Egumbo lya hanagulwapo koosuwala
28 February 2019 | Local News
ILENI NANDJATO
Aakokele yatatu oye li mongundu yaantu yahamano mboka ya holoka komeho yOmpangu yaMangestrata mOshakati, konima sho ya hanagulapo egumbo lyaantu momukunda Omagongati mOshitopolwa shaShana.
Jacobine Shivolo, 68, Aina Petrus, 78, Naoh Shikeyengo, 63, Helena Shikongo, 44, Kahamba Mwanyangapo, 23 oshowo Nauyoma Erastus oya pewa omboloha yoshimaliwa shooN$ 800 kehe gumwe.
Mboka otaya pangulilwa oshipotha sheyonagulo lyomaliko kwiikwatelelwa kOmpango yOmiyonena dhOmomagumbo.
Otaku lopotwa kutya mboka oya tulwa miipandeko mOlyomakaya konima sho ya hanagulapo egumbo lyomuselekadhi Victoria Shikeyengo moonkambadhala dhoku mu tidha mo megumbo.
Oonakutulwa miipandeko aakwanezimo yanakusa Sackaria Shikeyengo ngoka a hulitha kuyele omwedhi nguka.
Victoria okwa lombwele oNamibian Sun kutya ya hokana nomusamane ge momvula yo2006 na oya kala megumbo moka na oye na uunona uuwali. Okwa popi kutya omusamane gwe okwa hulitha momasiku 14 na okwa fumbikwa momasiku 17 momwedhi Februali.
“Konima yefumbiko mOshoondaha oya lombwelendje kutya otaya pendje owala sigo omasiku Etiyali lyomasiku 19 opo ndi kale nda za mo megmbo moka, ngele hasho otaya tidha ndje. Otaya popi kutya pevi mpoka pe na egumbo lyetu evi lyofamili onkene ondi na okuza po pevi mpoka opo ye li kuthe ko,” Victoria a popi.
“Inandi ninga shoka ya lombwelendje nOlyomakaya ya piti lwopotundi onti 4 yongula oye ya nokutameka taya hanagula po egumbo lyetu. Egumbo olya li lya dhikwa niipeleki na oya kutha po iipeleki yimwe nokuya nayo.”
Victoria okwa popi kutya omanga ya li yiipyakidhila nokuhanagula po egumbo okwa ithana opolisi oshowo kansela gwawo mboka ya yamukula pethimbo, nonando sho ya thiki oya adha egumbo lya hanagulwa po nale
Sho oshifokundaneki shoNamibian Sun sha thiki pethimbo mpoka omutenya gwOlyomakaya osha a dha egumbo lya hanagulwapo nale nuunona woomvula 12 no 10 otawu kambadhala okuli dhika.
Meme gwawo okwa yi nopolisi opo a ka gandje ehokololo lye.
Opolisi oya tula miipandeko aantu mboka yahamano sho ya hanagulapo egumbo lyaantu, Noah naPetrus aamwayinakadhona aakuluntu yanakusa omanga yalwe aakwanezimo.
Kansela gwoshikandjohogololo Ondangwa Rural, Kaushiweni Abraham okwa popi kutya oya haluthwa kwaashoka sha ningwa na otaya ka tala kutya otaya kwathele ngiini omukiintu ngoka pamwe naanona ye.
Okwa popi kutya okwa pewa olopota kaashiinda kutya ofamili oya thigulula po iinima ayihe mwakwatelwa niilya oshowo iikulya yilwe.
Oshipotha shika osha undulilwa komasiku 16 gaApilili.
Aakokele yatatu oye li mongundu yaantu yahamano mboka ya holoka komeho yOmpangu yaMangestrata mOshakati, konima sho ya hanagulapo egumbo lyaantu momukunda Omagongati mOshitopolwa shaShana.
Jacobine Shivolo, 68, Aina Petrus, 78, Naoh Shikeyengo, 63, Helena Shikongo, 44, Kahamba Mwanyangapo, 23 oshowo Nauyoma Erastus oya pewa omboloha yoshimaliwa shooN$ 800 kehe gumwe.
Mboka otaya pangulilwa oshipotha sheyonagulo lyomaliko kwiikwatelelwa kOmpango yOmiyonena dhOmomagumbo.
Otaku lopotwa kutya mboka oya tulwa miipandeko mOlyomakaya konima sho ya hanagulapo egumbo lyomuselekadhi Victoria Shikeyengo moonkambadhala dhoku mu tidha mo megumbo.
Oonakutulwa miipandeko aakwanezimo yanakusa Sackaria Shikeyengo ngoka a hulitha kuyele omwedhi nguka.
Victoria okwa lombwele oNamibian Sun kutya ya hokana nomusamane ge momvula yo2006 na oya kala megumbo moka na oye na uunona uuwali. Okwa popi kutya omusamane gwe okwa hulitha momasiku 14 na okwa fumbikwa momasiku 17 momwedhi Februali.
“Konima yefumbiko mOshoondaha oya lombwelendje kutya otaya pendje owala sigo omasiku Etiyali lyomasiku 19 opo ndi kale nda za mo megmbo moka, ngele hasho otaya tidha ndje. Otaya popi kutya pevi mpoka pe na egumbo lyetu evi lyofamili onkene ondi na okuza po pevi mpoka opo ye li kuthe ko,” Victoria a popi.
“Inandi ninga shoka ya lombwelendje nOlyomakaya ya piti lwopotundi onti 4 yongula oye ya nokutameka taya hanagula po egumbo lyetu. Egumbo olya li lya dhikwa niipeleki na oya kutha po iipeleki yimwe nokuya nayo.”
Victoria okwa popi kutya omanga ya li yiipyakidhila nokuhanagula po egumbo okwa ithana opolisi oshowo kansela gwawo mboka ya yamukula pethimbo, nonando sho ya thiki oya adha egumbo lya hanagulwa po nale
Sho oshifokundaneki shoNamibian Sun sha thiki pethimbo mpoka omutenya gwOlyomakaya osha a dha egumbo lya hanagulwapo nale nuunona woomvula 12 no 10 otawu kambadhala okuli dhika.
Meme gwawo okwa yi nopolisi opo a ka gandje ehokololo lye.
Opolisi oya tula miipandeko aantu mboka yahamano sho ya hanagulapo egumbo lyaantu, Noah naPetrus aamwayinakadhona aakuluntu yanakusa omanga yalwe aakwanezimo.
Kansela gwoshikandjohogololo Ondangwa Rural, Kaushiweni Abraham okwa popi kutya oya haluthwa kwaashoka sha ningwa na otaya ka tala kutya otaya kwathele ngiini omukiintu ngoka pamwe naanona ye.
Okwa popi kutya okwa pewa olopota kaashiinda kutya ofamili oya thigulula po iinima ayihe mwakwatelwa niilya oshowo iikulya yilwe.
Oshipotha shika osha undulilwa komasiku 16 gaApilili.
Classifieds