China a hupitha okatomeno kaShakati
TUYEIMO HAIDULA
OSHAKATI
Ehangano lyoNingbo Agriculture Investment Group, lyaChina melongelokumwe nehangano lyomoshilongo oyo taya kwatele komeho okatomeno okatiyali okanene moshilongo, hoka taka adhika mOshakati.
Okatomeno kedhina Eloolo oka patulululwa kominista yuunamapya, Calle Schlettwein oshiwike shapiti.
Okatomeno hoka pamwe naahoka komoKatima Mulilo oka pata momvula yo 2016 konima sho ehangano lyoMeatco lya hulithapo elongelo muutomeno mboka.
Okatomeno hoka oka patululwa muJuli gwomvula ya piti ihe oka pata ishewe sho ehangano lyoKiat Investment Holding ndyoka lya sindana otendela yokulongela mokatomeno hoka, lya adhika kompumbwe yiiyemo.
Kiat ngashiingeyi ota lonele kumwe noNingbo.
Schlettwein okwa popi kutya epatululo lyokatomeno hoka otashi ulike oonkambadhala dhepangelo mokukalekapo ongushu yonyama yongombe monooli yaNamibia, sha landula shoMeatco a dhigipo uutomeno mboka.
Minista okwa longitha ompito ndjoka okutseyitha kutya epangelo olya longulula okatomeno komOutapi, Oshakati, eenhana oshowo Katima Mulilo, omanga moRundu keli metifa lyokulongwa na okeli pokumanithwa.
Okwa popi kutya epangelo otali longulula woo nokuyambulapo oomanga dhiimuna mOmutambo Omawe, Oshivelo, Okongo, Kopano oshowo Katima Mulilo.
Epangelo aniwa otali pangele woo okuyambuapo okatomeno mOpuwo oshowo okutunga endiki lyokulongela onyama lyoBukalo Meat Processing Facility, meyambidhidho lyoshimaliwa okuza koEuropean Development Fund (EDF) 11 Project.
Epangelo otali tungu woo Ongwediva Meat Processing Plant, moka kwa tegelelwa owala okutula omashina niilongitho mendiki ndyoka.
Omukalelipo gwoNingbo Agriculture Investment Group, Zhuang Caizeng okwa popi kutya epungulo lyawo moshikondo shuunamapya nuuniimuna oshi li ompito ombwaanawa kaakwashigwana yiilongo iyali, Namibia naChina.
Monena okatomeno hoka ohaka tomo oongombe sigo o 70 mesiku, naCaizeng okwa popi kutya oya hala okukala taya tomo oongombe dhi li po 250.
[email protected]
OSHAKATI
Ehangano lyoNingbo Agriculture Investment Group, lyaChina melongelokumwe nehangano lyomoshilongo oyo taya kwatele komeho okatomeno okatiyali okanene moshilongo, hoka taka adhika mOshakati.
Okatomeno kedhina Eloolo oka patulululwa kominista yuunamapya, Calle Schlettwein oshiwike shapiti.
Okatomeno hoka pamwe naahoka komoKatima Mulilo oka pata momvula yo 2016 konima sho ehangano lyoMeatco lya hulithapo elongelo muutomeno mboka.
Okatomeno hoka oka patululwa muJuli gwomvula ya piti ihe oka pata ishewe sho ehangano lyoKiat Investment Holding ndyoka lya sindana otendela yokulongela mokatomeno hoka, lya adhika kompumbwe yiiyemo.
Kiat ngashiingeyi ota lonele kumwe noNingbo.
Schlettwein okwa popi kutya epatululo lyokatomeno hoka otashi ulike oonkambadhala dhepangelo mokukalekapo ongushu yonyama yongombe monooli yaNamibia, sha landula shoMeatco a dhigipo uutomeno mboka.
Minista okwa longitha ompito ndjoka okutseyitha kutya epangelo olya longulula okatomeno komOutapi, Oshakati, eenhana oshowo Katima Mulilo, omanga moRundu keli metifa lyokulongwa na okeli pokumanithwa.
Okwa popi kutya epangelo otali longulula woo nokuyambulapo oomanga dhiimuna mOmutambo Omawe, Oshivelo, Okongo, Kopano oshowo Katima Mulilo.
Epangelo aniwa otali pangele woo okuyambuapo okatomeno mOpuwo oshowo okutunga endiki lyokulongela onyama lyoBukalo Meat Processing Facility, meyambidhidho lyoshimaliwa okuza koEuropean Development Fund (EDF) 11 Project.
Epangelo otali tungu woo Ongwediva Meat Processing Plant, moka kwa tegelelwa owala okutula omashina niilongitho mendiki ndyoka.
Omukalelipo gwoNingbo Agriculture Investment Group, Zhuang Caizeng okwa popi kutya epungulo lyawo moshikondo shuunamapya nuuniimuna oshi li ompito ombwaanawa kaakwashigwana yiilongo iyali, Namibia naChina.
Monena okatomeno hoka ohaka tomo oongombe sigo o 70 mesiku, naCaizeng okwa popi kutya oya hala okukala taya tomo oongombe dhi li po 250.
[email protected]
Comments
Namibian Sun
No comments have been left on this article