Geingob a pulwa iidhope moshikumungu shoGIPF
Omuleli gwongundu yoRDP okwa pula opo ku ningwe omakonaakono omolwa iimaliwa yoshiketha shoopenzela dhaaniilonga yepangelo mbyoka ya kana.
CATHERINE SASMAN
Omuleli gwongundu yoRally for Democracy and Progress (RDP) Mike Kavekotora okwa pula Omupresidende Hage Geingob uulike uuleli wo nokukutha miilonga Omupanguli-Ndjai Martha Imalwa, ngoka a popi kutya ita vulu okupangula omahangano ge li 18 yomomahangano 20 ngoka taga fekelelwa ekuthombinga mekano lyoomiliyona dhoGIPF.
“Kungame mpoka opo Omupresidende Geingob e na okuulika uuleli we. Okwa pumbwa okuninga omakonaakono gamwe a mone kutya omolwashike omupanguli-ndjai a ningi omapopyo geli ngaaka. Olye e li oshinima shoka monima?” Kavekotora a popi mEtitanp.
Kavekotora okwa popi kutya ota fekele aanapolotika naanenentu ya kwatakanithwa nepangelo oyo yeli konima yetokolo lyaImalwa opo ka pangule.
“Ngele omupresidende okwa hala oshigwana shi mu inekele nena okwa pumbwa okuholola uuleli nokutidha miilonga omupanguli-ndjai,” Kavekotora a popi.
Imalwa oshiwike sha piti okwa ningi etseyitho lyopashigwana kombinga yomaumbangi miimaliwa mbyoka ya kana.
Omukomeho gwopolisi Inspector-General Sebastian Ndeitunga okwa li a popi oomvula dha piti kutya omakonaakono mekano lyiimaliwa yoGIPF oge li pokumanithwa.
Kavekotora okwa popi kutya RDP otaka shangela omupresidende omukanda opo a katuke oonkatu moshinima shoka, nongele ina katuka oonkatu nena RDP otaka ninga oonkundathana noshigwaa opo shi ninge ehololomadhilaadho omolwa elelo lye.
Kavekotora kwa popi kutya omapopyo gaImalwa oga e ta omapulo ogendji pehala lyomayamukulo.
“Omolwashike ina pula oACC [Anti-Corruption Commission] yi konaakone nenge opolisi yi ye pekota lyoshinima shoka? Nenge okwa tulwa ponkatu mpoka a gamene aantu yamwe?”
Omuleli gwongundu yoRally for Democracy and Progress (RDP) Mike Kavekotora okwa pula Omupresidende Hage Geingob uulike uuleli wo nokukutha miilonga Omupanguli-Ndjai Martha Imalwa, ngoka a popi kutya ita vulu okupangula omahangano ge li 18 yomomahangano 20 ngoka taga fekelelwa ekuthombinga mekano lyoomiliyona dhoGIPF.
“Kungame mpoka opo Omupresidende Geingob e na okuulika uuleli we. Okwa pumbwa okuninga omakonaakono gamwe a mone kutya omolwashike omupanguli-ndjai a ningi omapopyo geli ngaaka. Olye e li oshinima shoka monima?” Kavekotora a popi mEtitanp.
Kavekotora okwa popi kutya ota fekele aanapolotika naanenentu ya kwatakanithwa nepangelo oyo yeli konima yetokolo lyaImalwa opo ka pangule.
“Ngele omupresidende okwa hala oshigwana shi mu inekele nena okwa pumbwa okuholola uuleli nokutidha miilonga omupanguli-ndjai,” Kavekotora a popi.
Imalwa oshiwike sha piti okwa ningi etseyitho lyopashigwana kombinga yomaumbangi miimaliwa mbyoka ya kana.
Omukomeho gwopolisi Inspector-General Sebastian Ndeitunga okwa li a popi oomvula dha piti kutya omakonaakono mekano lyiimaliwa yoGIPF oge li pokumanithwa.
Kavekotora okwa popi kutya RDP otaka shangela omupresidende omukanda opo a katuke oonkatu moshinima shoka, nongele ina katuka oonkatu nena RDP otaka ninga oonkundathana noshigwaa opo shi ninge ehololomadhilaadho omolwa elelo lye.
Kavekotora kwa popi kutya omapopyo gaImalwa oga e ta omapulo ogendji pehala lyomayamukulo.
“Omolwashike ina pula oACC [Anti-Corruption Commission] yi konaakone nenge opolisi yi ye pekota lyoshinima shoka? Nenge okwa tulwa ponkatu mpoka a gamene aantu yamwe?”
Comments
Namibian Sun
No comments have been left on this article