Aayugi ya mono oshiponga
ILENI NANDJATO
OMAALALA
Omuniilonga omukiintu moshipangelo shopaumwene shOndangwa Private Hospital okwa yugwa komulungu gwondjembo kaalumentu yane, oshimaliwa sha thika pooN$200 000 komeho goombaanga yoFirst National Bank (FNB) mOndangwa, konima owala yoominute ooshona sho a nana oshimaliwa shooN$400 000 okuza mombaanga yoBank Windhoek mOndangwa omutenya gwEtitano.
Opolisi moshitopolwa shaShana oya lopota kutya okwa tulwa miipandeko oongangala mbali na okwa monika oshimaliwa shooN$75 602 konima sho ohauto ndjoka ya yi nayo ontuku ya gu nokugalangata momukunda Omaalala.
Komanda gwopolisi yaShana, Komufala Rauha Amwele okwa popi kutya omuniilonga ngoka okwa li a nana omwaalu gwoshimaliwa shooN$400 000 kObank Windhoek na okwali tayi a ka pungule oshimaliwa shoka moFNB na okwa li pamwe nosekuliti.
“Omanga owala ta piti osheelo shoFNB, omulumentu gumwe okwe muulike ondjembo nomukiintu okwa kambadhala okuumbika onayilona yiimaliwa kusekuriti ihe inayi thika ko, nomuyugi okwa yakulapo onayilona ndjoka. Omukiintu okwe mu tidha.”
“Omulumentu okwa yi ontuku uuka kohauto ontokele yoPolo ndjoka ya li ya thikama pooha ihe omukiintu okwe shi pondola okutuula onayilona ndjoka yiimaliwa nomwaalu gwooN$200 000 ogwa gwile pevi, noongangala odha yi nooN$200 000.” Amwele okwa popi kutya aakwashigwana yamwe oya tidha oongangala dhoka dha hingi dhuuka kombinga yaNgwediva.
Omunambelewa omupopiliko gwoshipangelo shoka, Kalipa Kaliba okwa koleke oshiningwanima shoka ihe ina vula okugandja uuyelele owundji.
Amwele okwa popi kutya ohauto ndjoka oyehangano lyokuhiila oohauto nopOmaalala oongangala dhoka odha nyengwa okukondoloa oshiyenditho na osha gu.
“Aapolisi yamwe oya li nale mondjila okuza kOshakati nOngwediva taya kongo ohauto ndjoka na oye shi pondola okuthika pehala lyoshiponga pethimbo. Omufekelwa gumwe omunamimvo 23 a za momukunda Ondeihaluka moshitopolwa shaHangwena okwa ehamekwa momutse nombunda na okwa tulilwa miipandeko pehala lyoshiponga omanga omufekelwa gumwe omunamimvo 31 a za momukunda Okapya popepi nOndangwa a tulilwa miipandeko kakushi kokule nehala lyoshiponga na okwa adhika e na N$61 002,” Amwele a popi.
“Oshimaliwa shooN$14 600 osha monika komumati ngoka e shi a dha mepya. Omufeleka ngoka eehamekwa ota mono epango moshipangelo shaShakati omanga yaali taya kongwa kopolisi. Oshimaliwa shooN$124 398 inashi monika natango.”
Amwele okwa popi kutya aafekelwa mboka taya kongwa oongangala dhi shiwike.
OMAALALA
Omuniilonga omukiintu moshipangelo shopaumwene shOndangwa Private Hospital okwa yugwa komulungu gwondjembo kaalumentu yane, oshimaliwa sha thika pooN$200 000 komeho goombaanga yoFirst National Bank (FNB) mOndangwa, konima owala yoominute ooshona sho a nana oshimaliwa shooN$400 000 okuza mombaanga yoBank Windhoek mOndangwa omutenya gwEtitano.
Opolisi moshitopolwa shaShana oya lopota kutya okwa tulwa miipandeko oongangala mbali na okwa monika oshimaliwa shooN$75 602 konima sho ohauto ndjoka ya yi nayo ontuku ya gu nokugalangata momukunda Omaalala.
Komanda gwopolisi yaShana, Komufala Rauha Amwele okwa popi kutya omuniilonga ngoka okwa li a nana omwaalu gwoshimaliwa shooN$400 000 kObank Windhoek na okwali tayi a ka pungule oshimaliwa shoka moFNB na okwa li pamwe nosekuliti.
“Omanga owala ta piti osheelo shoFNB, omulumentu gumwe okwe muulike ondjembo nomukiintu okwa kambadhala okuumbika onayilona yiimaliwa kusekuriti ihe inayi thika ko, nomuyugi okwa yakulapo onayilona ndjoka. Omukiintu okwe mu tidha.”
“Omulumentu okwa yi ontuku uuka kohauto ontokele yoPolo ndjoka ya li ya thikama pooha ihe omukiintu okwe shi pondola okutuula onayilona ndjoka yiimaliwa nomwaalu gwooN$200 000 ogwa gwile pevi, noongangala odha yi nooN$200 000.” Amwele okwa popi kutya aakwashigwana yamwe oya tidha oongangala dhoka dha hingi dhuuka kombinga yaNgwediva.
Omunambelewa omupopiliko gwoshipangelo shoka, Kalipa Kaliba okwa koleke oshiningwanima shoka ihe ina vula okugandja uuyelele owundji.
Amwele okwa popi kutya ohauto ndjoka oyehangano lyokuhiila oohauto nopOmaalala oongangala dhoka odha nyengwa okukondoloa oshiyenditho na osha gu.
“Aapolisi yamwe oya li nale mondjila okuza kOshakati nOngwediva taya kongo ohauto ndjoka na oye shi pondola okuthika pehala lyoshiponga pethimbo. Omufekelwa gumwe omunamimvo 23 a za momukunda Ondeihaluka moshitopolwa shaHangwena okwa ehamekwa momutse nombunda na okwa tulilwa miipandeko pehala lyoshiponga omanga omufekelwa gumwe omunamimvo 31 a za momukunda Okapya popepi nOndangwa a tulilwa miipandeko kakushi kokule nehala lyoshiponga na okwa adhika e na N$61 002,” Amwele a popi.
“Oshimaliwa shooN$14 600 osha monika komumati ngoka e shi a dha mepya. Omufeleka ngoka eehamekwa ota mono epango moshipangelo shaShakati omanga yaali taya kongwa kopolisi. Oshimaliwa shooN$124 398 inashi monika natango.”
Amwele okwa popi kutya aafekelwa mboka taya kongwa oongangala dhi shiwike.
Comments
Namibian Sun
No comments have been left on this article