Aanona taya monithwa iihuna, sho epangelo kali na ko nasha

JEMIMA BEUKES OVENDUKAAaniilonga pendiki lyoodhigwa naantu mboka taya pumbwa omayambidhidho moKatutura oya popi kutya ohaya mono aanona aashona yokuza poomvula ne mboka ya kwatwa oonkonga oshowo aanona mboka ya gwile momamonitho giihuna omanga epangelo lyiidhimbika oshikumungu shonkalo ndjoka.Menindjela gwoBeautiful Kidz, Jennieke Kafuka-Bolier, ngoka a popi kutya okwa shangela oombaaapila kaanambelewa yezulonkalo moshikondo shegameno lyAakiintu nAanona popolisi ihe ina mona eyamukulo.Kafuka-Bolier okwa popi kutya oshinima tashi lulumike unene uuna ya fala aanona mboka ya ningi iihakanwa koshikondo shoka opo shiidhopemo ihe esiku tali landula uunona mboka owa shunwa monkalo moka wuli naafekelwa otaya ethiwa pakupewa ekunkililo owala molwaashoka aniwa osho oshikando shawo shotango.Omathimbo gamwe ohaya lombwelwa kaanambelelwa yezulonkalo kutya otaye ya galukile.“Oshiwinayi noonkondo. Ngoye owa hala okusila oshisho aanona mboka molwaashka owu wete kutya kaye na ompito yokukokela momagumbo mu na ohole. Ongula kehe otatu pangele shoka sha yonagulwa kaavali ongulohi.”Oshipotha shopaife ooshoka okanona kokamati koomvula ntano kadhengwa kuhe.Pauyelele waniilonga mendiki ndyoka oya dhidhilike kutya ope na epuko sho okanona hoka itaka vulu okukuutumba nawa pethimbo lyootundi, nokonima yomakonaakono oya mono kutya okanona oke na iilalo kolutu.“Otashi shuwa ngiini mbela moNamibia, moka anuwa mwiipyakidhilwa unene nuuthemba wuunona, sho okanona hoka okashona taka dhengwa ngaaka kuhe?sho twa lopota koWomen and Child Protection Unit okanona hoka oka tumwa kegumbo konima sho aniwa ka pewa ekunkililo enene,” Kafuka-Bolier a popi.Omunambelewa ngoka okwa popi kutya nonando okwa lopotwa iipotha iinene kape na oshilanduli, kape na odholongo, kape na ezulonkalo nenge etalelepo lyomagumbo ngoka.“Ino lombwelandje kutya uunona owu na uuthemba muka. Omulandu gwepangelo otagu ya ndopeke nokut u lombwela owala kutya kape na shoka tatu ningi.”Sho a ningilwa omapulo koNamibian Sun, he yokanona hoka okwa popi kutya shoka oshikumungu shopaumwene na osha pumbwa okukundathanwa meni lyoombelewa dha pata.Okwa geya noonkondo sho aniwa oshinima shoka sha yi moshigwana na kehe gumwe okushi wete.“Otandi yi koWomen and Child Abuse nokukonga kutya olye a tula oshinima shika moshigwana. Otandi fala omuntu ngoka kopolisi molwaashoka ota nyateke edhina lyokanona kandje,” omulumentu ngoka a popi omanga ina tula po ongodhi.Felicity Adams, omunambelewa gwezulonkalo okwa dhengele oNamibian Sun opo uuve kutya osha ende ngiini oshikumungu shoka shi ye miikundaneki molwaashoka oshinima shopaumwene.Natango aaniilonga mboka oye li ya kunkwa koshipotha moka okanona kokamati koomvula ne kwa lopotwa ka kwatwa onkonga kuhe ngoka a hokana yina. Nonando ongaaka omukiintu ngoka okwa shuna komulumentu ngoka nonando okwa holoka oshinima shoka.Omuniilonga ngoka a popi ina hala uukwatya we wu hololwe okwa popi kutya okanona hoka ngashiingeyi oka tameka okukwata onkonga uunona uukwawo.