomayego, olabora, oklinika yomeho oshowo iinima yilwe.
Aayakulwa mboka taya pumbwa omathano moshipangelo shoka ngashiingeyi ohaya ukithwa koshipangelo shaIndira Ghandi Clinic shoka shili oshinano shokilometa 13 okuza moKahao, omanga omayakulo galwe aantu haya tumwa moshipangelo shaShakati shoka shi li oshinano shookilometa 75.
ILENI NANDJATO
Opoloyeka ndjoka inayi manithwa sho omutungi a thigi po iilonga oomvula heyali dha piti, pwaahena omatompelo gasha, naHaufiku okwa popi kutya iimaliwa mbyoka oya futwa ehangano ndyoka, omanga inali tameka niilonga.
Mo2015, omukomeho guunamiti moshipangelo shoka, Dr Mary Nandjebo okwa popi kutya konyala oomiliyona 17 osha futwa nale ehangano lyoProperty Decorative Developer. Haufiku okwa lombwele oNamibian Sun kutya iimaliwa mbyoka oya futwa ehangano ndyoka omanga iilonga inayi tameka niilonga mbyoka ya longwa kayi shi yongushu yoomiliyona 17, onkene otaya ka pula ko oomiliyona 16.
Haufiku okwa popi kutya emanitho lyiilonga yoshipangelo shoka, otali pangelwa li ningwe mo 2018/2019 ihe uuministeli owu na tango okukala wa likola iimaliwa mbyoka ya futwa omutungi ngoka ina mana iilonga.
Haufiku okwa popi kutya uuministeli wiilonga owa kala tawu kondolola etungo lyopoloyeka ndjoka, na ke shi kutya osha ende ngini, opo omutungi a futwe omanga ina tameka iilonga. Okwa lopotwa mo 2012 kutya uuministeli owa kutha ko iilonga mbyoka kehangano lyomatungo lyoProperty Decorative Developer na okwa ulikwa omutungi omupe.
Opoloyeka yetungo lyoshipangelo shoka oya kwatela mo iinima ngaashi ondunda yomiti, omathano, oklinika yomayego, olabora, oklinika yomeho oshowo iinima yilwe.
Aayakulwa mboka taya pumbwa omathano moshipangelo shoka ngashiingeyi ohaya ukithwa koshipangelo shaIndira Ghandi Clinic shoka shili oshinano shokilometa 13 okuza moKahao, omanga omayakulo galwe aantu haya tumwa moshipangelo shaShakati shoka shi li oshinano shookilometa 75.
ILENI NANDJATO
Classifieds