Aanona 11 ye li modholongo
Aanona yaamati yeli omulongo oshowo okanona kamwe kokakadhona oyeli modholongo sha landula sho ya monika ondjo miipotha ya yooloka mwa kwatelwa ekwatonkonga.
TUYEIMO HAIDULA
OSHAKATI
Namibia pamiyalu oku na aanona 11 ye li modholongo. Ngoka omushona oku na oomvula 14 a monika ondjo moshipotha shekwatonkonga. Okwa pewa egeelo lyokukala modholongo oomvula ntano.
Okuli modholongo yedhina E. Shikongo Correctional Facility moTsumeb moshitopolwa shaShikoto.
Ngoka omukuluntu oku na oomvula 17 na okuli mendiki lya faathana. Okwa monika ondjo moshipotha sheteyo lyegumbo nelalakano lyokuyaka. Yane yomaanona mboka ye li modholongo oya monika ondjo miipotha yomakwatonkonga.
Iimbuluma yilwe ya longwa kaanona mboka aamati yeli omulongo oshowo okakadhona kamwe omwa kwatelwa omuyeka kwahomatiwa, iikengelela, okuya moNamibia pwaahena epitiko, uukongo wiiyamakuti ya gamenwa oshowo eteyo lyomagumbo.
Omunamimvo 16 ngoka a tulwa miipandeko omolwa iipotha iyali yekwatokonga, okuli mondjeedhililo mOluno mOndangwa a tegelela epangulo. Oshiningwanima shongashiingeyi, omunamimvo omugoyi ngoka ta tamanekelwa edhipago lyomumwayinagona, Beverly Kazembua Muhenje (11), ngoka e mu tsu nombele momukunda Eenkondombali moshitopolwa shaMusati.
Namibian Sun okwa popi naanambelelwa yombelewa yuuthikepamwe nonkalonawa yaanona muuministeli oshowo endiki lyoodholongo nokuuva kutya oshike sha holokapo kaanona mboka.
Omupopiliko guuministeli, Lukas Haufiku, okwa popi kutya aanona oyendji inaya koka natango pamadhilaadhilo opo ya vule okutaaela omapangulo gawo, onkene epangelo lyaNamibia ohali tala manga kezulonkalo lyawo nuuna lya ndopa nena ohaya gandjwa komalelo opo ya taalele omageelo gawo.
Haufiku okwa popi uuministeli wawo ohawu tseyithilwa ngele okanona ka tulwa miipandeko.
Omunambelewa gwezulonkalo oha pewa oshinakugwanithwa shokuningila onkalo yokanona hoka omakonaakono. Konima yomakonaanoko oshizemo ohashi gandjwa kompangu. Omunambelewa ngoka oha kwatelwa komeho konkalo kutya okanona hoka oshikando shotango taka longo oshimbuluma, nenge oshikando shivulithe pushimwe noomvula. Omunambelewa ngoka oha ningi omagwedhelepo komupanguli-ndjai ngele okanona hoka otaka vulu okupangulwa nenge itaka vulu. Ngele omupanguli-ndjai okwa ningi etokolo okanona ohaka tulwa mezulonkalo. Komufala, Sam Shaalulange gwoNamibian Correctional Service okwa lombwele oNamibian Sun kutya okuya modholongo lyo etokolo lya hugunina monkalo ndjoka.Okwa popi kutya aanona mboka ihaya tulwa mumwe naakuluntu, nashoka osha hala okutya aanona aashona ohaya ikalekelwa, nenge ya tulwe mesiloshisho lyaakuluntu nenge yapewe omboloha.
Okwa popi kutya oshilongo osha tunga endiki lyaanona koElizabeth Nepemba Correctional Facility moKavango West , ihe omwaalu gwaanona mboka yeli moodholongo ogwali omushona naashoka inashi pitikitha ya kale ye na odholongo yeyiikalekelwa.
Okwa popi kutya aanona mboka haya longo konyala iimbuluma aanona yomomapandaanda na inaya za momagumbo geli nawa.