“Okwa li te shi ningi uunona uukwawo naasho a pulwa mongulu yandje okwa popi kutya he naye oheshi mu ningi.”“Opwali esiku nda adha ta kuthamo omunambo gwokanona kokashiinda nokukalangeka opo andola e ka ningile omuyonena onda igidha na okwa haluka noonkondo.”Oshikando shimwe he yokanona hoka okwe ka dhenge unene sho aadha taka kwata onkonga okamwayinamati, onzo ndjoka ya holola.Natango aniwa oshipotha shekwatonkonga lyokakadhona koomvula 10 osha mwenapo konima sho ya kambadhala iikando yontumba okukondjitha opolisi yiidhope moshikumungu shoka.“Ekwatonkonga olya kolekwa, okanona okali ka ningilwa omakonaakono komundohotola, na okwa tulwa megumbo omolwa egameno uule womasiku gontumba. Omukwanezimo okwa yi ontuku ihe ofamili otayi mu gamene molwaashoka aniwa kashi shi oshiwinayi unene.”Aniwa hekulu nayinakulu oya popi kutya okanona hoka naka shune kegumbo nomufekelwa okwa shuna megumbo ndyoka na kape na shoka sha ningwa po, pauyelele wa gandjwa konzo.MuNovemba gwomvula yo 2017 endiki ndyoka olya shangele omukanda kopolisi taya pula eidhopomo lyopolisi omolwa uunona uwali wuukadhona koomvula ntano noomvula 12 mboka wa thigwapo kuyina, ihe sigo onena inaya mona eyamukulo lya sha, pahokololo lya gandjwa kuKafuka-Bolier.Momvula oyo tuundjoka natango oya shangele ombaapila kopolisi omolwa onkalo yaanona mboka haya zi mombashu yili popepi noondingosho na ohaya zi pamwe naavali yawo mboka yeli ya pikwa komalovu niingangamithi na ohaya thigi aanona megumbo oyo ayehe kaye na iikulya megumbo moka kamu na olusheno nenge omeya.Natango inaya mona eyamukulo.Kafuka-Bolier natango okwa shanga omukanda mo 2019 omolwa onkalo yofamili ndjoka ta pulaa oshikondo shoWomen and Child Protection Unit shiidhopemo.Sho oNamibian Sun ya ningi ekwatathano nuuministe wuuthikepamwe, omukomeho muuministeli mboka, Esther Lusepani okwa ukitha omapulo ngoka kopolisi.“Opolisi oyo yi na oshinakugwanithwa miipotha yomakwatonkonga, tse ohatu gandja owala eyambidhiho lyopamadhilaadhilo koonakuninga iihakanwa.” Lusepani a popi.Sho a ningilwa omapulaapulo, James Ithana okuza koRegain Trust okwa popi kutya nonando ehangano lyawo inali mona unene omaupyakadhi mokuungaunga niikumungu yomahepeko gomomagumbo, okwa tsu omuthindo kombinga yesimano lyokundungika oshigwana oshowo aagandji yomayakulo kombinga yomikalo tadhi vulu okulongithwa mokukwashilipaleka kutya epangelo olya pewa ethiminiko lyoshinakugwanithwa megandjo lyomayakulo ngaashi li na oshinakunakugwanithwa shoka.“Otandi gandja omagwedhelepo kutya miipotha mbyoka ya lopotwa, kuthako omadhina ngele omupolisi kuthako onomola ye yiilonga opo ngele oshipotha shoka osha kala inashi ungaungiwa nasho nena otaya vulu okulopotwa koombonge dhoshikondo shiimbuluma yomomagumbo oshowo kaakomeho muuministeli wuuthikepamwe.Pethimbo onkundana ndjika ya nyanyangithwa opolisi inayi yamukala natango komapulo ngoka ya ningilwa.

Aanona taya monithwa iihuna, sho epangelo kali na ko nasha

Comments

Namibian Sun 2025-07-02

Please login to leave a comment

Aanona taya monithwa iihuna, sho epangelo kali na ko nasha

Comments

Namibian Sun 2025-07-02

Please login to leave a comment

Login