Eihumbato lyonawa mokati kaalongi naanaskola olyo dhingi
Oshiholekwa shoka sha etitha opo oskola yedhina Onampira Combined School yi kale momusholondondo gwooskola ndhoka dhe shi enditha nawa mekonaakono lyondondo onti 12 lyoNational Senior Secondary Certificate (NSSC) Ordinary level omaihumbato gonawa mokati kaalongi naanaskola.
Omukuluntuskola poskola ndjoka, Gebhard Amunyela okwa popi kutya oku li iitula mo noonkondo ngele tashi ya komaihumbato gonawa mokati kaalongi poskola ndjoka oshowo aanaskola.
Amunyela okwa popi kutya ke na ohenda ngele tashi ya kokuuthiminikila eihumbato lyonawa mokati kaalongi poskola ihe kashi shi oshinima oshipu molwaashoka aalongi nayo ohaye mu ponokele ishewe ihe ye iha yamukula komaponokelo ngoka molwaashoka ohe shi ningi iikolelela komusindalandu noompango dhelongo.
Sho oskola ndjoka ya kala aluhe konima muule woomvula dha piti, shoka tashi halutha osho ya yi ponomola onti 16 moshilongo, mooskola ndhoka dhe shi enditha nawa nomoshitopolwa oya yi ponomola onti 3.
Onampira Combined School kayi na omuhandjo na oyi na oondondo okuza poshikunino sigo ondondo onti 12.
Pahapu dhaAmunyela shoka inashi ya a dha onga ehaluko molwaashoka muule woomvula ndatu dha piti, oya kala taya longitha omulandu omupe ngoka gwa nuninwa okulundulula iizemo poskola ndjoka noku yi ninga yimwe yomooskoladhingi moshilongo.
Omukuluntuskola ngoka okwa popi kutya uuna ta ungaunga naalongi iha longitha omukalo gwa faathana naangoka ha longitha maanaskola, na ohe ya ithana nokuya lombwela kutya shoka taya ningi kashi li mondjila na oha kutha embo lyomishangwa dhomilandu dhuuministeli nokuyelitha shoka sha tegelelwa okuza kuyo ayehe, e ta ya tsu kumwe.
Amunyea okwa popi kutya sho a ningi omukuluntuskola poskola ndjoka oomvula ndatu dha piti, oya tula miilonga omulandu ngoka gwa nuninwa okuninga omalunduluko miizemo yomakonaakono moskola ndjoka.
Ooskola odhindji dhokomikunda odha taalela omaupyakadhi ogendji na otashi yi moshipala opo ooskola ndhoka dhi vule okukala tadhi likola iizemo iiwanawa ngele tashi ya komakonaakono gopashigwana.
Amunyela okwa popi kutya ooskola odhindji ndhoka tadhi mono iizemo yi li pevi unene omolwa onkalo kutya ohadhi tala owala kombinga yekandulepo lyomikundu ndhoka dha taalela oskola, dho tadhi dhimbwa kutya nonando odhi na omikundu ndhoka dha taalela, odha tegelelwa woo natango dhi gandje iizemo iiwanawa momakonaakono.
Okwa gandja omayele kaakuluntuskola yakwawo opo ya kale unene ya tala komaihumbato gonawa mokati kaalongi, shi vulithe okukala taya kondolola kutya oofoloma dhoompangela dhootundiodhudhithwa.
Amunyela okwa popi kutya sho Ominista yElongo Katrina Hanse-Himarwa ya tseyitha mEtine lya piti kutya Onampira oyi li momusholondondo gwooskola dhingi omi 20 moshilongo, aantu oyendji oya tameke ta ye mu dhengele oongodhi taya pula kutya okwa longitha oompangea dhi li ngiini opo oskola yawo yi shi pondole ngaaka.
Okwa popi kutya kape na omilandu dha yooloka dhowina dhoka hadhi longithwa kooskola dhoka tadhi shi enditha nawa, molwaashoka uuministeli owu na nale omilandu nomalandulathano ngoka ge na okulandulwa kooskola moshilongo.
