Egandjo lyomboloha kaazaizai moNamibia lya nyanwa
Aatseyinawa yiikwaveta oya popi kutya omulandu ngoka tagu longithwa mokugandja gwomboloha miipotha iinene moshilongo ogwa pumbwa okutalululwa opo gweendele pamwe nomalunduluko muuyuni.
Omilandu dhomboloha ndjoka ya pewa aatamanekwa moshipotha oshinene moshilongo sheyando lyokufuta iishoshela yepangelo neholeko lyoonzo dhiiyemo shongushu yoobiliyona 3.5 odha nyanwa komunambelewa gwombudsman, John Walters, oshowo omutseyinawa gwopaveta.
Shoka osha landula sho omutamenakewa gumwe a yi ontuku oshowo gumwe ngoka a hulithile moChina.
Omupanguli mompangu yaMangestrata gwaVenduka, oshiwike sha piti okwa tseyithilwa eso lya, Zhu Honggang, gumwe gwomaatamanekwa mboka ya tulwa tango miipandeko moshipotha shoka, na okwa li pondje yomboloha koshimaliwa shooN$500 000. Ompangu oya gandja woo elombwelo lyetulo miipandeko lyaJinrong Huang, ngoka a ndopa okuholoka mompangu oshiwike sha piti, onga oshizemo sho a ndopa okuholoka mompangu iimaliwa ye yomboloha mbyoka a li a futu yoomiliyona 1.5 oya ningipo yepangelo.
Natango ina monika, kwiikwatelelwa kOpolisi yaNamibia.
Omutseyinawa gwekotampango, Nico Horn okwa popi kutya oshikondo shuuyuki shaNamibia natango oshi li monkulu yonale na itashi vulu okuyoolola pokati kiipotha iinene naambyoka iishona.
“Ondi wete kutya uupyakadhi uunene omukalo hagu longithwa mokugandja omboloha. Ngee owa tala koobiliyona 3.5, omboloha yomiliyona yimwe kayi shi sha. Itandi itaala kutya ngoka omulandu gu li pombanda.”
Okwa popi kutya Namibia okwa pumbwa okutula miilonga omulandu omupe omolwa aazaizai mboka taya etitha woo ompito yiipotha iinene yiikengelela.
Okwa popi kutya monakuziwa okwa li ihaku gandjwa unene oomboloha kaazaizai omolwa uutile kutya otaya vulu okuya ontuku na okwa gandjwa oomilandu dhi li pombanda ngaashi ihaya pitikwa okunana iimaliwa na ohaya ilopota kopolisi iikando iyali mesiku opo kaya vule okuya momalweendo.
Okwa ningile omapulo kutya Namiba ota vulu ngiini okukondolola omikanda dhomalweendo dhaazaizai.
Aachina yahamano oya taalela epangulo moshipotha shoka mwa kwatelwa omunangeshefa atseyika nawa, Jack Huang.
Omunangeshefa gwomOmbaye, Laurentius Julius oye owala OmuNamibia a tulwa miipandeko moshipotha shoka.
AaChina mboka sho ya pewa omboloha oya pewa opo ya kale taya ilopota kopolisi iikando iyali moshiwike, Omaandaha nEtitano, nuuna yahala okuya momalweendo oye na okutseyithila omunambelewa omukonaakoni gwoshipotha shawo.
Omunambelewa gwOmbudsman Walters okwa pula kutya omolwashike aazaizai taya pewa omboloha omanga mboka taya fekelwa AaNamibia ngaashi Kai Rust taya tindilwa omboloha. Rust okwa tulwa miipandeko momasiku 27 gaJanuari omvula ya piti, sha landula eumbo lyondjembo ndyoka lya etitha eso lyomuntu ta feekelelwa uukongo mofaalama yawo. Opo owala a pewa ombooloha omathimbo ga piti.
“Omolwashike to gandja omboloha kaazaizai ihe ino hala okugandja omboloha kAaNamibia mboka yeli maandjawo,”
Walters a pula.
