Gustavo a fundju mompangu – Epangelo
OMUTOOLINKUNDANA
OVENDUKA
Oompata kombinga yeindilo lyomboloha lyomutamanekwa moshipotha shoFishrot Ricardo Gustavo odha manithwa oshiwike sha piti moka epangelo lya popi kutya omauvaneko gwomukomeho nale gwehangano lyoNamgomar Pesca kutya itaka ya moshipala iilonga yoshikondo shuuyuki itaga inekelwa, molwaashoka okwa fundju pethimbo a gandja uumbangi we mompangu.
Ngele okwa mangululwa mo mondjeedhililo omanga yakwawo yeli natango mondjeedhililo kape na shoka tashi holola kutya itaka longa muuwanawa welyenge mokukwathela mboka ye li natango mondjeedhililo.
Omukalelipo gwepangelo moshipotha shoka, Cliff Lutibezi okwa popi kutya okukaleka Gustavo mondjeedhililo pethimbo lyepangulo lye oshi li muuwanawa woshigwana omolwa ekano lyoshimaliwa shoomiliyona 317 okupitila muulingilingi, moka Gustavo a li omudhaninkandangala.
Lutibezi okwa popi kutya omutamanekwa ngoka okwa fundju sho a popi kutya kali e na ontseyo yehangano lyo Tundavala Investment, lyomoDubai-lyomuhona gwe nale mehangano lyoInvestec, James Hatuikulipi, ndyoka lya mono woo uuwanawa okupitila muulingilingi moka.
“Okwa gandja mompangu kutya okwa tseya owala ehangano lyoTundavala konima sho a pangulwa ihe epangelo oli na uumbangi womakwatathao gopaemail moka naye a li tulwamo na omwa kundathanwa ehangano lyoTundavala,”. Lutibezi a lombwele omupanguli mompangu yopombanda Herman Oosthuizen.
Natango okwa fundju kutya ina pewa ompito a gandje ehokololo lye ngaashi sha ningilwa aatamanekwa pamwe naye, ihe ope na uumbangi mboka wu na eshaino lye kutya ita popisha ngaashi a pewa omayele komukalelipo gwe gwopaveta.
Natango sho a pulwa okwa holola kutya okwa valelwa moAngola, omanga okamutse ke kuukwashigwana ka holola kutya okwa valelwa moNamibia.
Gustavo okwa li oshitopolwa shelyenge lya kwatelwa komeho koominista nale Bernhardt Esau oshowo Sacky Shanghala, mboka ya kengelele mooveta opo ya vule okulonga uulingilingi, pauyelele wa gandjwa kepangelo.
Gustavo okwa li a ningwa oshilongitho shokutopolwa iimaliwa melyenge ndyoka, pahapu dhaLutibezi.
Omupanguli Oosthuizen okwa tegelelwa a ka ninge etokolo momasiku 15 Desemba.
OVENDUKA
Oompata kombinga yeindilo lyomboloha lyomutamanekwa moshipotha shoFishrot Ricardo Gustavo odha manithwa oshiwike sha piti moka epangelo lya popi kutya omauvaneko gwomukomeho nale gwehangano lyoNamgomar Pesca kutya itaka ya moshipala iilonga yoshikondo shuuyuki itaga inekelwa, molwaashoka okwa fundju pethimbo a gandja uumbangi we mompangu.
Ngele okwa mangululwa mo mondjeedhililo omanga yakwawo yeli natango mondjeedhililo kape na shoka tashi holola kutya itaka longa muuwanawa welyenge mokukwathela mboka ye li natango mondjeedhililo.
Omukalelipo gwepangelo moshipotha shoka, Cliff Lutibezi okwa popi kutya okukaleka Gustavo mondjeedhililo pethimbo lyepangulo lye oshi li muuwanawa woshigwana omolwa ekano lyoshimaliwa shoomiliyona 317 okupitila muulingilingi, moka Gustavo a li omudhaninkandangala.
Lutibezi okwa popi kutya omutamanekwa ngoka okwa fundju sho a popi kutya kali e na ontseyo yehangano lyo Tundavala Investment, lyomoDubai-lyomuhona gwe nale mehangano lyoInvestec, James Hatuikulipi, ndyoka lya mono woo uuwanawa okupitila muulingilingi moka.
“Okwa gandja mompangu kutya okwa tseya owala ehangano lyoTundavala konima sho a pangulwa ihe epangelo oli na uumbangi womakwatathao gopaemail moka naye a li tulwamo na omwa kundathanwa ehangano lyoTundavala,”. Lutibezi a lombwele omupanguli mompangu yopombanda Herman Oosthuizen.
Natango okwa fundju kutya ina pewa ompito a gandje ehokololo lye ngaashi sha ningilwa aatamanekwa pamwe naye, ihe ope na uumbangi mboka wu na eshaino lye kutya ita popisha ngaashi a pewa omayele komukalelipo gwe gwopaveta.
Natango sho a pulwa okwa holola kutya okwa valelwa moAngola, omanga okamutse ke kuukwashigwana ka holola kutya okwa valelwa moNamibia.
Gustavo okwa li oshitopolwa shelyenge lya kwatelwa komeho koominista nale Bernhardt Esau oshowo Sacky Shanghala, mboka ya kengelele mooveta opo ya vule okulonga uulingilingi, pauyelele wa gandjwa kepangelo.
Gustavo okwa li a ningwa oshilongitho shokutopolwa iimaliwa melyenge ndyoka, pahapu dhaLutibezi.
Omupanguli Oosthuizen okwa tegelelwa a ka ninge etokolo momasiku 15 Desemba.
Comments
Namibian Sun
No comments have been left on this article