E na ondjodhi yokuninga omundohotola
Okanona kokamati koomvula omugoyi hoka taka lumbu nuulema wo musculoskeletal disorder mboka we ka tulitha kokatemba, oke na ondjodhi okuninga omundohotola, nonando oshidhigu okulongitha iikaha ye oshowo omagulu.
10 February 2020 | Local News
Molweendo pokati koombashu molukanda lwaKahandja Park mOvenduka, osheendo shoNampa osha thiki pombashu yondunda yimwe moka he yokanona kokamati koomvula omugoyi, Peter Sheiddy Kangozi Nsamba, a pala aayenda noshikaha.
Julius Nsamba, gwoomvula 31, okwa kana po meendelelo na okwa galuka nokamati hoka keli kokatemba. Okuza keimemeho lye oshowo moonkundathana, oshidhigu okwiitaala uudhigu mboka a taalela kehe esiku sho ita vulu okulongitha iikaha ye nomagulu.
Okamati hoka okanongo okwa popi kutya ohaka tyapula oskola hoka haya kala taya imbi, okuthaneka oshowo uudhano.
Mokuulika uunongo we, okwa tula kokana opena na okwa tameke ta thaneke pombaapila. Ngoka a kala a talako netumba okamwayinamati okashona, Samuel.
“Onda hala okuninga omundohotola ngele nda koko opo ndi gandje ekwatho kaanona mboka taya lumbu nuulema.”
Pahapu dhahe, Peter omunongo na okuhole okuthaneka.
Pahapu dhomunashipundi nomutotipo gwo 'No to Gender-Based Death and Violence', Zackary Inedu Itodo, okwa popi kutya “Peter omunongo na okwa pumbwa eyambidhidho lyiizalomwa, uunamiti oshowo ehala lyokuza ndyoka olyo li li uupyakadhi sho ita vulu okwiinyenga okuza pehala limwe okuya pehala ekwawo omolwa okatongo, unene okuza kooyene yomagumbo mboka taya nyenyeta molwaashoka okanona itaka vulu okwiikwatha kokene.”
Itodo okwa popi kutya okutembuka hoka otaku yi moshipala elongo oshowo uundjolowele wokanona, ta popi kutya uuna ofamili ya mono ehala lyokukala tali kalelele nena nenge Peter ota vulu okukala popepi noskola.
Peter oha hiti oskola yoshikunino moKeiti Primary School. He oshowo yina omunamimvo 27, Secilia Kayova, oya hala yemu fale koskola yedhina Môreson moKhomasdal. Oskola ndjoka oyaanona mboka taya lumbu nomaulema, ngaashi monkalo moka mu na Peter.
He okwa popi kutya okanona ke otaka lumbu monkalo ya fa yuunona uukwawo na ita vulu okuholeka okanona ke molwashoka oku na etumba muko. Okwa tsikile kutya okanona ohake mu pula e ka fale komahala gokudhanena hoka he ka fala.
Okwa tsikile kutya ota ningile okanona ke kehe shoka taka pula.
Peter oha mono eyambidhidho lyiiyemo okuza kUuministeli wUukashike kOokantu nOnkalo nawa yAanona, ihe he okwa popi kutya iimaliwa mbyoka inayi gwana okumukwathela.
Okwa popi kutya okwa pumbwa iikutu, ominambo, omakwatho guunamiti oshowo iikulya yiitungilutu.
Aavali ye ayehe ihaya longo na ohaya longo kehe iilonga taya mono po, opo ya vule okupalutha ofamili.
Konima sho ya tembuka okuza moRundu momvula yo 2014 oya kala taya kongo oompito dhiilonga na ohaya zi mOkahandja Park moka taya hiila.
NAMPA LOTTO SHIHEPO
Julius Nsamba, gwoomvula 31, okwa kana po meendelelo na okwa galuka nokamati hoka keli kokatemba. Okuza keimemeho lye oshowo moonkundathana, oshidhigu okwiitaala uudhigu mboka a taalela kehe esiku sho ita vulu okulongitha iikaha ye nomagulu.
Okamati hoka okanongo okwa popi kutya ohaka tyapula oskola hoka haya kala taya imbi, okuthaneka oshowo uudhano.
Mokuulika uunongo we, okwa tula kokana opena na okwa tameke ta thaneke pombaapila. Ngoka a kala a talako netumba okamwayinamati okashona, Samuel.
“Onda hala okuninga omundohotola ngele nda koko opo ndi gandje ekwatho kaanona mboka taya lumbu nuulema.”
Pahapu dhahe, Peter omunongo na okuhole okuthaneka.
Pahapu dhomunashipundi nomutotipo gwo 'No to Gender-Based Death and Violence', Zackary Inedu Itodo, okwa popi kutya “Peter omunongo na okwa pumbwa eyambidhidho lyiizalomwa, uunamiti oshowo ehala lyokuza ndyoka olyo li li uupyakadhi sho ita vulu okwiinyenga okuza pehala limwe okuya pehala ekwawo omolwa okatongo, unene okuza kooyene yomagumbo mboka taya nyenyeta molwaashoka okanona itaka vulu okwiikwatha kokene.”
Itodo okwa popi kutya okutembuka hoka otaku yi moshipala elongo oshowo uundjolowele wokanona, ta popi kutya uuna ofamili ya mono ehala lyokukala tali kalelele nena nenge Peter ota vulu okukala popepi noskola.
Peter oha hiti oskola yoshikunino moKeiti Primary School. He oshowo yina omunamimvo 27, Secilia Kayova, oya hala yemu fale koskola yedhina Môreson moKhomasdal. Oskola ndjoka oyaanona mboka taya lumbu nomaulema, ngaashi monkalo moka mu na Peter.
He okwa popi kutya okanona ke otaka lumbu monkalo ya fa yuunona uukwawo na ita vulu okuholeka okanona ke molwashoka oku na etumba muko. Okwa tsikile kutya okanona ohake mu pula e ka fale komahala gokudhanena hoka he ka fala.
Okwa tsikile kutya ota ningile okanona ke kehe shoka taka pula.
Peter oha mono eyambidhidho lyiiyemo okuza kUuministeli wUukashike kOokantu nOnkalo nawa yAanona, ihe he okwa popi kutya iimaliwa mbyoka inayi gwana okumukwathela.
Okwa popi kutya okwa pumbwa iikutu, ominambo, omakwatho guunamiti oshowo iikulya yiitungilutu.
Aavali ye ayehe ihaya longo na ohaya longo kehe iilonga taya mono po, opo ya vule okupalutha ofamili.
Konima sho ya tembuka okuza moRundu momvula yo 2014 oya kala taya kongo oompito dhiilonga na ohaya zi mOkahandja Park moka taya hiila.
NAMPA LOTTO SHIHEPO
Classifieds