Fishcor a hupithwa koohi dhohorse mackerel
Ehangano lyoFishcor olya popile etokolo ndyoka lya li lya ningwa opo ehangano ndyoka li pitikwe li pewe ookota dhokukwata oohi dhohorse mackerel, kutya etokolo ndyoka olya pondola oshindji, sho lya yambidhidha ehangano ndyoka mokuyambulapo iiyemo.
Ø Fishcor a popile ookota dhoohi dhohorse mackerel dhoka a pewa
OGONE TLHAGE
Ehangano lya yama kepangelo lyoFishcor ndyoka konyala li pate omolwa ompumbwe yiiyemo, olya yumukapo nokukala tali ningi iiyemo yawo, sha landula sho egandjo lyookota dhokukwata oohi dhohorse mackerel lya etitha iiyemo mbyoka ya kala ya pumbiwa kehangano.
Oomvula omulongo ha piti, ehangano ndyoka konyala li pate, kohi yelelo lyokukomeho gwehangano ndyoka nale, Ronnie Coppin.
Monena ehangano ndyoka olya yambulapo omambo galyo giiyemo, na oli li pokumanitha etungo lyofakitoli yokulongela.
Ehangano ndyoka olya ningi elago ngaaka, sho kwa tulwa miilonga omulandu gwokugandja ookota dhokukwata oohi dhohorse mackerel.
Molopota yawo yopashimaliwa, ehangano ndyoka olya li unene tali tala koohi dhorock lobster oshowo oohi dhohake ihe olya yambulwa po osha landula sho lya pewa ookota dhokukwata oohi dhohorse mackerel, kOminista yOohi nOonzo dhomOmeya, Bernard Esau.
Moshikako shomvula yo 2015/16, Fishcor okwa lopota kutya oshitopolwa she oshinene shiiyemo osha zilila mekwato lyoohi ndhoka dhohorse mackerel ndhoka dha gandja oshimaliwa sha thika poomiliyona 80 kehangano oshowo oohake ndhoka dha gandja oshimaliwa sha thika poomiliyona 17.
Omalunduluko ngoka oga etitha ehangao li ninge iiyemo ya thika poomiliyona 40.6.
Momvula yo 2014, Ompangu yoPombanda oya li ya ningi etokolo kutya ookota dhootona dhi li 10 000 ndhoka dha pewa ehangano ndyoka lyoFishcor kuEsau, ka shi li mondjila.
Pethimbo ndyoka, omupanguli Shafimana Ueitele metokolo lye lyopampangu ndyoka a ningi okwa popi kutya egandjo lyookota ndhoka kali li mondjila, molwaashoka Fishcor ke na uuthemba wokukwata oohi dhohorse mackerel.
Ehangano ndyoka natango olya pewa uuthemba wokukwata oohi ndhoka dhongushu yoobiliyona 1.8, uule woomvula 15.
YA POPILE EGANDJO LYOOKOTA NDHOKA
Egandjo lyookota ndhoka kali shi okugandja uuwanawa andola kuFishcor ihe oku kwashilipalkea kutya oondjodhi nomalalakano gepangelo gokutota po oompito dhiilonga ngaashi tashi tothwa mo moNational Development Plans oga gwanithwa po.
Pakotampango, iilonga yehangano ndyoka okuninga omapekaapeko nenge oopoloyeka nokukwatela komeho iinyangadhalwa yomayambulepo goshikondo shoohi noonzo dhomomeya.
Pahapu dhomunambelewa omukuluntu gwehangano ndyoka, Mike Nghipunya, oshi li sha tseyika kutya oopoloyeka dhepangelo olundji ohadhi ndopa nokushuna monima omolwa ompumbwe yiikwaniipangitho, oshowo omayambidhidho.
Okwa tsikile kutya onga oshitopowa shoompangela dhawo dhoopoloyeka, oya pula egandjo lyookota ndhoka li kale lyuule woomvula 15 na otadhi vulu okulelepekwa natango noshikakothimbo shontumba, ngele sha ziminwa koonakukutha ombinga mopoloyeka ndjoka.
Omvula ya piti, Esau okwa li a popi kutya itiipe uusama nenge ombedhi sho a tokola okugandja ookota ndhoka kehangan ndyoka lyoFishcor, molwaashoka Fishcor oshiputudhilo shepangelo, na osha pumbwa okuyambidhidhwa momukalo kehe ngoka tagu vulika, opo oshiputudhilo shi yambukepo.
Ehangano lyoBidvest olya li lya tseyitha kuyele kutya otali ka landitha po oshikondo shawo shokukwata oohi, sha landula egandjo lyookota dhokukwata oohi ooshona, ndhoka aniwa dha pewa ehangano ndyoka kuuministeli.
Ehangano ndyoka olya li tali pangele okuyambulapo nokutunga ofakitoli yalyo yokulongela oohi dhawo dhohorse mackerel.
Omukomeho gwoshikondo shoka shokukwata oohi mehangano ndyoka okwa li a popi kutya oya longitha iimaliwa oyindji moompangela dhawo dhokutunga ofakitoli ndjoka, na otaya pangele andola ya ninge ehangano enenenene tali longo oohi dhohorse mackerel dhomoondooha muuzilo waAfrika, okuyeleka nomahangano gaChina.
