Aaniilonga yaali ya sile miilonga mOmbaye
Aalumentu yaali oya hulitha moshiponga shoka sha holoka posasiyona yokupomba omeya mondoolopa yaMbaye. Aaniilonga yakwawo yatatu oya falwa koshipangelo.
Pahapu dhaDennis Basson, omukomeho gwoWalvis Bay fire brigade, okwa popi kutya oya yakula ongodhi omanga otundi onti 13:00 inayi dhenga okuza koEMed Rescue 24 kutya ope na omuntu a tindila momunino.
“Sho twa thiki pehala lyoshiponga otwa a dha aantu yaali yeli kohi yomeya posasiyona yokupomba omeya. Omupya omunene aantu mboka kaya li taya vulu we okuhupitha. Pethimbo ndika katu shi natango kutya oshike sha holoka na otatu ka ninga omakonaakono gomeni moshiponga shoka.”
Ope na ompito onene kutya aaniilonga mboka oya fudhilemo omuku guuzigo omanga taya longo posasiyona ndjoka, Basson a popi ihe nonando ongaaka shoka inashi kolekwa natango.
Basson okwa koleke kutya aalumentu yaali oya hulitha omanga yali taya longo posasiyona yokupomba omeya, gumwe omuniilonga gwamuni omanga mukwawo omuniilonga gwehangano lyopaumwene.
Shoka oshiningwanima oshitiyali tashi holoka muule womasiku gaali, moka aaniilonga taya sile miilonga. Metitatu lya piti, omulumentu gwoomvula 28, omukwashigwana gwaAngola okwa pumwa okuzilila konima keloli mehangano lyoNamOPS Company.
Palopota yopolisi, Israel Hamutenya okwa li a kutwa kehangano ndyoka a tulemo uudhopi meni lyologolo lwehangano, na okwa hulithile pehala lyoshiningwanima. Ofamili ye oya tseyithilwa nale eso lye.
[email protected]
LEANDREA LOUW
WALVIS BAY
Pahapu dhaDennis Basson, omukomeho gwoWalvis Bay fire brigade, okwa popi kutya oya yakula ongodhi omanga otundi onti 13:00 inayi dhenga okuza koEMed Rescue 24 kutya ope na omuntu a tindila momunino.
“Sho twa thiki pehala lyoshiponga otwa a dha aantu yaali yeli kohi yomeya posasiyona yokupomba omeya. Omupya omunene aantu mboka kaya li taya vulu we okuhupitha. Pethimbo ndika katu shi natango kutya oshike sha holoka na otatu ka ninga omakonaakono gomeni moshiponga shoka.”
Ope na ompito onene kutya aaniilonga mboka oya fudhilemo omuku guuzigo omanga taya longo posasiyona ndjoka, Basson a popi ihe nonando ongaaka shoka inashi kolekwa natango.
Basson okwa koleke kutya aalumentu yaali oya hulitha omanga yali taya longo posasiyona yokupomba omeya, gumwe omuniilonga gwamuni omanga mukwawo omuniilonga gwehangano lyopaumwene.
Shoka oshiningwanima oshitiyali tashi holoka muule womasiku gaali, moka aaniilonga taya sile miilonga. Metitatu lya piti, omulumentu gwoomvula 28, omukwashigwana gwaAngola okwa pumwa okuzilila konima keloli mehangano lyoNamOPS Company.
Palopota yopolisi, Israel Hamutenya okwa li a kutwa kehangano ndyoka a tulemo uudhopi meni lyologolo lwehangano, na okwa hulithile pehala lyoshiningwanima. Ofamili ye oya tseyithilwa nale eso lye.
[email protected]
LEANDREA LOUW
WALVIS BAY
Comments
Namibian Sun
No comments have been left on this article