AMTA a yambidhidha Nepunda
Ehangano Agro-Marketing and Trading Agency (AMTA) olya katuka onkatu opo li yambidhidhe omunafaalama gwomahangu, ngoka aniwa a li a lombwelwa kutya epangelo itali vulu okulanda po omahangu ge.
Shoka osha landula oshinyolwa shoshifokundneki shoNamibian Sun, moka mwa popiwa eindilo lyaSamuel Nepunda, ngoka omunafaalama gwomahangu na okwa li a sindana po ethigathano lyoNamibia Agronomic Board (NAB).
Omunafaalama okwa lombwele Namibian Sun, kuyele omwedhi nguka kutya natango oku na ooshako dhiilya yomahangu dhi li 1 800 okuza meteyo lyomvula ya piti, na ke wete kutya ooshako dhoka otedhi ningi ngiini, sho epangelo itali landa we omahangu nenge epungu.
Nepunda (84) okwa koleke kutya AMTA okwa landa ko kuye ooshako dhiilya yomahangu dhi li 100.
“AMTA okwa landa ooshako dhi li 100 dhomahangu gandje na onda nyanyukwa. Konima sho nda nongele kutya AMTA kali we ta landa omahangu onda li nda kanitha omukumo, na onda li nda tokola kutya itandi limi epya lyandje nuumvo, molwaashoka iilya otayi kahepa owala sho kape na aalandi,” Nepunda a popi.
“Onda tokola okulima epya lyandje nuumvo ihe itandi limi omahangu, konima yoshinyolwa shandje onda mono omatalelepo gopaumwene okuza kaalandi yepungu mbyoka ya uvaneke kutya otaya ka longa ndje nkene epungu hali longwa na otaya ka kala taya landa okuza kungame.”
Nepunda, okwa tameke okulonga omahangu ge moomvula dho 1990, moofaalama yuunene woohecta 30 mOkongo.
AMTA ina mona iimaliwa okuza kepangelo yokulanda omahangu nuumvo, na kakushiwike kutya iimaliwa mbyoka a longitha mokulanda omahangu gaNepunda oya zi peni, sho Omukomeho gwehangano ndyoka, Lucas Lungameni oshowo menindjera gwoompungulilo dhoondya moshilongo, Wilhelmina Handunge, ya lopotwa ya li momutumba mOmaandaha.
AMTA oku na oshinakugwanithwa shokukonga nokupungula omahangu nepungu pehala lyUuministeli wUunamapya, ihe omvula ya piti uuministeli mboka inawu gandja iimaliwa yokulanda iilya nepungu kehangano ndyoka.
Shito AMTA oha gandja oshimaliwa shooN$5 400 motona yomahangu nenge ooN$5.40 mokilograma yimwe.
Uuministeli wuunamapya inawu yamukula komapulo ngoka wa ningilwa omvula ya piti.
Uuministeli owu na oompungulilo dhomahangu nepungu tadhi silwa oshisho kuAMTA ngaashi moTsandi, Okongo, Omuthiya, Rundu oshowo Katima Mulilo. Momvula yo 2010, AMTA okwa landa ootona 240 dhomahangu, momvula yo 2011 ootona 742, momvula yo 2012 ootona 504, momvula yo 2013 ootona 175, mo 2014 ootona 486, mo 2015 ootona 61 omanga omvula ya piti ya landa ootona 1 500.
ILENI NANDJATO
Omunafaalama okwa lombwele Namibian Sun, kuyele omwedhi nguka kutya natango oku na ooshako dhiilya yomahangu dhi li 1 800 okuza meteyo lyomvula ya piti, na ke wete kutya ooshako dhoka otedhi ningi ngiini, sho epangelo itali landa we omahangu nenge epungu.
Nepunda (84) okwa koleke kutya AMTA okwa landa ko kuye ooshako dhiilya yomahangu dhi li 100.
“AMTA okwa landa ooshako dhi li 100 dhomahangu gandje na onda nyanyukwa. Konima sho nda nongele kutya AMTA kali we ta landa omahangu onda li nda kanitha omukumo, na onda li nda tokola kutya itandi limi epya lyandje nuumvo, molwaashoka iilya otayi kahepa owala sho kape na aalandi,” Nepunda a popi.
“Onda tokola okulima epya lyandje nuumvo ihe itandi limi omahangu, konima yoshinyolwa shandje onda mono omatalelepo gopaumwene okuza kaalandi yepungu mbyoka ya uvaneke kutya otaya ka longa ndje nkene epungu hali longwa na otaya ka kala taya landa okuza kungame.”
Nepunda, okwa tameke okulonga omahangu ge moomvula dho 1990, moofaalama yuunene woohecta 30 mOkongo.
AMTA ina mona iimaliwa okuza kepangelo yokulanda omahangu nuumvo, na kakushiwike kutya iimaliwa mbyoka a longitha mokulanda omahangu gaNepunda oya zi peni, sho Omukomeho gwehangano ndyoka, Lucas Lungameni oshowo menindjera gwoompungulilo dhoondya moshilongo, Wilhelmina Handunge, ya lopotwa ya li momutumba mOmaandaha.
AMTA oku na oshinakugwanithwa shokukonga nokupungula omahangu nepungu pehala lyUuministeli wUunamapya, ihe omvula ya piti uuministeli mboka inawu gandja iimaliwa yokulanda iilya nepungu kehangano ndyoka.
Shito AMTA oha gandja oshimaliwa shooN$5 400 motona yomahangu nenge ooN$5.40 mokilograma yimwe.
Uuministeli wuunamapya inawu yamukula komapulo ngoka wa ningilwa omvula ya piti.
Uuministeli owu na oompungulilo dhomahangu nepungu tadhi silwa oshisho kuAMTA ngaashi moTsandi, Okongo, Omuthiya, Rundu oshowo Katima Mulilo. Momvula yo 2010, AMTA okwa landa ootona 240 dhomahangu, momvula yo 2011 ootona 742, momvula yo 2012 ootona 504, momvula yo 2013 ootona 175, mo 2014 ootona 486, mo 2015 ootona 61 omanga omvula ya piti ya landa ootona 1 500.
ILENI NANDJATO
Comments
Namibian Sun
No comments have been left on this article