Ehangano ndyoka Bidvest olya popi kutya oli na omukumo kutya otali ka mona omwaalu gwa gwana gwoohi ndhoka tadhi ka longelwa mofakitoli yawo, ndhoka tali ka mona okuza kaakwati yalwe yoohi oshowo okuza mookota dhawo ndhoka ya pewa, opo iilonga yomofakitoli yawo yi pule komeho ngaashi sha pangelwa.
OGONE TLHAGE
Ehangano lya yama kepangelo lyoFishcor ndyoka konyala li pate omolwa ompumbwe yiiyemo, olya yumukapo nokukala tali ningi iiyemo yawo, sha landula sho egandjo lyookota dhokukwata oohi dhohorse mackerel lya etitha iiyemo mbyoka ya kala ya pumbiwa kehangano.
Oomvula omulongo ha piti, ehangano ndyoka konyala li pate, kohi yelelo lyokukomeho gwehangano ndyoka nale, Ronnie Coppin.
Monena ehangano ndyoka olya yambulapo omambo galyo giiyemo, na oli li pokumanitha etungo lyofakitoli yokulongela.
Ehangano ndyoka olya ningi elago ngaaka, sho kwa tulwa miilonga omulandu gwokugandja ookota dhokukwata oohi dhohorse mackerel.
Molopota yawo yopashimaliwa, ehangano ndyoka olya li unene tali tala koohi dhorock lobster oshowo oohi dhohake ihe olya yambulwa po osha landula sho lya pewa ookota dhokukwata oohi dhohorse mackerel, kOminista yOohi nOonzo dhomOmeya, Bernard Esau.
Moshikako shomvula yo 2015/16, Fishcor okwa lopota kutya oshitopolwa she oshinene shiiyemo osha zilila mekwato lyoohi ndhoka dhohorse mackerel ndhoka dha gandja oshimaliwa sha thika poomiliyona 80 kehangano oshowo oohake ndhoka dha gandja oshimaliwa sha thika poomiliyona 17.
Omalunduluko ngoka oga etitha ehangao li ninge iiyemo ya thika poomiliyona 40.6.
Momvula yo 2014, Ompangu yoPombanda oya li ya ningi etokolo kutya ookota dhootona dhi li 10 000 ndhoka dha pewa ehangano ndyoka lyoFishcor kuEsau, ka shi li mondjila.
Pethimbo ndyoka, omupanguli Shafimana Ueitele metokolo lye lyopampangu ndyoka a ningi okwa popi kutya egandjo lyookota ndhoka kali li mondjila, molwaashoka Fishcor ke na uuthemba wokukwata oohi dhohorse mackerel.
Ehangano ndyoka natango olya pewa uuthemba wokukwata oohi ndhoka dhongushu yoobiliyona 1.8, uule woomvula 15.
YA POPILE EGANDJO LYOOKOTA NDHOKA
Egandjo lyookota ndhoka kali shi okugandja uuwanawa andola kuFishcor ihe oku kwashilipalkea kutya oondjodhi nomalalakano gepangelo gokutota po oompito dhiilonga ngaashi tashi tothwa mo moNational Development Plans oga gwanithwa po.
Pakotampango, iilonga yehangano ndyoka okuninga omapekaapeko nenge oopoloyeka nokukwatela komeho iinyangadhalwa yomayambulepo goshikondo shoohi noonzo dhomomeya.
Pahapu dhomunambelewa omukuluntu gwehangano ndyoka, Mike Nghipunya, oshi li sha tseyika kutya oopoloyeka dhepangelo olundji ohadhi ndopa nokushuna monima omolwa ompumbwe yiikwaniipangitho, oshowo omayambidhidho.
Okwa tsikile kutya onga oshitopowa shoompangela dhawo dhoopoloyeka, oya pula egandjo lyookota ndhoka li kale lyuule woomvula 15 na otadhi vulu okulelepekwa natango noshikakothimbo shontumba, ngele sha ziminwa koonakukutha ombinga mopoloyeka ndjoka.
Omvula ya piti, Esau okwa li a popi kutya itiipe uusama nenge ombedhi sho a tokola okugandja ookota ndhoka kehangan ndyoka lyoFishcor, molwaashoka Fishcor oshiputudhilo shepangelo, na osha pumbwa okuyambidhidhwa momukalo kehe ngoka tagu vulika, opo oshiputudhilo shi yambukepo.
Ehangano lyoBidvest olya li lya tseyitha kuyele kutya otali ka landitha po oshikondo shawo shokukwata oohi, sha landula egandjo lyookota dhokukwata oohi ooshona, ndhoka aniwa dha pewa ehangano ndyoka kuuministeli.
Ehangano ndyoka olya li tali pangele okuyambulapo nokutunga ofakitoli yalyo yokulongela oohi dhawo dhohorse mackerel.
Omukomeho gwoshikondo shoka shokukwata oohi mehangano ndyoka okwa li a popi kutya oya longitha iimaliwa oyindji moompangela dhawo dhokutunga ofakitoli ndjoka, na otaya pangele andola ya ninge ehangano enenenene tali longo oohi dhohorse mackerel dhomoondooha muuzilo waAfrika, okuyeleka nomahangano gaChina.
Ehangano ndyoka Bidvest olya popi kutya oli na omukumo kutya otali ka mona omwaalu gwa gwana gwoohi ndhoka tadhi ka longelwa mofakitoli yawo, ndhoka tali ka mona okuza kaakwati yalwe yoohi oshowo okuza mookota dhawo ndhoka ya pewa, opo iilonga yomofakitoli yawo yi pule komeho ngaashi sha pangelwa.
Comments
Namibian Sun
No comments have been left on this article