Ominista yUuyuki, Albert Kawana okwa popi kutya omboloha inayi talika ko onga omukalo gwokugandja omageelo, nonando okwa zimine kutya oompangu nadhi endele pamwe nomalunduluko.
JEMIMA BEUKES
Shoka osha landula sho omutamenakewa gumwe a yi ontuku oshowo gumwe ngoka a hulithile moChina.
Omupanguli mompangu yaMangestrata gwaVenduka, oshiwike sha piti okwa tseyithilwa eso lya, Zhu Honggang, gumwe gwomaatamanekwa mboka ya tulwa tango miipandeko moshipotha shoka, na okwa li pondje yomboloha koshimaliwa shooN$500 000. Ompangu oya gandja woo elombwelo lyetulo miipandeko lyaJinrong Huang, ngoka a ndopa okuholoka mompangu oshiwike sha piti, onga oshizemo sho a ndopa okuholoka mompangu iimaliwa ye yomboloha mbyoka a li a futu yoomiliyona 1.5 oya ningipo yepangelo.
Natango ina monika, kwiikwatelelwa kOpolisi yaNamibia.
Omutseyinawa gwekotampango, Nico Horn okwa popi kutya oshikondo shuuyuki shaNamibia natango oshi li monkulu yonale na itashi vulu okuyoolola pokati kiipotha iinene naambyoka iishona.
“Ondi wete kutya uupyakadhi uunene omukalo hagu longithwa mokugandja omboloha. Ngee owa tala koobiliyona 3.5, omboloha yomiliyona yimwe kayi shi sha. Itandi itaala kutya ngoka omulandu gu li pombanda.”
Okwa popi kutya Namibia okwa pumbwa okutula miilonga omulandu omupe omolwa aazaizai mboka taya etitha woo ompito yiipotha iinene yiikengelela.
Okwa popi kutya monakuziwa okwa li ihaku gandjwa unene oomboloha kaazaizai omolwa uutile kutya otaya vulu okuya ontuku na okwa gandjwa oomilandu dhi li pombanda ngaashi ihaya pitikwa okunana iimaliwa na ohaya ilopota kopolisi iikando iyali mesiku opo kaya vule okuya momalweendo.
Okwa ningile omapulo kutya Namiba ota vulu ngiini okukondolola omikanda dhomalweendo dhaazaizai.
Aachina yahamano oya taalela epangulo moshipotha shoka mwa kwatelwa omunangeshefa atseyika nawa, Jack Huang.
Omunangeshefa gwomOmbaye, Laurentius Julius oye owala OmuNamibia a tulwa miipandeko moshipotha shoka.
AaChina mboka sho ya pewa omboloha oya pewa opo ya kale taya ilopota kopolisi iikando iyali moshiwike, Omaandaha nEtitano, nuuna yahala okuya momalweendo oye na okutseyithila omunambelewa omukonaakoni gwoshipotha shawo.
Omunambelewa gwOmbudsman Walters okwa pula kutya omolwashike aazaizai taya pewa omboloha omanga mboka taya fekelwa AaNamibia ngaashi Kai Rust taya tindilwa omboloha. Rust okwa tulwa miipandeko momasiku 27 gaJanuari omvula ya piti, sha landula eumbo lyondjembo ndyoka lya etitha eso lyomuntu ta feekelelwa uukongo mofaalama yawo. Opo owala a pewa ombooloha omathimbo ga piti.
“Omolwashike to gandja omboloha kaazaizai ihe ino hala okugandja omboloha kAaNamibia mboka yeli maandjawo,”
Walters a pula.
Ominista yUuyuki, Albert Kawana okwa popi kutya omboloha inayi talika ko onga omukalo gwokugandja omageelo, nonando okwa zimine kutya oompangu nadhi endele pamwe nomalunduluko.
JEMIMA BEUKES
Comments
Namibian Sun
No comments have been left on this article