Sho ye haningi okukwashilipaleka owala kutya omilandu dhuuministeli otadhi landulwa tuu kaalongi. Aalongi oya pumbwa okwiilongekidhila ootundi dhawo, oya pumbwa okukala haya yi pethimbo kootundi dhawo nokugandja iilonga ya gwana kaanaskola momailongo gawo.
ILENI NANDJATO
Amunyela okwa popi kutya ke na ohenda ngele tashi ya kokuuthiminikila eihumbato lyonawa mokati kaalongi poskola ihe kashi shi oshinima oshipu molwaashoka aalongi nayo ohaye mu ponokele ishewe ihe ye iha yamukula komaponokelo ngoka molwaashoka ohe shi ningi iikolelela komusindalandu noompango dhelongo.
Sho oskola ndjoka ya kala aluhe konima muule woomvula dha piti, shoka tashi halutha osho ya yi ponomola onti 16 moshilongo, mooskola ndhoka dhe shi enditha nawa nomoshitopolwa oya yi ponomola onti 3.
Onampira Combined School kayi na omuhandjo na oyi na oondondo okuza poshikunino sigo ondondo onti 12.
Pahapu dhaAmunyela shoka inashi ya a dha onga ehaluko molwaashoka muule woomvula ndatu dha piti, oya kala taya longitha omulandu omupe ngoka gwa nuninwa okulundulula iizemo poskola ndjoka noku yi ninga yimwe yomooskoladhingi moshilongo.
Omukuluntuskola ngoka okwa popi kutya uuna ta ungaunga naalongi iha longitha omukalo gwa faathana naangoka ha longitha maanaskola, na ohe ya ithana nokuya lombwela kutya shoka taya ningi kashi li mondjila na oha kutha embo lyomishangwa dhomilandu dhuuministeli nokuyelitha shoka sha tegelelwa okuza kuyo ayehe, e ta ya tsu kumwe.
Amunyea okwa popi kutya sho a ningi omukuluntuskola poskola ndjoka oomvula ndatu dha piti, oya tula miilonga omulandu ngoka gwa nuninwa okuninga omalunduluko miizemo yomakonaakono moskola ndjoka.
Ooskola odhindji dhokomikunda odha taalela omaupyakadhi ogendji na otashi yi moshipala opo ooskola ndhoka dhi vule okukala tadhi likola iizemo iiwanawa ngele tashi ya komakonaakono gopashigwana.
Amunyela okwa popi kutya ooskola odhindji ndhoka tadhi mono iizemo yi li pevi unene omolwa onkalo kutya ohadhi tala owala kombinga yekandulepo lyomikundu ndhoka dha taalela oskola, dho tadhi dhimbwa kutya nonando odhi na omikundu ndhoka dha taalela, odha tegelelwa woo natango dhi gandje iizemo iiwanawa momakonaakono.
Okwa gandja omayele kaakuluntuskola yakwawo opo ya kale unene ya tala komaihumbato gonawa mokati kaalongi, shi vulithe okukala taya kondolola kutya oofoloma dhoompangela dhootundiodhudhithwa.
Amunyela okwa popi kutya sho Ominista yElongo Katrina Hanse-Himarwa ya tseyitha mEtine lya piti kutya Onampira oyi li momusholondondo gwooskola dhingi omi 20 moshilongo, aantu oyendji oya tameke ta ye mu dhengele oongodhi taya pula kutya okwa longitha oompangea dhi li ngiini opo oskola yawo yi shi pondole ngaaka.
Okwa popi kutya kape na omilandu dha yooloka dhowina dhoka hadhi longithwa kooskola dhoka tadhi shi enditha nawa, molwaashoka uuministeli owu na nale omilandu nomalandulathano ngoka ge na okulandulwa kooskola moshilongo.
Sho ye haningi okukwashilipaleka owala kutya omilandu dhuuministeli otadhi landulwa tuu kaalongi. Aalongi oya pumbwa okwiilongekidhila ootundi dhawo, oya pumbwa okukala haya yi pethimbo kootundi dhawo nokugandja iilonga ya gwana kaanaskola momailongo gawo.
ILENI NANDJATO
Comments
Namibian Sun
No comments have been left on this article