Anaskola moskola yomOshikoto ya kwatwa koCovid

TUYEIMO HAIDULAOSHAKATIVilho Shipuata okwa kolele kutya natango aanaskola ye li o 20 oya tegelela iizemo yawo konima sho ya ningilwa omakonaakono gomukithi ngoka, konima sho aalongwa yeli 38 ya li ya ningilwa omakonaaakono.Oskola yimwe natango moshitopolwa shoka, Uukule Secondary School oya lopotwa iipotha ine yomukithi ngoka.Okwa popi kutya aanaskola yatano poskola ndjoka oya ningilwa omakonaakono nagumwe ina monika omukithi. Yeli pe 100 oya ningilwa omakonaakono mOmaandaha na oya tegelela iizemo yawo.Omwaalu ngoka otashi vulika gu ka londe pombanda sho aanambelewa yuundjolowele ya shuna ko koskola ndjoka opo yaka ningile aalongwa yalwe omakonaakono ihe olopota ndjoka inayi za mo natango.Shipuata okwa popi kutya ooskola otashi longitha omilandu dha yooloka opo ku vule okuyandwa etaandelo lyomukithi ngoka lya gwedhwapo, mwa kwatelwa okutopola moongundu aanaskola momihandjo.“Otu na ongundu yimwe moka mwa kolekwa iipotha yomukithi, taya lala momuhandjo na oyiikalekelwa, omanga mboka taku fekelwa kutya otashi vulika nayo ya kwatwa yiikalekelwa mongulu yoskola, kokule naanaskola mboka inaya ulika omadhidhiliko gomukithi,” Shipuata a popi , ta gwedhapo kutya ombelewa yooshitopolwa oya gandja elombwelo kooskola opo dhikwashilipaleke kutya omilandu dhoka odha kalekwapo.“Onda nyanyukwa okuholola kutya kape na gumwe gwomaanaskola mboka ta ehama nonando otaya ulike omadhidhiliko gomukithi. Oyiikalekelwa momuhandjo,” Shipuata a popi.- tuyeimo@namibiansun.com

Anaskola moskola yomOshikoto ya kwatwa koCovid

Comments

Namibian Sun 2025-10-16

Please login to leave a comment

Anaskola moskola yomOshikoto ya kwatwa koCovid

Comments

Namibian Sun 2025-10-16

Please login to leave a comment

Login