Elcin a shanina etsokumwe nelelo lyaNiipa
Elelo lyondoolopa yaNiipa, okupitila mehangano lyawo lyoLA Oniipa Investments (Pty) Ltd, olye shi pondola okumona uuthemba wokukwatela komeho oongulumpungulilo mbali okuza kongongangerki yoEvangelical Lutheran Church in Namibia (Elcin). Oompungulilo ndhoka odha tumbulwa kutya, Nakambale Museum oshowo Onandjokwe Hospital Medical Museum.
Oshiwike sha piti, ongerki ndjoka oshowo elelo lyondoolopa yaNiipa oya shaina etsokumwe lyuule woomvula 20, opo elelo lyondoolopa li kutheko ekondololo lyoompungulilo ndhoka, nokuyambulapo oongulumpungulilo ndhoka dhondjokonona, dhi vule okuninga omahala taga nana aatalelipo.
Sho a li ta popi poshituthi sheshaino lyetsokumwe ndyoka, shoka sha ningilwa mOlukonda Ominista yOmidhingoloko nOmatalelepo, Pohamba Shifeta oya pandula oombinga ndhoka mbali metsokumwe ndyoka, lya ningwa.
Okwa popi kutya omatsokumwe ngoka otaga gandja oshinakugwanithwa kelelo lyaNiipa opo li yambulepo oongulumpungulilo ndhoka ihe okwa nkukilile kutya elelo inali longitha oondjila oofupi mokuyambulapo oompungulilo ndhoka dhondjokonona.
“Ongulumpungulilo yondjokonona yaNakambale oyimwe ya simana noonkondo mondjokonona yoshilongo shika, na otayi gandja omayamukulo komapulo ogendji gondjokonona. Ompungululo ndjoka oyi li oshitopolwa shuuthiga noonkuluhedhi dhomatalelelpo. Onda nothelwako kutya onkalo moka mu na ompungulilo ndjoka itayi pitika yi longithwe ngaashi ya nuninwa omolwa ompumbwe yondondo yokunana aataleli momudhingoloko ngoka, oshowo ompumbwe yuunongo ngele tashi ya komahwahwameko geyambulepo lyomahala goludhi ngoka,” Shifeta a popi.
Okwa indile elelo lyondoolpa opo li ninge oompangela dhomuule uuna tali longulula omahala ngoka, lyo tali kala lya nongela kutya omahala ngoka ogeli uuthiga woshigwana onkene onkatu ya go oya simana noonkondo koshigwana.
Olukonda olwa simana sho lwa kala egumbo kaatumwa yaaSoomi.
Pahapu dhOmumbisofi gwaElcin, Shekutamba Nambala, aatumwa yaSoomi oya thiki mOndonga momvula yo 1879 na oya kala mOmandongo pethimbo lyelelo lyomukwaniilwa Shikongo Shakalulu.
Momvula yo 1871 oya totopo endiki lyawo mOlukonda nomo 1880 omutumwa Martti Rautanen okwa ulikwa a ninge omukomeho gwendiki ndyoka.
Kohi yelelo lyaRautanen, ngoka a kala nokwiithanwa Nakambale kaantu yomomudhingoloko, Olukonda olwa ningi ehala lyaatumwa lyotango moNamibia, nopoosa yotango oya totwa po mo 1911, omanga Nakambale ina hulitha koMalaria momvula 1926, Nakambale okwa fatulula woo Ombimbeli mElaka lyOshindonga.
Nambala okwa tsikile kutya mo 1991, Elcin okwa ningi endiki lyongeleka ndjoka oshowo omayendo, ongulumpungulilo yondjokonona.
Momvula yo 2015 ehangano lyoMuseums Association of Namibia melongelo kumwe nomukalelipo gwaFinland moNamibia oya ningi omauliko gotango gondjokonona yaatumwa yaSoomi moNamibia, mOlukonda.
