Hatuikulipi a futwa oombumbo dhoomiliyona 65
Johannes Stefansson okwa popi kutya oshimaliwa shoomiliyona 65 shoka sha pewa omutamanekewa moshipotha shoFishrot pokati komvula yo 2014 no 2019 osha li oombumbo.
OGONE TLHAGE
Ø Tamson naye aniwa okwa futwa oombumbo, pahapu dhaStefansson
Ehangano lyaJames Hatuikulipi lyomoDubai lyedhina Tundavala Invest Limited, okwa lopotwa lya futwa oshimaliwa sha thika poomiliyona 65 pokati komvula yo 2014 no 2019 kwiikwatelelwa komauyelele ngoka ga monika koNamibian Sun geli moshigwana.
Iifuta mbyoka oya li nigwa koshitayi shehangano lyoSamherji moCyprus, Esja Seafoods.
Uumbaapila womafutilo wa monika koshifokundaneki shika, owa holola kutya iifuta mbyoka oya shangwa onga iifuta yiilonga, moka a vulu okupula oshimaliwa sha thika poomiliyona hetatu mokambaapila kamwe.
Stefansson molopota ye yimwe ndjoka a gandja komalelo gaNamibia okwa popi kutya muAguste gwomvula yo 2014 , Samherji okwa zimine okufuta oopresenda 75 onga iifuta yelongitho lyo lyookota dhokukwata oohi lyaNamgomar kehangano Tundavala Invest Ltd moDubai.
Hatuikulipi okwa li ta yakula iifuta mbyoka sigo omuJanuari gwo2019, oomwedhi omulongo omanga ina tulwa miipandeko.
Stefansson okwa popi e keena uutile kutya iimaliwa mbyoka oyili iifuta yoombumbo. Okwa popi kutya Tamson okwa futwa omolwa ekuthombinga lye mokugandja ookota dhoohi kehangano lyaSamherji.
Okwa tsikile kutya ooHatuikulipi oya tokola opo kaya kale noombapila dha sha moonkambadhala dhokuholeka oonzo dhiimaliwa yawo.
Pethimbo lyepulakeno lyomboloha mOmpangulilo yaMangestrata gwaVenduka omvula ya piti, okakomisi koAnti-Corruption Commission (ACC) oka holola kutya Esja Fishing, oshitayi shehangano lyoSamherji moIceland, olya futa oshimaliwa shoomiliyona 29 kehangano lyoTamson. Inashi yela natango ngele iifuta mbyoka oyi li oshitopolwa shiilonga ya longelwa ehangano ndyoka.
Oshifokundaneki shoNamibian Sun osha lopota omwedhi gwa piti nkene omahangano gatatu gaIcelad ga futu oshimaliwa shoomiliyonan 14 kehangano lyoErongo Clearing and Forwarding, lyaTamson. Stefansson pethimbo ndyoka okwa li a popi kutya iimaliwa mbyoka ya yi li iifuta yoombumbo.
Stefansson okwa popi natango kutya iimaliwa ya thika poomiliyona 75 oya futwa kookaunda dhaJames okuzilila kooakaaunda dhehangano lyoSamherji moCyprus.
James oye awike omuniipambuliko mehangano lyoTundavala, ndyoka lya shangithwa moEmirate moDubai momvula yo 2014.
Ø Tamson naye aniwa okwa futwa oombumbo, pahapu dhaStefansson
Ehangano lyaJames Hatuikulipi lyomoDubai lyedhina Tundavala Invest Limited, okwa lopotwa lya futwa oshimaliwa sha thika poomiliyona 65 pokati komvula yo 2014 no 2019 kwiikwatelelwa komauyelele ngoka ga monika koNamibian Sun geli moshigwana.
Iifuta mbyoka oya li nigwa koshitayi shehangano lyoSamherji moCyprus, Esja Seafoods.
Uumbaapila womafutilo wa monika koshifokundaneki shika, owa holola kutya iifuta mbyoka oya shangwa onga iifuta yiilonga, moka a vulu okupula oshimaliwa sha thika poomiliyona hetatu mokambaapila kamwe.
Stefansson molopota ye yimwe ndjoka a gandja komalelo gaNamibia okwa popi kutya muAguste gwomvula yo 2014 , Samherji okwa zimine okufuta oopresenda 75 onga iifuta yelongitho lyo lyookota dhokukwata oohi lyaNamgomar kehangano Tundavala Invest Ltd moDubai.
Hatuikulipi okwa li ta yakula iifuta mbyoka sigo omuJanuari gwo2019, oomwedhi omulongo omanga ina tulwa miipandeko.
Stefansson okwa popi e keena uutile kutya iimaliwa mbyoka oyili iifuta yoombumbo. Okwa popi kutya Tamson okwa futwa omolwa ekuthombinga lye mokugandja ookota dhoohi kehangano lyaSamherji.
Okwa tsikile kutya ooHatuikulipi oya tokola opo kaya kale noombapila dha sha moonkambadhala dhokuholeka oonzo dhiimaliwa yawo.
Pethimbo lyepulakeno lyomboloha mOmpangulilo yaMangestrata gwaVenduka omvula ya piti, okakomisi koAnti-Corruption Commission (ACC) oka holola kutya Esja Fishing, oshitayi shehangano lyoSamherji moIceland, olya futa oshimaliwa shoomiliyona 29 kehangano lyoTamson. Inashi yela natango ngele iifuta mbyoka oyi li oshitopolwa shiilonga ya longelwa ehangano ndyoka.
Oshifokundaneki shoNamibian Sun osha lopota omwedhi gwa piti nkene omahangano gatatu gaIcelad ga futu oshimaliwa shoomiliyonan 14 kehangano lyoErongo Clearing and Forwarding, lyaTamson. Stefansson pethimbo ndyoka okwa li a popi kutya iimaliwa mbyoka ya yi li iifuta yoombumbo.
Stefansson okwa popi natango kutya iimaliwa ya thika poomiliyona 75 oya futwa kookaunda dhaJames okuzilila kooakaaunda dhehangano lyoSamherji moCyprus.
James oye awike omuniipambuliko mehangano lyoTundavala, ndyoka lya shangithwa moEmirate moDubai momvula yo 2014.
Comments
Namibian Sun
No comments have been left on this article