Coronavirus: Eminikathano onkene tali tsikile monooli
Aantu oyendji monooli oye na ontseyo kombinga yombuto yocoronavirus ihe onkene taya tsikile okuminikathana uuna taya popithathana.
ILENI NANDJATO
Oshakati
Omunambelewa omupopiliko gwelelo lyondoolopa yaNgwediva, Jackson Muma okwa popi kutya naamboka ya zala omanyala otaya minikathana naantu mboka inaya zala omanyala.
Konima sho iipotha iyali yombuto ndjoka ya tseyitha moNamibia, aantu oyendji oya tokola okukala kokule nomahala gaayehe.
“Konima yetseyitho lya ningwa komupresidende oshowo ominista yuundjolowele kombinga yomilandu dha nuninwa eyando lyetaandelo lyombuto, otwa ningile aakalimo yetu ootundi. Otwa dhidhilike kutya omanga iipotha mbyoka inayi tseyithwa aantu yetu oye na nale ontseyo kombinga yombuto, na osha e ta owala ehaluko mokati kaantu,” Muma a popi. “Mosoondaha kehe gumwe okwa li nale a zala emaska nomanyala opo yiigamene, ihe nonando ongaaka, aantu onkene taya minikathana, na oya monika yeli pamwe unene pomahala gaayehe shoka shi li sha nika oshiponga.”
Muma okwa popi kutya elelo lyaNgwediva olya pata omahala agehe giigongi mwakwatelwa ngoka gopaumwene. Okwa popi kutya onkalamwenyo otayi tsikile ihe aantu naya kale ya angala.
Omukolele Hileni Kalumbu a za momukunda Oshikashika popepi nEheke okwa popi kutya aantu oya igilila okuminikathana na oshidhigu okweetha po omukalo ngoka.
Okwa popi kutya oye na uuyelele kutya okwa indikwa okuminikathana omolwa etaandelo lyomukuthi ngoka ihe shoka osha kala omukalo gwopamuthigululwakalo uule wethimbo na oshidhigu okushi kondolola. Okwa tsikile kutya ngele owa tsakanene nomuntu ihe ino mu minika otashi ulike wa fa wu na uupyakadhi nomuntu ngoka.
Eminikathano edhidhiliko lyombili. Omatala gaNdangwa ogeli ehala lya simana monooli na ohaga nana ookastoma naalandithi ya za pomikunda dhopopepi. Toini Kamati, gumwe gwomaalandithi pomatala ngoka okwapopi inaku kala ookastoma okuza Omaandaha pomatala ngoka, naalandithi oyendji oya tokola okukala komagumbo.
“Omanga inaku tseyithwa kutya oCovid-19 oya monika moNamibia, aantu ayehe oya kala taye yi popi nale pomatala nakehe gumwe okwa nongele kombinga yombuto ndjoka.
Aantu oye yi tila molwaashoka otwa uvu kutya otayi taandele woo mokutaambathana iimaliwa nokuminikathana,” Kamati a popi.
Omalelo otaga kunkilile aantu ya kale aluhe nokuyoga iikaha yawo nothewa oshowo omeya, opo ku yandwe etaandelo lyomukithi.
Oshakati
Omunambelewa omupopiliko gwelelo lyondoolopa yaNgwediva, Jackson Muma okwa popi kutya naamboka ya zala omanyala otaya minikathana naantu mboka inaya zala omanyala.
Konima sho iipotha iyali yombuto ndjoka ya tseyitha moNamibia, aantu oyendji oya tokola okukala kokule nomahala gaayehe.
“Konima yetseyitho lya ningwa komupresidende oshowo ominista yuundjolowele kombinga yomilandu dha nuninwa eyando lyetaandelo lyombuto, otwa ningile aakalimo yetu ootundi. Otwa dhidhilike kutya omanga iipotha mbyoka inayi tseyithwa aantu yetu oye na nale ontseyo kombinga yombuto, na osha e ta owala ehaluko mokati kaantu,” Muma a popi. “Mosoondaha kehe gumwe okwa li nale a zala emaska nomanyala opo yiigamene, ihe nonando ongaaka, aantu onkene taya minikathana, na oya monika yeli pamwe unene pomahala gaayehe shoka shi li sha nika oshiponga.”
Muma okwa popi kutya elelo lyaNgwediva olya pata omahala agehe giigongi mwakwatelwa ngoka gopaumwene. Okwa popi kutya onkalamwenyo otayi tsikile ihe aantu naya kale ya angala.
Omukolele Hileni Kalumbu a za momukunda Oshikashika popepi nEheke okwa popi kutya aantu oya igilila okuminikathana na oshidhigu okweetha po omukalo ngoka.
Okwa popi kutya oye na uuyelele kutya okwa indikwa okuminikathana omolwa etaandelo lyomukuthi ngoka ihe shoka osha kala omukalo gwopamuthigululwakalo uule wethimbo na oshidhigu okushi kondolola. Okwa tsikile kutya ngele owa tsakanene nomuntu ihe ino mu minika otashi ulike wa fa wu na uupyakadhi nomuntu ngoka.
Eminikathano edhidhiliko lyombili. Omatala gaNdangwa ogeli ehala lya simana monooli na ohaga nana ookastoma naalandithi ya za pomikunda dhopopepi. Toini Kamati, gumwe gwomaalandithi pomatala ngoka okwapopi inaku kala ookastoma okuza Omaandaha pomatala ngoka, naalandithi oyendji oya tokola okukala komagumbo.
“Omanga inaku tseyithwa kutya oCovid-19 oya monika moNamibia, aantu ayehe oya kala taye yi popi nale pomatala nakehe gumwe okwa nongele kombinga yombuto ndjoka.
Aantu oye yi tila molwaashoka otwa uvu kutya otayi taandele woo mokutaambathana iimaliwa nokuminikathana,” Kamati a popi.
Omalelo otaga kunkilile aantu ya kale aluhe nokuyoga iikaha yawo nothewa oshowo omeya, opo ku yandwe etaandelo lyomukithi.
Comments
Namibian Sun
No comments have been left on this article