Elelo lyomuhanga lyaVenduka tali nanathana
Okwa holoka omananathano melelo lyomuhanga lyaVenduka, moka mu na ongundu yimwe itayi popile ekuto miilonga lyomunambelewa omukuluntuwiliki oshowo ngoka ta kwathele popoosa ndjoka ngashiingeyi.
JEMIMA BEUKES NAOGONE TLHAGE
OVENDUKA
Elelo lyomuhanga melelo lyoshilando shaVenduka itali tsu kumwe koshikumungu shekuto lyOmunambelelwa Omukuluntuwiliki gwelelo ndyoka, sho ongundu yi na omwaalu omunene gwaakalelipo melelo yoIndependent Patriots for Change (IPC), tayi pula omulandu gwekuto miilonga gwopoosa ndjoka gu tamukululwe.
IPC natango okwa hala ngoka ta longo pehala lyomunambelewa omukuluntu, George Mayumbelo a kuthwepo popoosa ndjoka.
Namibian Sun okuuvite kutya elelo ndyoka lyomuhanga olya ningi omutumba omunene mOmaandaha moka oongundu dhilwe ngaashi oAffirmative Repositioning (AR), Popular Democratic Movement (PDM) oshowo Nudo dha gandja uusama koIPC omolwa ekutho miilonga lyookansela dhawo inaya ya moonkundathana nayakwawo.
Okuuvitikiwe woo kutya oonkambadhala dhaIPC okukutha miilonga Muyambelo odha yiwa moshipla.
Amushanga gwoNudo, Jossy Kauandenge, ngoka e li omukomeho gwokomitiye yelelo lyomuhanga, okwa kolele omutumba ngoka gwa ningwa mOmaandaha.
“Onda ithana omutumba ngoka opo tu kundathane, iikundathana ngaashi omatompelo shoIPC a shuna miilonga ookansela mboka ya li ya kuthwamo. Omutumba ogwa kaliwa kaaleli yoongundu oshowo ookansela ayehe melelo lyomuhanga,” Kauandenge a tseyithile oshikundaneki shika.
Pahapu dhaKauandenge, ookansela yoIPC inaya nyanyukilwa omulandu gwekuto miilonga lyomunambelelwa omukuluntu oshowo Mayambelo ngoka ta longo popoosa ndjoka ngashiingeyi.
Ookansela yamwe oya holola okwaahalongela kumwe nokwaahena esimaneko melelo ndyoka.
Onzo yimwe oya popi kutya pethimbo lyomutumba ngoka okwa tsuwa kumwe opo omilandu dhelelo dhi landulwe mokukandulapo omaupyakadhi omanga ongundu inayi tokola okukutha miilonga ookansela.
Nonando omu na omifofodholo kutya ope na oompangela dhokutula melelo ndyoka ongundu yoLandless People’s Movement (LPM) nokupingenapo oAR, oshikumungu shoka inashi kundathanwa.
Onzo yimwe natango oya holola kutya ope na omananathano pokati koIPC noAR ngoka taga yi moshipala iilonga.
Omupopiliko gwoAR, Simon Amunime okwa popi kutya nonando okwa ningwa omutumba mOmaandaha pokati kelelo lyoshilando shoka, inaku popiwa etulo lyoLPM melelo ndyoka.
Okwa tsikile kutya etulo melelo ndyoka lyongundu nenge ekuthemo lyongundu otali kundathanwa kelelo alihe ihe kashi shi owala koongundu mbali nenge ndatu.
Omupopiliko gwoLPM, Eneas Emvula okwa popi kutya ke na ontseyo kombinga yoonkundathana dhetulo lyoLPM melelo lyomuhanga ndyoka. Omapulo ga tuminwa omukomeho gwoIPC, Dr Panduleni Itula inaga yamukulwa.
OVENDUKA
Elelo lyomuhanga melelo lyoshilando shaVenduka itali tsu kumwe koshikumungu shekuto lyOmunambelelwa Omukuluntuwiliki gwelelo ndyoka, sho ongundu yi na omwaalu omunene gwaakalelipo melelo yoIndependent Patriots for Change (IPC), tayi pula omulandu gwekuto miilonga gwopoosa ndjoka gu tamukululwe.
IPC natango okwa hala ngoka ta longo pehala lyomunambelewa omukuluntu, George Mayumbelo a kuthwepo popoosa ndjoka.
Namibian Sun okuuvite kutya elelo ndyoka lyomuhanga olya ningi omutumba omunene mOmaandaha moka oongundu dhilwe ngaashi oAffirmative Repositioning (AR), Popular Democratic Movement (PDM) oshowo Nudo dha gandja uusama koIPC omolwa ekutho miilonga lyookansela dhawo inaya ya moonkundathana nayakwawo.
Okuuvitikiwe woo kutya oonkambadhala dhaIPC okukutha miilonga Muyambelo odha yiwa moshipla.
Amushanga gwoNudo, Jossy Kauandenge, ngoka e li omukomeho gwokomitiye yelelo lyomuhanga, okwa kolele omutumba ngoka gwa ningwa mOmaandaha.
“Onda ithana omutumba ngoka opo tu kundathane, iikundathana ngaashi omatompelo shoIPC a shuna miilonga ookansela mboka ya li ya kuthwamo. Omutumba ogwa kaliwa kaaleli yoongundu oshowo ookansela ayehe melelo lyomuhanga,” Kauandenge a tseyithile oshikundaneki shika.
Pahapu dhaKauandenge, ookansela yoIPC inaya nyanyukilwa omulandu gwekuto miilonga lyomunambelelwa omukuluntu oshowo Mayambelo ngoka ta longo popoosa ndjoka ngashiingeyi.
Ookansela yamwe oya holola okwaahalongela kumwe nokwaahena esimaneko melelo ndyoka.
Onzo yimwe oya popi kutya pethimbo lyomutumba ngoka okwa tsuwa kumwe opo omilandu dhelelo dhi landulwe mokukandulapo omaupyakadhi omanga ongundu inayi tokola okukutha miilonga ookansela.
Nonando omu na omifofodholo kutya ope na oompangela dhokutula melelo ndyoka ongundu yoLandless People’s Movement (LPM) nokupingenapo oAR, oshikumungu shoka inashi kundathanwa.
Onzo yimwe natango oya holola kutya ope na omananathano pokati koIPC noAR ngoka taga yi moshipala iilonga.
Omupopiliko gwoAR, Simon Amunime okwa popi kutya nonando okwa ningwa omutumba mOmaandaha pokati kelelo lyoshilando shoka, inaku popiwa etulo lyoLPM melelo ndyoka.
Okwa tsikile kutya etulo melelo ndyoka lyongundu nenge ekuthemo lyongundu otali kundathanwa kelelo alihe ihe kashi shi owala koongundu mbali nenge ndatu.
Omupopiliko gwoLPM, Eneas Emvula okwa popi kutya ke na ontseyo kombinga yoonkundathana dhetulo lyoLPM melelo lyomuhanga ndyoka. Omapulo ga tuminwa omukomeho gwoIPC, Dr Panduleni Itula inaga yamukulwa.
Comments
Namibian Sun
No comments have been left on this article