Germany okwa pumbwa okufuta ootrillion 1.26 – Katjirua
Iifuta yokapakete koobilitona 18.9 mbyoka tayi gandjwa kuGermany omolwa omadhipago gakiinahenda ga ningilwa aakwashigwana yaNamibia yomuhoko gwAaNama nAaherero momvula yo 1904 sigo 1908 oya tukula omaiyuvo ga yooloka mokati kAaNamibia unene mboka ya gumwa.
07 June 2021 | Local News
JEMIMA BEUKES
OVENDUKA
Aakwashigwana yamwe oya holola kutya omwaalu ngoka oguli nawa omanga yamwe ya holola kutya oguli pevi noonkondo
Okwa hololwa kutya Germany ota gandja woo oshimaliwa shooEuro omiiliyona 300 ano oobiliyona 4.9 dhaNamibia sha nuninwa okweeta kegumbo iipongolo yoonakudhipagwa.
Omukwateli komeho goonkundana kombinga yaGermany, Ruprecht Polenz okwa popi kutya oonkundathana odha manithwa koombinga adhihe mbali.
Gerson Katjirua, omunashipundi gwookundathana dhoOvaherero/Ovambanderu and Nama Council for the dialogue on the 1904-08 Genocide (ONCD 1904-08), okwa popi kutya otaya yambidhidha epangelo nonando omwaalu ngoka gwa tokola omushona.
Okwa popi kutya oyali taya tengeneke oshimaliwa andola shomwaalu gwootrillion 1.26 ihe okwa popi kutya kaye na elalakano lyokuninga oshimaliwa okuza kepangelo lyaGermany.
Okwa pula epangelo li kwashilipaleke kutya opoloyeka dhoka dha uvanekwa dhongushu yoshimaliwa shoka odha tulwa miilonga.
Freddy Nguvauva, ngoka a li omunambelewa gwepangelo moonkundathana dhoka mongundu ndjoka ya kwatelwa komeho kuDr Zed Ngavirue okwa popi kutya omayenyeto ngoka kageli pauyuuki sho epangelo lyaGermany lya uvaneke omwaalu ngoka gwoshimaliwa uule woomvula 30 dhili komeho.
Chief Tjinaani Maharero, oshilyo shelelo lyo ONCD 1904-08 okwa popi kutya Katjirua ita vulu okupopya kiikumungu yelelo molwaashoka keshi we omuleli shoka sha li she mu pa uuthemba wokukala omunashipundi gwookundathana dhoka.
Maharero okwa tindi woo omapopyo kutya otaya tsukumwe nepangelo ta popi kutya inaya tseyithilwa kombinga yomwaalu ngoka ngashiingeyi guli poobiliyona 18.9.
“Inaku ningwa omutumba gwelelo gu ninge etokolo kombinga yezimino lyomwaalu ngoka. Osha li aaleli oohandimwe mboka ya tokola yoyene,” Maharero a popi.
OVENDUKA
Aakwashigwana yamwe oya holola kutya omwaalu ngoka oguli nawa omanga yamwe ya holola kutya oguli pevi noonkondo
Okwa hololwa kutya Germany ota gandja woo oshimaliwa shooEuro omiiliyona 300 ano oobiliyona 4.9 dhaNamibia sha nuninwa okweeta kegumbo iipongolo yoonakudhipagwa.
Omukwateli komeho goonkundana kombinga yaGermany, Ruprecht Polenz okwa popi kutya oonkundathana odha manithwa koombinga adhihe mbali.
Gerson Katjirua, omunashipundi gwookundathana dhoOvaherero/Ovambanderu and Nama Council for the dialogue on the 1904-08 Genocide (ONCD 1904-08), okwa popi kutya otaya yambidhidha epangelo nonando omwaalu ngoka gwa tokola omushona.
Okwa popi kutya oyali taya tengeneke oshimaliwa andola shomwaalu gwootrillion 1.26 ihe okwa popi kutya kaye na elalakano lyokuninga oshimaliwa okuza kepangelo lyaGermany.
Okwa pula epangelo li kwashilipaleke kutya opoloyeka dhoka dha uvanekwa dhongushu yoshimaliwa shoka odha tulwa miilonga.
Freddy Nguvauva, ngoka a li omunambelewa gwepangelo moonkundathana dhoka mongundu ndjoka ya kwatelwa komeho kuDr Zed Ngavirue okwa popi kutya omayenyeto ngoka kageli pauyuuki sho epangelo lyaGermany lya uvaneke omwaalu ngoka gwoshimaliwa uule woomvula 30 dhili komeho.
Chief Tjinaani Maharero, oshilyo shelelo lyo ONCD 1904-08 okwa popi kutya Katjirua ita vulu okupopya kiikumungu yelelo molwaashoka keshi we omuleli shoka sha li she mu pa uuthemba wokukala omunashipundi gwookundathana dhoka.
Maharero okwa tindi woo omapopyo kutya otaya tsukumwe nepangelo ta popi kutya inaya tseyithilwa kombinga yomwaalu ngoka ngashiingeyi guli poobiliyona 18.9.
“Inaku ningwa omutumba gwelelo gu ninge etokolo kombinga yezimino lyomwaalu ngoka. Osha li aaleli oohandimwe mboka ya tokola yoyene,” Maharero a popi.
Classifieds