Aardedag gevier

Michelline NawatisesPull quote: “Om by hierdie klub aan te sluit, is een van die beste goed wat ek al gedoen het” - Priscilla ShongolaOp Aardedag vind verskeie verrigtinge ter ondersteuning van omgewingsbewaring plaas en om waardering vir Moeder Aarde te bevorder. Vanjaar se tema was “Protect our species” en het hoofsaaklik op die beskerming van bedreigde spesies gefokus.Op Walvisbaai is Aardedag op 18 April deur die Munisipaliteit van Walvisbaai se omgewingsbestuurafdeling gevier, in samewerking met die Walvisbaai Stem-klub (wetenskap, tegnologie, ingenieurswese en wiskunde), wat uit dinamiese graad 5- tot graad 12-leerlinge bestaan.Die viering het op drie spesies gefokus: die Heaviside-dolfyn, die albatros en die Welwitschia-plant. Inligting oor hierdie spesies is aan leerlinge verskaf om plakkate met verskeie kernboodskappe te ontwerp.Anastacia de Klerk is die Stem-klub se stigter, wat leerlinge van Walvisbaai akkommodeer. Die doel van die klub is om leerlinge aan Stem-verwante aktiwiteite bloot te stel en leiding in hul skoolloopbane en toekomsplanne te bied.“Ons streef daarna om hulle aan Stem-verwante kompetisies bloot te stel – plaaslik sowel as internasionaal,” het De Klerk gesê. Hoewel die klub vir beide seuns en meisies oop is, fokus die Stem-beurs slegs op meisies. De Klerk sê sy hoop om meer kinders in die toekoms te bereik en om borge te kry sodat hulle ’n permanente tuiste vir die klub kan vind, wat ook as hulpbronsentrum vir leerlinge op Walvisbaai sal dien.Die klub bestaan tans uit 27 lede. Priscilla Shongola (16), ’n lid van die klub, sê: “Ek geniet die klub en wil ook ’n passie vir die wetenskap ontwikkel en ’n loopbaan hierin volg. Om meer kennis in te win en pret te hê terwyl jy dit doen, is die idee.”

Aardedag gevier

Comments

Namibian Sun 2025-07-04

Please login to leave a comment

Aardedag gevier

Comments

Namibian Sun 2025-07-04

Please login to leave a comment

Login