Elelo lyUukwanyama lya gandja oonzapo kooyene yomikunda
Elelo lyopamuthigululwakalo lyoshitunda shUukwanyama olya gandja oonzapo kooyene yomikunda ye li 14, mboka ya kala taya longo yaahena oonzapo dheuliko lyawo oga ooyene yomikunda.
Elelo ndyoka olya ulike woo omukalelipo nale gwaNamibia koBotswana, Hadino Hishongwa onga elenga enene lyoshikandjo shaMhedi.
Elelo lyUukwanyama olya thikam apo miikandjo 11 mbyoka tayi lelwa komalenga moka mwa topolwa iitayi yomikunda mbyoka tayi lelwa kooyene yomikunda. Ooyene yomikunda ohaya ulikwa komalenga mekwatathano lyaakalelipo yomikunda oshowo aanamikunda.
Ooyene yomikunda mboka ya pewa oonzapo oya li ya ulikwa oomvula dha piti, ihe inaya kala ya pewa oombaapila dhopaveta kutya oyeli ooyene yomikunda.
Poshituthi shoka sha ningwa momasiku 17 Sepetemba, omukwaniilwa gwelelo lyUukwanyama, Martha Mwadinomho waKristian yaNelumbu okwa gandja oonzapo dhoka omanga elenga lyoshikandjo shaHaingu, Nghidinihamba Ndilula a ganithile miilonga ooyene yomikunda mboka. Ndilula okwa pula ooyene yomikunda mboka ya tsikile nokuyakula oshigwana ihe naye shi ninge nonge yopauntu.
“Monena otamu ganithilwa miilonga nokushaina kutya otamu ka longa ngiini iilonga yeni.
Okuza konena ngele ope na ngoka a li itiihumbata nawa megwanithepo lyiilonga ye iikwatelela komilandu dhelelo lyUukwanyama, nena ngele oto yi omilandu pondje omilandu, eshaino ndika otali vulu okukupangulitha,” Ndilula. Elenga epe ndyoka lya ulikwa moshikandjo shaMhedi, Hishongwa, okwa popi kutya elelo lyopamuthigululwakalo kali shi ondjila yokwiiyambapaleka, ihe olya nuninwa okukwathela aakwashigwana nokukandula po omaupyakadhi gawo.
Hishongwa okwa langekwa mOmhedi, sha landula eso lyelenga lyomoshikandjo shoka, Johannes Moshana, ngoka a hulitha oomwedhi dha piti.
Mboka ya pewa oonzapo dhawo ongaashi mwene gwomukunda Ongudi, Kangandjela Olavi, Gideon Hamukwaya, Oilagati, Ndjeimo Popyeinawa, Engela, Kautwima Meryam Nangheda, Ongha A, David Amon, Onawa-Epalala, Ruben Jona, Ombulu, Ndaitwa Wilhelm, Onaholongo, Mbubi Oiva, Onanime, Weyulu Nathanael, Oipapakane, Hashiti Shikudule, Omainda, Shipena Ndevahakwa, Epalala, Nghishoongele Toivo, Oshiweda, Kamanya Paulus Onghudi oshowo Ndandi Hafeni Ondobe yelao.
ILENI NANDJATO
Elelo lyUukwanyama olya thikam apo miikandjo 11 mbyoka tayi lelwa komalenga moka mwa topolwa iitayi yomikunda mbyoka tayi lelwa kooyene yomikunda. Ooyene yomikunda ohaya ulikwa komalenga mekwatathano lyaakalelipo yomikunda oshowo aanamikunda.
Ooyene yomikunda mboka ya pewa oonzapo oya li ya ulikwa oomvula dha piti, ihe inaya kala ya pewa oombaapila dhopaveta kutya oyeli ooyene yomikunda.
Poshituthi shoka sha ningwa momasiku 17 Sepetemba, omukwaniilwa gwelelo lyUukwanyama, Martha Mwadinomho waKristian yaNelumbu okwa gandja oonzapo dhoka omanga elenga lyoshikandjo shaHaingu, Nghidinihamba Ndilula a ganithile miilonga ooyene yomikunda mboka. Ndilula okwa pula ooyene yomikunda mboka ya tsikile nokuyakula oshigwana ihe naye shi ninge nonge yopauntu.
“Monena otamu ganithilwa miilonga nokushaina kutya otamu ka longa ngiini iilonga yeni.
Okuza konena ngele ope na ngoka a li itiihumbata nawa megwanithepo lyiilonga ye iikwatelela komilandu dhelelo lyUukwanyama, nena ngele oto yi omilandu pondje omilandu, eshaino ndika otali vulu okukupangulitha,” Ndilula. Elenga epe ndyoka lya ulikwa moshikandjo shaMhedi, Hishongwa, okwa popi kutya elelo lyopamuthigululwakalo kali shi ondjila yokwiiyambapaleka, ihe olya nuninwa okukwathela aakwashigwana nokukandula po omaupyakadhi gawo.
Hishongwa okwa langekwa mOmhedi, sha landula eso lyelenga lyomoshikandjo shoka, Johannes Moshana, ngoka a hulitha oomwedhi dha piti.
Mboka ya pewa oonzapo dhawo ongaashi mwene gwomukunda Ongudi, Kangandjela Olavi, Gideon Hamukwaya, Oilagati, Ndjeimo Popyeinawa, Engela, Kautwima Meryam Nangheda, Ongha A, David Amon, Onawa-Epalala, Ruben Jona, Ombulu, Ndaitwa Wilhelm, Onaholongo, Mbubi Oiva, Onanime, Weyulu Nathanael, Oipapakane, Hashiti Shikudule, Omainda, Shipena Ndevahakwa, Epalala, Nghishoongele Toivo, Oshiweda, Kamanya Paulus Onghudi oshowo Ndandi Hafeni Ondobe yelao.
ILENI NANDJATO
Comments
Namibian Sun
No comments have been left on this article