Elongo lyopombanda lya gumwa ketetulo lyiimaliwa
Uuministeli wElongo lyoPombanda owa tseyithwa kutya otaku ka shunithwa pevi omwaalu gwiimaliwa mbyoka tayi longithwa mOshikondo shElongo lyOpombanda okuya poobiliyona 1.5.
Eshunitho pevi lyelongitho lyiimaliwa lya thika popresenda 40 mOshikondo shElongo lyopombanda okwa tegelelwa li ka tulwe miilonga muuministeli mboka.
Ominista yoshikondo shoka, Itah Kandjii-Murangi oya holola kutya uuministeli owali wa pewa iimaliwa ya thika poobiliyona 3.41 pethimbo kwa tseyithwa omutengenekwathaneko gwelongitho iimaliwa yepangelo muFebruali gwomvula ya piti.
Sho kwa talululwa omutengenekwathaneko ngoka muKotomba gwomvula ya piti, oomiliyona 92 odha kalekwa opo ka dhi longithwe we miilonga yakehe esiku yoshikondo shoka.
Kandjii-Murangi okwa popi kutya etetulo lyelongitho lyiimaliwa oli li oompangela dhepangelo dha nuninwa okushunitha pevi omwaalu gwiimaliwa mbyoka tayi longithwa kepangelo, na okwa popi kutya oshikondo shawo kashi na ehogololo lya sha ihe okulandula nokutula miilonga oompangela dhepangelo.
Okwa popi kutya etetulo ndyoka otali ka guma iiputudhilo ayihe ihe okwa holola kutya uuministeli kawu wete onkalo ndjoka tayi ka dhigupaleka iilonga yawo, ngaashi okuya moshipala ooprogramma dhoshikondo.
Minista okwa kumike aailongi mboka taya mono omakwatho goshimaliwa shokwiilongitha okuza koshiketha shoNamibia Students Financial Assistance Fund (NSFAF), kutya omailongo gawo otaga tsikile nokufutwa nonando epangelo olya taalela uupyakadhi wopaiyemo.
Omathimbo omadhigu
Etseyitho lyaKandjii-Murangi olya landula owala esiku limwe sho oshiputudhilo shoUniversity of Namibia sha tseyitha ekaleko meendelelo lyoompito dhiilonga oompe naadhoka dha li dha tseyithwa nale.
Momukanda ngoka gwa pitithwa, vice-chancellor Lazarus Hangula okwa hololwa kutya onkalo ndjoka otayi thiminikwa kuupyakadhi wiimaliwa.
Omukanda ngoka ogwa tseyitha woo ekaleko lyekuto miilonga aaniilonga yopakathimbo, naaniilonga oya pulwa opo ya kwathele miilonga yagwedhwa po opo oshiputudhilo shi vule okutsikila komeho niilonga yasho.
Natango oshiputudhilo osha pititha omukanda ngoka gwa tseyithile aaniilonga kutya itashi vulu okugwanitha po euvaneko ndyoka lya ningwa muDesemba gwomvula ya piti, opo oondjambi dhaaniilonga dhi gwedhelwe muFebruali. Okwa hololwa kutya omagwedhelo go-2017 otaga ka ningwa owala ngele onkalo ya hwepopala.
Ominista yElongo lyoPombanda oya longitha ompito ndjoka okupopya kombinga yoompangela dhoshikondo shoka dho 2017, moka mwa kwatelwa etungo lyiiputudhilo iyali yopaungomba
oshowo etulo miilonga lyoCentre of Excellence in Technical Vocational Education.
Uuministeli otawu ka manitha woo omusindalandu gwelongo lyopombanda oshowo omaidheulilo miilonga.
Kandjii-Murangi okwa popi kutya kwiikolelewa kiizemo yomakonaakono gomvula ya piti, uuministeli owa tegelela e yo pombanda lyomwaalu gwaailongi miiputudhilo yopombanda nuumvo, na okwa holola kutya shoka itashi ka gumwa ketokolo lyokutetula elongitho lyiimaliwa.
JANA-MARI SMITH
Ominista yoshikondo shoka, Itah Kandjii-Murangi oya holola kutya uuministeli owali wa pewa iimaliwa ya thika poobiliyona 3.41 pethimbo kwa tseyithwa omutengenekwathaneko gwelongitho iimaliwa yepangelo muFebruali gwomvula ya piti.
Sho kwa talululwa omutengenekwathaneko ngoka muKotomba gwomvula ya piti, oomiliyona 92 odha kalekwa opo ka dhi longithwe we miilonga yakehe esiku yoshikondo shoka.
Kandjii-Murangi okwa popi kutya etetulo lyelongitho lyiimaliwa oli li oompangela dhepangelo dha nuninwa okushunitha pevi omwaalu gwiimaliwa mbyoka tayi longithwa kepangelo, na okwa popi kutya oshikondo shawo kashi na ehogololo lya sha ihe okulandula nokutula miilonga oompangela dhepangelo.
Okwa popi kutya etetulo ndyoka otali ka guma iiputudhilo ayihe ihe okwa holola kutya uuministeli kawu wete onkalo ndjoka tayi ka dhigupaleka iilonga yawo, ngaashi okuya moshipala ooprogramma dhoshikondo.
Minista okwa kumike aailongi mboka taya mono omakwatho goshimaliwa shokwiilongitha okuza koshiketha shoNamibia Students Financial Assistance Fund (NSFAF), kutya omailongo gawo otaga tsikile nokufutwa nonando epangelo olya taalela uupyakadhi wopaiyemo.
Omathimbo omadhigu
Etseyitho lyaKandjii-Murangi olya landula owala esiku limwe sho oshiputudhilo shoUniversity of Namibia sha tseyitha ekaleko meendelelo lyoompito dhiilonga oompe naadhoka dha li dha tseyithwa nale.
Momukanda ngoka gwa pitithwa, vice-chancellor Lazarus Hangula okwa hololwa kutya onkalo ndjoka otayi thiminikwa kuupyakadhi wiimaliwa.
Omukanda ngoka ogwa tseyitha woo ekaleko lyekuto miilonga aaniilonga yopakathimbo, naaniilonga oya pulwa opo ya kwathele miilonga yagwedhwa po opo oshiputudhilo shi vule okutsikila komeho niilonga yasho.
Natango oshiputudhilo osha pititha omukanda ngoka gwa tseyithile aaniilonga kutya itashi vulu okugwanitha po euvaneko ndyoka lya ningwa muDesemba gwomvula ya piti, opo oondjambi dhaaniilonga dhi gwedhelwe muFebruali. Okwa hololwa kutya omagwedhelo go-2017 otaga ka ningwa owala ngele onkalo ya hwepopala.
Ominista yElongo lyoPombanda oya longitha ompito ndjoka okupopya kombinga yoompangela dhoshikondo shoka dho 2017, moka mwa kwatelwa etungo lyiiputudhilo iyali yopaungomba
oshowo etulo miilonga lyoCentre of Excellence in Technical Vocational Education.
Uuministeli otawu ka manitha woo omusindalandu gwelongo lyopombanda oshowo omaidheulilo miilonga.
Kandjii-Murangi okwa popi kutya kwiikolelewa kiizemo yomakonaakono gomvula ya piti, uuministeli owa tegelela e yo pombanda lyomwaalu gwaailongi miiputudhilo yopombanda nuumvo, na okwa holola kutya shoka itashi ka gumwa ketokolo lyokutetula elongitho lyiimaliwa.
JANA-MARI SMITH
Comments
Namibian Sun
No comments have been left on this article