Konima uuna ya pewa omageelo omalelo ohaga kwashilipaleke kutya aanona inaya ya mumwe naakuluntu.
[email protected]
OSHAKATI
Namibia pamiyalu oku na aanona 11 ye li modholongo. Ngoka omushona oku na oomvula 14 a monika ondjo moshipotha shekwatonkonga. Okwa pewa egeelo lyokukala modholongo oomvula ntano.
Okuli modholongo yedhina E. Shikongo Correctional Facility moTsumeb moshitopolwa shaShikoto.
Ngoka omukuluntu oku na oomvula 17 na okuli mendiki lya faathana. Okwa monika ondjo moshipotha sheteyo lyegumbo nelalakano lyokuyaka. Yane yomaanona mboka ye li modholongo oya monika ondjo miipotha yomakwatonkonga.
Iimbuluma yilwe ya longwa kaanona mboka aamati yeli omulongo oshowo okakadhona kamwe omwa kwatelwa omuyeka kwahomatiwa, iikengelela, okuya moNamibia pwaahena epitiko, uukongo wiiyamakuti ya gamenwa oshowo eteyo lyomagumbo.
Omunamimvo 16 ngoka a tulwa miipandeko omolwa iipotha iyali yekwatokonga, okuli mondjeedhililo mOluno mOndangwa a tegelela epangulo. Oshiningwanima shongashiingeyi, omunamimvo omugoyi ngoka ta tamanekelwa edhipago lyomumwayinagona, Beverly Kazembua Muhenje (11), ngoka e mu tsu nombele momukunda Eenkondombali moshitopolwa shaMusati.
Namibian Sun okwa popi naanambelelwa yombelewa yuuthikepamwe nonkalonawa yaanona muuministeli oshowo endiki lyoodholongo nokuuva kutya oshike sha holokapo kaanona mboka.
Omupopiliko guuministeli, Lukas Haufiku, okwa popi kutya aanona oyendji inaya koka natango pamadhilaadhilo opo ya vule okutaaela omapangulo gawo, onkene epangelo lyaNamibia ohali tala manga kezulonkalo lyawo nuuna lya ndopa nena ohaya gandjwa komalelo opo ya taalele omageelo gawo.
Haufiku okwa popi uuministeli wawo ohawu tseyithilwa ngele okanona ka tulwa miipandeko.
Omunambelewa gwezulonkalo oha pewa oshinakugwanithwa shokuningila onkalo yokanona hoka omakonaakono. Konima yomakonaanoko oshizemo ohashi gandjwa kompangu. Omunambelewa ngoka oha kwatelwa komeho konkalo kutya okanona hoka oshikando shotango taka longo oshimbuluma, nenge oshikando shivulithe pushimwe noomvula. Omunambelewa ngoka oha ningi omagwedhelepo komupanguli-ndjai ngele okanona hoka otaka vulu okupangulwa nenge itaka vulu. Ngele omupanguli-ndjai okwa ningi etokolo okanona ohaka tulwa mezulonkalo. Komufala, Sam Shaalulange gwoNamibian Correctional Service okwa lombwele oNamibian Sun kutya okuya modholongo lyo etokolo lya hugunina monkalo ndjoka.Okwa popi kutya aanona mboka ihaya tulwa mumwe naakuluntu, nashoka osha hala okutya aanona aashona ohaya ikalekelwa, nenge ya tulwe mesiloshisho lyaakuluntu nenge yapewe omboloha.
Okwa popi kutya oshilongo osha tunga endiki lyaanona koElizabeth Nepemba Correctional Facility moKavango West , ihe omwaalu gwaanona mboka yeli moodholongo ogwali omushona naashoka inashi pitikitha ya kale ye na odholongo yeyiikalekelwa.
Okwa popi kutya aanona mboka haya longo konyala iimbuluma aanona yomomapandaanda na inaya za momagumbo geli nawa.
Konima uuna ya pewa omageelo omalelo ohaga kwashilipaleke kutya aanona inaya ya mumwe naakuluntu.
[email protected]
Comments
Namibian Sun
No comments have been left on this article