Aaniilonga ya hala aahona yawo ya shunwe miilonga
24 September 2019 | Labour
LEANDREA LOUW
Aaniilonga yehangano lyEmbwinda Fishing otaya kondjitha opo aakomeho yawo miilonga ye li 21, mboka ya kuthwa miilonga shaaheli paveta opo ya shunwe miilonga.
Mboka oya kuthwa miilonga momasiku 30 gaAguste.
Aaniilonga oya ningi ehololomadhilaadhilo lyopambili mEtine lya piti na oya gandja omukandanyenyeto gwawo kelelo lyehangano.
Omukalelipo gwaaniilonga Julius Taapopi Hambo okwa popi kutya aaniilonga inaya nyanyukilwa omukalo moka taya ihumbatelwa kehangano.
“Ehangano olya tidha miilonga aakomeho yeli 21 momasiku 30 gaAguste molwaashoka aniwa inaya longa momasiku 18 gaAguste omanga kakwali iilonga yaaniilonga mofakitoli,” Hambo a popi.
Gumwe gwomoonakutidhwa miilonga, Victoria Ruben, okwa yelitha kutya oya thiki piilonga momasiku 18 ye li miikutu yawo yopaumwene na kaya li ya zala omizalo dhawo dhokwiigaamena miilonga.
“Otwa pulwa twiilopote miilonga potundi onti 08:00 na otwa dhilaadhila kutya otayu ka pewa omadheulo. Mesiku ndyoka otwa pulwa tu ka tameke iilonga na otwa ningile etokolo ndyoka omapulo molwaashoka ka twa li twa zala omizalo dhetu dhegameno miilonga.
Otwa tidhwa miilonga sho twa ningile omapulo etokolo ndyoka na otwa tsikile niilonga nonando otwali tuli momizalo dhopaumwene. Ohatu zala omizalo dhiilonga opo twiigamene kuutalala mboka wuli mofakitoli, omolwa uutalala mboka aakiintu yamwe oya gongoka.”
Momasiku 30 konima sho ya longo oowili 9 oya pewa omikanda tadhi popi kutya oya kuthwa miilonga omolwa oshikumungu shoka sha holoka kuyele omwedhi ngoka.
Momukandanyenyeto ngoka, aaniilonga oya pula Embwinda opo li shune miilonga aakomeho mboka meendelelo.
Aaniilonga oya nyeyeta woo onkalo yawo yiilonga kayi li nawa molwaashoka aaniilonga aashona na otaya longo iilonga yaantu ooyatatu nongele oya nyenyeta nena otaya lombwelwa kutya inaya hala okulonga.
Aaniilonga yamwe ohaya longo uusiku na otaya futwa owala oshimaliwa shooN$1 000, naaniilonga mboka ya longela ehangano ndyoka uule womimvo dha thika po 10 natango oyeli owala aaniilonga yopakathimbo.
Oya popi kutya omukomeho gwehangano ndyoka, Jose Reyero iha pulakene kaaniilonga AaNamibia uuna ye na uupyakadhi ihe aluhe oha pulakene kaaniilonga AaSpaina.
Reyero okwa yakula omukandanyenyeto ngoka okuza kaaniilonga ihe okwa tindi okutya sha.
Aaniilonga yehangano lyEmbwinda Fishing otaya kondjitha opo aakomeho yawo miilonga ye li 21, mboka ya kuthwa miilonga shaaheli paveta opo ya shunwe miilonga.
Mboka oya kuthwa miilonga momasiku 30 gaAguste.
Aaniilonga oya ningi ehololomadhilaadhilo lyopambili mEtine lya piti na oya gandja omukandanyenyeto gwawo kelelo lyehangano.
Omukalelipo gwaaniilonga Julius Taapopi Hambo okwa popi kutya aaniilonga inaya nyanyukilwa omukalo moka taya ihumbatelwa kehangano.
“Ehangano olya tidha miilonga aakomeho yeli 21 momasiku 30 gaAguste molwaashoka aniwa inaya longa momasiku 18 gaAguste omanga kakwali iilonga yaaniilonga mofakitoli,” Hambo a popi.
Gumwe gwomoonakutidhwa miilonga, Victoria Ruben, okwa yelitha kutya oya thiki piilonga momasiku 18 ye li miikutu yawo yopaumwene na kaya li ya zala omizalo dhawo dhokwiigaamena miilonga.
“Otwa pulwa twiilopote miilonga potundi onti 08:00 na otwa dhilaadhila kutya otayu ka pewa omadheulo. Mesiku ndyoka otwa pulwa tu ka tameke iilonga na otwa ningile etokolo ndyoka omapulo molwaashoka ka twa li twa zala omizalo dhetu dhegameno miilonga.
Otwa tidhwa miilonga sho twa ningile omapulo etokolo ndyoka na otwa tsikile niilonga nonando otwali tuli momizalo dhopaumwene. Ohatu zala omizalo dhiilonga opo twiigamene kuutalala mboka wuli mofakitoli, omolwa uutalala mboka aakiintu yamwe oya gongoka.”
Momasiku 30 konima sho ya longo oowili 9 oya pewa omikanda tadhi popi kutya oya kuthwa miilonga omolwa oshikumungu shoka sha holoka kuyele omwedhi ngoka.
Momukandanyenyeto ngoka, aaniilonga oya pula Embwinda opo li shune miilonga aakomeho mboka meendelelo.
Aaniilonga oya nyeyeta woo onkalo yawo yiilonga kayi li nawa molwaashoka aaniilonga aashona na otaya longo iilonga yaantu ooyatatu nongele oya nyenyeta nena otaya lombwelwa kutya inaya hala okulonga.
Aaniilonga yamwe ohaya longo uusiku na otaya futwa owala oshimaliwa shooN$1 000, naaniilonga mboka ya longela ehangano ndyoka uule womimvo dha thika po 10 natango oyeli owala aaniilonga yopakathimbo.
Oya popi kutya omukomeho gwehangano ndyoka, Jose Reyero iha pulakene kaaniilonga AaNamibia uuna ye na uupyakadhi ihe aluhe oha pulakene kaaniilonga AaSpaina.
Reyero okwa yakula omukandanyenyeto ngoka okuza kaaniilonga ihe okwa tindi okutya sha.
Classifieds