Covid-19: Ngoloneya nale gwErongo Mutjavikua a hulitha
OMUTOOLINKUNDANA GWETU
OVENDUKA
Ngoloneya nale gwoshitopolwa shErongo, Cleophas Mutjavikua, okwa hulitha omolwa oCovid-19.
Okwa kala iikalela, sha landula sho a yi mekwatathano nomuntu a monika ombuto ndjoka, kuume kofamili a lombwele oNamibia Sun.
Okwa hulitha mOsoondaha moshipangelo moGrootfontein.
Mutjavikua okwa li uulikwa opo a ninge ngoloneya gwoshitopolwa shErongo momvulayo 2010 komupresidende nale Hifikepunye Pohamba sigo omvula ndjika sho a pingenwapo kuNeville Andre, na okwa li a pingenepo ngoloneya nale, Samuel Nuuyoma.
Omanga ina ninga ngoloneya okwa longa onga omunambelewa omukuluntuwiliki gwoLabour Investment Holdings, ehangano lyomapungulo li li oshitopolwa shoNational Union of Namibian Workers.
Mutjavikua, okwa longa woo onga omunashiundi gwelelo lyoMobiPay.
Okuya mOlyomakaya ga piti, oshilongo osha lopota iipotha yo-Covid-19 yi li po24 654, okuza momwedhi Maalitsa omvula yo 2020, sha landaula iipotha yotango iyali yaahokanathani aakwashigwana yaRomania.
Ekuthikuthi etiyali lyombuto ndjoka olya holoka okuya pehulilo lyomvula yo 2020 nokudhiaga aantu oyendji okuyelekanitha nekuthikuthi lyotango.
Okuya mOlyomakaya, Namibia oku na iipotha 3 507 yaantu ye na ombuto ndjoka naantu 241 yeli miipangelo, moka aantu 39 ye li monkalo ya nayipala.
Oshitopolwa shaKhomas oshi na oopresenda 53 dhaantu mboka yeli moshipangelo, pahapu dhaMinista Kalumbi Shangula.
Shangula okwa popi kutya ngashiingeyi oya dhidhilike e yo pombanda lyiipotha yocorona maakokele unene monooli yoshilongo.
Okwa indile oshigwana shi landule omilandu dheigameno. Uuministeli owa tseyitha woo mOlyomakaya eyaluko lyaantu 204 nokweeta omwaalu gwaamboka ya aluka po 20 931.
OVENDUKA
Ngoloneya nale gwoshitopolwa shErongo, Cleophas Mutjavikua, okwa hulitha omolwa oCovid-19.
Okwa kala iikalela, sha landula sho a yi mekwatathano nomuntu a monika ombuto ndjoka, kuume kofamili a lombwele oNamibia Sun.
Okwa hulitha mOsoondaha moshipangelo moGrootfontein.
Mutjavikua okwa li uulikwa opo a ninge ngoloneya gwoshitopolwa shErongo momvulayo 2010 komupresidende nale Hifikepunye Pohamba sigo omvula ndjika sho a pingenwapo kuNeville Andre, na okwa li a pingenepo ngoloneya nale, Samuel Nuuyoma.
Omanga ina ninga ngoloneya okwa longa onga omunambelewa omukuluntuwiliki gwoLabour Investment Holdings, ehangano lyomapungulo li li oshitopolwa shoNational Union of Namibian Workers.
Mutjavikua, okwa longa woo onga omunashiundi gwelelo lyoMobiPay.
Okuya mOlyomakaya ga piti, oshilongo osha lopota iipotha yo-Covid-19 yi li po24 654, okuza momwedhi Maalitsa omvula yo 2020, sha landaula iipotha yotango iyali yaahokanathani aakwashigwana yaRomania.
Ekuthikuthi etiyali lyombuto ndjoka olya holoka okuya pehulilo lyomvula yo 2020 nokudhiaga aantu oyendji okuyelekanitha nekuthikuthi lyotango.
Okuya mOlyomakaya, Namibia oku na iipotha 3 507 yaantu ye na ombuto ndjoka naantu 241 yeli miipangelo, moka aantu 39 ye li monkalo ya nayipala.
Oshitopolwa shaKhomas oshi na oopresenda 53 dhaantu mboka yeli moshipangelo, pahapu dhaMinista Kalumbi Shangula.
Shangula okwa popi kutya ngashiingeyi oya dhidhilike e yo pombanda lyiipotha yocorona maakokele unene monooli yoshilongo.
Okwa indile oshigwana shi landule omilandu dheigameno. Uuministeli owa tseyitha woo mOlyomakaya eyaluko lyaantu 204 nokweeta omwaalu gwaamboka ya aluka po 20 931.
Comments
Namibian Sun
No comments have been left on this article