Edhina lyOmukwaniilwa Elifas lya longithwa meiyambapaleko
Ehangano lyokukwata oohi olya popi kutya itali vulu okulandula ooyene yalyo ya thika puyaheyali, mboka ye na mo iipambuliko yoopresenda 50 mehangano ndyoka.
Omukwaniilwa gwaNdonga okwa koleke kutya ope na oohandimwe mboka ya longitha edhina lye mokwiiyambapaleka mwakwatelwa woo okushangitha edhina lye onga gumwe gwomaaniipambuliko mehangano, omanga keena ontseyo musho.
Shoka osha landula ombaapila ndjoka ya holola komapandja gomakwatathano gopainternet, ndjoka ya shangwa momasiku 18 gaAguste mo 2016, yuukithwa kuamushanga nale gwoshikondo shoohi,
Moses Mauhungirire.
Mombaapila ndjoka, ehangano tali ithanwa Oshazinga GRD Joint Venture olya holola kutya olya nyengwa okukonga aaniipambuliko mehangano yeli yaheyali mwakwatelwa omukwaniilwa ngoka, ye na mo oopresenda dhuumwene mehangano ndyoka , dha thika poopresenda 50.
“Katu shi ngele omukwaniilwa oye mwene shili e na mo iipambuliko mehangano ndika, nenge aantu otaya longitha owala edhina lye. Otwa kala nokuuva uule nethimbo ele ngashiingeyi kutya ope na aantu yamwe ya longitha edhina lyomukwaniilwa opo ya vule okwiiyambapaleka. Otatu shi landula opo tukwashilipaleke kutya omukwaniilwa okwa mona iinima ye,” omupopiliko gwomukwaniilwa Elifas, Naeman Amalwa a lombwele oNamibian Sun. Noonando ongaaka, Naeman ina popya kutya omukwaniilwa okuna iipambuliko mongeshefa yini po.
Oonkambadhala dha ningwa koshifokundaneki shoNamibian Sun opo shi mone ngele ehangano ndyoka olyoshili tuu nenge okukonga oohandimwe mboka ya tumbulwa mo ngele ohaya mono tuu shili iipambuluko yawo odha hulile muunyengwi.Mombaapila, Miguel Tordesillas gwOshazinga, ehangano ndyoka kali longele kumwe nahangano lyoNovaNam group of companies, okupitila moGendor naaniipambuluko, okwa indile Mauhungirire opo a tsikile nokugandja omukandapitiko gokukwata oohi kehangano ndyoka, nonando inali vula okukonga ooyene mboka.
“Otwa yakula omukanda gwopafax okuza kehangano lyokuninga omakonaakono gopashimaliwa kutya, Deon September okwa lundulula iipambuliko yehangano lyOshazinga okuza kuyemwene okuya koohandimwe mboka yaheyali. Uuyelele mboka owo owala tu na po, na inatu vula okuninga ekwatathano naantu mboka nonando otwa kambadhala.”
Omadhina ngoka ga tumbulwa, olyOmukwaniilwa, Maria Thomas, Maria Movilongo, Mirjam Geirises, Jacob Amalala, Micha Rodney Frans oshowo Julia Neumbo.
Tordesillas okwa lombwele natango, Mauhungirire, kutya osha simana okugandja omukanda gwokukwata oohi kehangano ndyoka, molwaashoka olya gandja iilonga koombautu dhokukwata oohi oshowo kaantu mboka haya helula oohi ndhoka komutunda.
Tordesillas ina yamukula komapulo ngoka a ningilwa koNamibian Sun.
Omupopiliko guuministeli woohi, De Wet Siluka okwa popi kutya ke shi ngele ehangano lyoJV opo natango li li.
“Uuministeli owa tula miilonga omulandu omupe, na oshidhigu okumona ngele ehangano ndyoka oli li natango miilonga. Oshiputudhilo shoka tashi vulu okumupa uuyelele mboka oBusiness and Intellectual Property Authority (Bipa).”
ILENI NANDJATO
Shoka osha landula ombaapila ndjoka ya holola komapandja gomakwatathano gopainternet, ndjoka ya shangwa momasiku 18 gaAguste mo 2016, yuukithwa kuamushanga nale gwoshikondo shoohi,
Moses Mauhungirire.
Mombaapila ndjoka, ehangano tali ithanwa Oshazinga GRD Joint Venture olya holola kutya olya nyengwa okukonga aaniipambuliko mehangano yeli yaheyali mwakwatelwa omukwaniilwa ngoka, ye na mo oopresenda dhuumwene mehangano ndyoka , dha thika poopresenda 50.
“Katu shi ngele omukwaniilwa oye mwene shili e na mo iipambuliko mehangano ndika, nenge aantu otaya longitha owala edhina lye. Otwa kala nokuuva uule nethimbo ele ngashiingeyi kutya ope na aantu yamwe ya longitha edhina lyomukwaniilwa opo ya vule okwiiyambapaleka. Otatu shi landula opo tukwashilipaleke kutya omukwaniilwa okwa mona iinima ye,” omupopiliko gwomukwaniilwa Elifas, Naeman Amalwa a lombwele oNamibian Sun. Noonando ongaaka, Naeman ina popya kutya omukwaniilwa okuna iipambuliko mongeshefa yini po.
Oonkambadhala dha ningwa koshifokundaneki shoNamibian Sun opo shi mone ngele ehangano ndyoka olyoshili tuu nenge okukonga oohandimwe mboka ya tumbulwa mo ngele ohaya mono tuu shili iipambuluko yawo odha hulile muunyengwi.Mombaapila, Miguel Tordesillas gwOshazinga, ehangano ndyoka kali longele kumwe nahangano lyoNovaNam group of companies, okupitila moGendor naaniipambuluko, okwa indile Mauhungirire opo a tsikile nokugandja omukandapitiko gokukwata oohi kehangano ndyoka, nonando inali vula okukonga ooyene mboka.
“Otwa yakula omukanda gwopafax okuza kehangano lyokuninga omakonaakono gopashimaliwa kutya, Deon September okwa lundulula iipambuliko yehangano lyOshazinga okuza kuyemwene okuya koohandimwe mboka yaheyali. Uuyelele mboka owo owala tu na po, na inatu vula okuninga ekwatathano naantu mboka nonando otwa kambadhala.”
Omadhina ngoka ga tumbulwa, olyOmukwaniilwa, Maria Thomas, Maria Movilongo, Mirjam Geirises, Jacob Amalala, Micha Rodney Frans oshowo Julia Neumbo.
Tordesillas okwa lombwele natango, Mauhungirire, kutya osha simana okugandja omukanda gwokukwata oohi kehangano ndyoka, molwaashoka olya gandja iilonga koombautu dhokukwata oohi oshowo kaantu mboka haya helula oohi ndhoka komutunda.
Tordesillas ina yamukula komapulo ngoka a ningilwa koNamibian Sun.
Omupopiliko guuministeli woohi, De Wet Siluka okwa popi kutya ke shi ngele ehangano lyoJV opo natango li li.
“Uuministeli owa tula miilonga omulandu omupe, na oshidhigu okumona ngele ehangano ndyoka oli li natango miilonga. Oshiputudhilo shoka tashi vulu okumupa uuyelele mboka oBusiness and Intellectual Property Authority (Bipa).”
ILENI NANDJATO
Comments
Namibian Sun
No comments have been left on this article