Aaniilonga yuundjolowele 39 ya monika oCovid-19
Monena aaniilonga moshikondo shuundjolowele moNamibia ye li po 39, okwa lopotwa ya kwatwa kombuto yoCovid-19, nonkalo ndjoka otayi tulitha muupyakadhi oshikondo shuundjolowele.
JEMIMA BEUKES
OVENDUKA
Momaandaha nEtiyali aaniilonga yahamano muundjolowele oya monika ombuto.
Onkalo ndjoka oya lopotwa molopota yomasiku 31 gaJuli moka mwa hololwa kutya ompumbwe yonzo dhopauntu miitopolwa oyimwe shomuupyakadhi.
Olopota oya holola kutya aantu yeli pe 1 280 mboka kwa lopotwa ya monika ombuto yoCovid-19 inaya tulwa natango momandiki gokwiikalekelwa moshitopolwa shErongo.
Omaupyakadhi gamwe ongaashi ompumbwe yomahala niikwathitho mointensive care unit (ICU) miipangelo. Ompumbwe yomizalo dhopersonal protective equipment (PPE) oshowo uututsitho wombuto, oyimwe yomuupyakadhi wa taalela oshikondo shuundjolowele mokuungaunga nombuto yo Covid-19.
Natango olopota oya holola kutya ethimbo elele tashi kutha eningo lyomakonaakono gombuto ndjoka okuza koNamibia Institute of Pathology oshimwe shomuupyakadhi.
Omaupyakadhi ngoka oga hololwa pethimbo mpoka Ehangano lyUundjolowele mUuyuni, lyoWorld Health Organisation (WHO) Africa lya kunkilile kombinga ye yo pombanda lyiipotha yombuto yoCovid-19, mokati kaaniilonga yuundjolowele.
Momutumba gwiikundaneki ngoka gwa li gwa ningwa, omukomeho gwoWHO Africa, Dr Matshidiso Moeti, okwa popi kutya aaniilonga ye vulithe po 10 000 oya kwatwa kombuto yoCovid-19 mosub-Saharan Africa. Moeti okwa popi kutya shoka tashi etitha unene uupyakadhi mboka, ompumbwe yoPPE.
Omukomeho gwoCentres for Disease Control and Prevention moNamibia, Dr Eric Dziuban, okwa popi kutya okwa pumbiwa okutulwa miilonga iinima oyindji opo ku kalekwepo egameno lyaaniilonga.
Okwa popi kutya shimwe sha pumbwa okuningwa megameno lyaaniilonga yuundjolowele, okushunitha pevi omwaalu gwaantu mboka taya yi momandiki guundjolowele.
Egandjo lyomizalo dhoPPE oshowo okuyanda aaniilonga mboka taya ehama opo kaya ye kiilonga oshimwe shomiinima ya pumbwa okutulwa miilonga opo ku yandwe onkalo ndjoka yetaandelo lyombuto mokati kaaniilonga yuundjolowele.
Uupyakadhi wumwe mokati kaaniilonga ongaashi uuvu woshipwatagula, uupyakadhi wokukotha nokulya nomaupyakadhi ngoka otaga etulitha pevi omukumo miilonga, nokweetitha elongitho lyiikolitha niingangamithi, oshowo okweetitha uumbanda, ongeyo nokuuva nayi.
[email protected]
OVENDUKA
Momaandaha nEtiyali aaniilonga yahamano muundjolowele oya monika ombuto.
Onkalo ndjoka oya lopotwa molopota yomasiku 31 gaJuli moka mwa hololwa kutya ompumbwe yonzo dhopauntu miitopolwa oyimwe shomuupyakadhi.
Olopota oya holola kutya aantu yeli pe 1 280 mboka kwa lopotwa ya monika ombuto yoCovid-19 inaya tulwa natango momandiki gokwiikalekelwa moshitopolwa shErongo.
Omaupyakadhi gamwe ongaashi ompumbwe yomahala niikwathitho mointensive care unit (ICU) miipangelo. Ompumbwe yomizalo dhopersonal protective equipment (PPE) oshowo uututsitho wombuto, oyimwe yomuupyakadhi wa taalela oshikondo shuundjolowele mokuungaunga nombuto yo Covid-19.
Natango olopota oya holola kutya ethimbo elele tashi kutha eningo lyomakonaakono gombuto ndjoka okuza koNamibia Institute of Pathology oshimwe shomuupyakadhi.
Omaupyakadhi ngoka oga hololwa pethimbo mpoka Ehangano lyUundjolowele mUuyuni, lyoWorld Health Organisation (WHO) Africa lya kunkilile kombinga ye yo pombanda lyiipotha yombuto yoCovid-19, mokati kaaniilonga yuundjolowele.
Momutumba gwiikundaneki ngoka gwa li gwa ningwa, omukomeho gwoWHO Africa, Dr Matshidiso Moeti, okwa popi kutya aaniilonga ye vulithe po 10 000 oya kwatwa kombuto yoCovid-19 mosub-Saharan Africa. Moeti okwa popi kutya shoka tashi etitha unene uupyakadhi mboka, ompumbwe yoPPE.
Omukomeho gwoCentres for Disease Control and Prevention moNamibia, Dr Eric Dziuban, okwa popi kutya okwa pumbiwa okutulwa miilonga iinima oyindji opo ku kalekwepo egameno lyaaniilonga.
Okwa popi kutya shimwe sha pumbwa okuningwa megameno lyaaniilonga yuundjolowele, okushunitha pevi omwaalu gwaantu mboka taya yi momandiki guundjolowele.
Egandjo lyomizalo dhoPPE oshowo okuyanda aaniilonga mboka taya ehama opo kaya ye kiilonga oshimwe shomiinima ya pumbwa okutulwa miilonga opo ku yandwe onkalo ndjoka yetaandelo lyombuto mokati kaaniilonga yuundjolowele.
Uupyakadhi wumwe mokati kaaniilonga ongaashi uuvu woshipwatagula, uupyakadhi wokukotha nokulya nomaupyakadhi ngoka otaga etulitha pevi omukumo miilonga, nokweetitha elongitho lyiikolitha niingangamithi, oshowo okweetitha uumbanda, ongeyo nokuuva nayi.
[email protected]
Comments
Namibian Sun
No comments have been left on this article