Omunambelewa Omukuluntu gwelelo lyondoolopa yaNiipa, Junias Jakob, okwa popi nokukoleka kutya otaya ka yambulapo ongulumpungulilo yondjokonona ndjoka, nokuyi tula pondondo.
ILENI NANDJATO
Oshiwike sha piti, ongerki ndjoka oshowo elelo lyondoolopa yaNiipa oya shaina etsokumwe lyuule woomvula 20, opo elelo lyondoolopa li kutheko ekondololo lyoompungulilo ndhoka, nokuyambulapo oongulumpungulilo ndhoka dhondjokonona, dhi vule okuninga omahala taga nana aatalelipo.
Sho a li ta popi poshituthi sheshaino lyetsokumwe ndyoka, shoka sha ningilwa mOlukonda Ominista yOmidhingoloko nOmatalelepo, Pohamba Shifeta oya pandula oombinga ndhoka mbali metsokumwe ndyoka, lya ningwa.
Okwa popi kutya omatsokumwe ngoka otaga gandja oshinakugwanithwa kelelo lyaNiipa opo li yambulepo oongulumpungulilo ndhoka ihe okwa nkukilile kutya elelo inali longitha oondjila oofupi mokuyambulapo oompungulilo ndhoka dhondjokonona.
“Ongulumpungulilo yondjokonona yaNakambale oyimwe ya simana noonkondo mondjokonona yoshilongo shika, na otayi gandja omayamukulo komapulo ogendji gondjokonona. Ompungululo ndjoka oyi li oshitopolwa shuuthiga noonkuluhedhi dhomatalelelpo. Onda nothelwako kutya onkalo moka mu na ompungulilo ndjoka itayi pitika yi longithwe ngaashi ya nuninwa omolwa ompumbwe yondondo yokunana aataleli momudhingoloko ngoka, oshowo ompumbwe yuunongo ngele tashi ya komahwahwameko geyambulepo lyomahala goludhi ngoka,” Shifeta a popi.
Okwa indile elelo lyondoolpa opo li ninge oompangela dhomuule uuna tali longulula omahala ngoka, lyo tali kala lya nongela kutya omahala ngoka ogeli uuthiga woshigwana onkene onkatu ya go oya simana noonkondo koshigwana.
Olukonda olwa simana sho lwa kala egumbo kaatumwa yaaSoomi.
Pahapu dhOmumbisofi gwaElcin, Shekutamba Nambala, aatumwa yaSoomi oya thiki mOndonga momvula yo 1879 na oya kala mOmandongo pethimbo lyelelo lyomukwaniilwa Shikongo Shakalulu.
Momvula yo 1871 oya totopo endiki lyawo mOlukonda nomo 1880 omutumwa Martti Rautanen okwa ulikwa a ninge omukomeho gwendiki ndyoka.
Kohi yelelo lyaRautanen, ngoka a kala nokwiithanwa Nakambale kaantu yomomudhingoloko, Olukonda olwa ningi ehala lyaatumwa lyotango moNamibia, nopoosa yotango oya totwa po mo 1911, omanga Nakambale ina hulitha koMalaria momvula 1926, Nakambale okwa fatulula woo Ombimbeli mElaka lyOshindonga.
Nambala okwa tsikile kutya mo 1991, Elcin okwa ningi endiki lyongeleka ndjoka oshowo omayendo, ongulumpungulilo yondjokonona.
Momvula yo 2015 ehangano lyoMuseums Association of Namibia melongelo kumwe nomukalelipo gwaFinland moNamibia oya ningi omauliko gotango gondjokonona yaatumwa yaSoomi moNamibia, mOlukonda.
Omunambelewa Omukuluntu gwelelo lyondoolopa yaNiipa, Junias Jakob, okwa popi nokukoleka kutya otaya ka yambulapo ongulumpungulilo yondjokonona ndjoka, nokuyi tula pondondo.
ILENI NANDJATO
Comments
Namibian Sun
No comments have been left on this article